Regesten der Landgrafen von Hessen
1448 Juni 25
Graf Heinrich zu Henneberg öffnet sein Schloss Kaltennordheim
Regest-Nr. 9207
- Überlieferung
-
Drucke: Hennebergisches UB 7, S. 221 Nr. 276. - Regest
- Coburg. - Graf Heinrich zu Henneberg überläßt auf seine Lebenszeit nicht allein innen genannten Fürsten das Schloß Kaltennordheim unbeschadet der Rechte seines gräflichen Hauses, sondern verspricht auch, ihnen seine Dienste zu widmen.
- Originaltext
- Wir Heinrich, von gotes gnaden Graue vnd herre zcu Hennemberg, Bekennen vffintlichen an dem briue allirmeniglichen, das wir nach gelegenheid vnnser sachen haben angesehen den groszen getrauwen, den wir haben zcu den hochgebornnen fursten Hern Wilhelmen, Herczogen czu Sachsen, landgrauen in Doringen vnd Marcgrauen zcu Miessen, Hern Johannsen und Hern Albrechten, Marcgrauen zcu Brandenburg vnd Burggrauen zcu Nuremberg, gebrudern, vnd Hern Ludewigen, lanndgrauen zcu Hessen, vnsern lieben Herren vnd oheimen, vnd haben yn mit guten fryhem willen jngegeben vnnser Slos Kalden Nordheym mit aller siner zcu vnd jngehorunge vnd Manschafft, als vns das jn der teidinge vnd ansprache zcwuschen den hochgebornen vnnsern vettern Grauen Wilhelmen vnd sinen geswistern, auch Grauen zcu Hennemberg, zcugesprochen vnd jngeantwortit ist vnd als wir es biszher jnnengehabt vnd beseszen haben. Gebin yn auch sollich Slos jn, wie vorgeschriben sted, jn krafft diess briues also, das sie das hinfur nutzen vnd nyessen, jnnhaben, besetzen vnd entsetzen mogen nach yrem willen vnd verlusten, mit wem sie sie wollen, von vns vnd meniglichs von vnsern wegen vngehindert, doch vnnsern vettern obgenanten an yren gerechtigkeyten nach vnnserm tode vnentgulden vnd an allen schaden, alle geuerde hierjnnen vszgesloszen. Dartzu wir yn auch gereden vnd versprechen, yn allen und yrer yedem besundern zcu dienen vnd gewertig zcu sein, die wile wir lebin, getruwelich vnd vngeverlichen.
Vnd des zcu vrkund geben wir yn diesen brieff mit vnnserm anhangenden jngesigel versigilt, der Gebin ist zcu Coburg am dinstage nach Johannes Baptiste nach Cristi vnnsers Herren geburd viertzehinhundirtt vnd darnach jm acht vnd virtzigsten jaren. -
Sprache des Originaltextes
deutsch
- Nachweise
-
Weitere Personen
Henneberg-Schleusingen, Grafen, Heinrich, Sohn Wilhelms I. · Thüringen, Landgrafen, Wilhelm II. der Tapfere · Kulmbach-Bayreuth, Markgrafen, Johann der Alchemist · Brandenburg, Kurfürsten, Albrecht III. Achilles · Hessen, Landgrafen, Ludwig I.
-
Weitere Orte
Coburg · Henneberg, Grafen · Kaltennordheim, Burg · Sachsen, Herzöge · Nürnberg, Burggrafen · Brandenburg, Markgrafen · Thüringen, Landgrafen · Meißen, Markgrafen · Sachsen, Herzöge
-
Sachbegriffe
Grafen · Fürsten · Schlösser · Burgen · Häuser, gräfliche · Dienste · Öffnungsverträge · Markgrafen · Burggrafen
- Textgrundlage
-
Stückangaben, Regest
Hennebergisches UB 7
-
Original
Hennebergisches UB 7
- Zitierweise
- Landgrafen-Regesten online Nr. 9207 <https://www.lagis-hessen.de/de/subjects/idrec/sn/lgr/id/9207> (Stand: 16.05.2024)