Gerechtigkeiten der Herrschaft Hessen in Lichtenau

Regest-Nr. 9270

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, S 451, Salbuch.
Abschriften:	Staatsarchiv Marburg, 330 Lichtenau Nr. 1, Bl. 6r-10r (15. Jahrhundert).
Drucke:	Eckhardt, Lichtenauer Ratsverfassung, S. 52 f. Nr. 2.

Regest

Gerechtigkeiten, die Hessen jährlich in Lichtenau zufallen.

Originaltext

Anno domini millesimo CCCCLIIII° circa beati Pauli conversionis etc.
Item diit ist daz register aller gerechtekeid, alse die herschaff zu Hessin alle jar jerlich had an erplichen zufellen in der stad Lichtenauwe und forder daselbs in der feltmarke und auch darnach forder im gerichte zu Richinbach von eyme iglichen dorfe besundern und von den wustenungen daselbis, mit namen ez sie an geldczinsen ader an fruchten, an agkern adir an wesen, an gensen, an hunern adir an eigern, nichtez ußgescheiden, alse man daz alles von eyme iglichen besundern hernachgeschreben findet. (...)
Item had die herschaff von aldens herbracht, daz ire amptlude und burgermeister, der des jars burgemeister gewest ist, sollen zusammen gehin und eyns werden, wann man eynen radt kysen will, und sollen alsdann zu yn heyschen sesse man uß dem neist vergangen rade und die sullen semptlich mit den amptluden fordane kysen sess frume manne, die dann vor des jars im rade nicht syn. So sullen alsdann die amptlude von der herschafft wegen uße den genanten zwelfen eynen burgemeister kysen, der dann der herschaff und der stadt bequemlich sie. Item darnach benennet man zwene frumme manne, die dann der stad daz jar gemeyne vormunden syn sollen. Item so sal alsdann eyn schultheiße, wer der ist, von unsers gnedigen herren wegen den burgermeister, den radt und die gemeyndevormunden semptlich laßen ire eyde thun und mit liiplichen uffgerachten fingern zu den heilgen sweren, dem obgenanten unserm gnedigen herren getruwe und holt zu synde und synen schaden tag und nacht zu warnen und darmeist der stadt zur Lichtenauwe gemeynlich, arm und riche, zuvorn syn und yr bestez thun, als yn got helfe und syne heilgen.
Item sal auch eyn burgemeister selbdritte ader selbvierde und nach notdorf der sache und umbe des schultheißen bede willen mit ime uff die dorfe, die dann eigen gerichte haben, als gein Furstenhain, gein Felmde, gein Husen und gein Holnstein zu gerichte ziehen, was das noit ist. Und wan sie dan widder zu huss kummen, so sal sie der schulthieße vorgenant uff den abind in unsers herren huß laden und yn darinn mit kosten gutlich thun.
Item sal der vorgenante burgemeister von geheiße der amptlude, so digke dann des noit ist, den radt zusammen laßen heischen und brengen. Und dargein had derselbe burgemeister, wer der zu zieden ist, macht, burneholcz, waz er des in syn huss dazselbe jar bedarf, in unsers herren walde zu hauwen an zemlichen und an unschedelichen steden. Daz sollen ime die furster wysen und andirs nicht.
Item gibet man eynem burgemeister, eyme iglichen ratsmanne und den zwen gemeyndevormunden y des jars uff die fastnacht zwey fasnachtshuner von unsers herren wegen uß deme hobe.
Item gibt eyn radt zur Lichtenauwe von der stad wegen eyme schultheißen, wer der ist, je des jars zu drehin ungeboden dingen, mit namen zum ersten uff sente Walpurgis tage 4 s., uff Michalis 4 s. und uff den zwelften auch 4 s. und darczu uff den vorgenanten zwelften tag y des jars gibet eyn iglich radtmann dem schulthießen eynen schilling d. oppergeld.
Item der rad zur Lichtenauwe gebin eyme schultheißin alle jar uffe den jarstag 4 s. zu tranggelde. Item so gibet eyn radtsman iglicher deme schultheißin 1 s. zu oppergelde.

Sprache des Originaltextes

deutsch

Nachweise

Weitere Orte

Lichtenau · Reichenbach, Gericht · Fürstenhain · Felmede · Husen · Holnstein

Sachbegriffe

Register · Gerechtigkeiten · Fälle, erbliche · Städte · Feldmarken · Gerichte · Dörfer · Wüstungen · Geldzinsen · Früchte · Äcker · Wiesen · Gänse · Hühner · Eier · Amtleute · Bürgermeister · Bürgermeister, Wahl von · Schultheiße · Räte, Wahl von · Eide, Leisten von · Gerichte, Ziehen zu · Brennholz, Schlagen von · Wälder, landgräfliche · Förster · Fastnachtshühner · Abgaben, Geflügel · Zahltermine · Dinge, ungebotene · Weistümer · Opfergelder · Trankgelder

Textgrundlage

Regest

SH

Stückangaben

Eckhardt, Lichtenauer Ratsverfassung

Original

Eckhardt, Lichtenauer Ratsverfassung

Zitierweise

Landgrafen-Regesten online Nr. 9270 <https://www.lagis-hessen.de/de/subjects/idrec/sn/lgr/id/9270> (Stand: 29.04.2024)