Contzen Rodden von Kollenberg erhält Lehen in Eschborn

Regest-Nr. 9681

Tradition | Regestum | Original Text | References | Text Basis | Citation

Tradition

Prints:	Senckenberg, Selecta iuris 5, S. 630-632 Nr. 37.

Regestum

Contz Rodden von Kollenberg erhält von Heinrich III. die Lehen, die bisher die Mannlehen des Hartmann von Kronberg gewesen waren, als Mannlehen. Sobald der Sohn des Hartmann, Johann von Kronberg, mündig geworden ist, gehen die Hufen in Eschborn an diesen über.

Original Text

Wir Henrich von gots gnadenn Landzgraue zu Hessenn Graue zue Ziegenhain und zue Nidde Bekennen uffintlich mit diessem brieffe und thun kunt allermenlichenn Das wir unssern liebin getruwen Contzen Rodden von Kollenbergk als eynen lehentreger und an stadt Johans von Cronbergk Hartmann von Cronbergk seligen son zue rechten Manlehen geluwe han und lihen Ime zue rechtem manlehen geinwurtiglich Inne und mit crafft disses brieffs zwo hube lands gelegin In dem gerichte zue Eschenborne mit alle Iren zugehörungen wilcherley die sin nichts ussgescheiden die frangk von Cronbergk der Junger seliger dess obgenanten Hartmans seligen vater vor und darnach derselbe Hartman von unserm liebin Hern und vater seligen zue lehen gehabt und herbracht han und der genante Cuntz rodde sal im sulche vorgenante zwo hube lands als ein lehntreger und biss so lange der obgenante Johan zue sinen Mundigen Jarn kompt vnd alssdan derselbige Johan und sine lehins erbin furthin die zwo hube lands vorgenant mit Iren zugehorungen von unss und unssern erbin zue rechtem Manlehin haben tragen verstehin verdienen und entphaen als manlehens recht und gewonheit ist unser und unser erbin getruwe man darumb sin unser bestes thun und unsern schaden auch getruwelich warnen sollen als getruwe man Iren Hern schuldig und plichtig sin zuethunde wo sie das gethun mügen wan und wie digke dess noit sin und sich geboren wirdet, Doch Hir Inne ußgescheyden unser und unser erben und Manrecht an alle geverde und dess zue Orkund han wir Lantgraff Henrich obgenant unser Ingesigel an dissen brieff thun hengken Der gegebin ist uff donrstag nach unsers Heren lichnams tag Anno Domini Millesimo quadringentesimo septuagesimo secundo.

Language of the Original Text

deutsch

References

Other Persons

Hessen, Landgrafen, Heinrich III. · Kollenberg, Contze Rodden von · Rodden, Contze, von Kollenberg · Kronberg, Johann von · Kronberg, Hartmann [II.] von

Other Places

Eschborn, Gericht

Keywords

Lehen · Belehnungen · Mannlehen · Lehen, erbliche · Hufen · Lehenserben, mannbare · Volljährigkeit · Söhne · Lehensträger, volljährige · Gerichte

Text Basis

Regestum

SH

Document Particulars

Senckenberg, Selecta Iuris 5

Original

Senckenberg, Selecta Iuris 5

Citation

Landgrafen-Regesten online Nr. 9681 <https://www.lagis-hessen.de/en/subjects/idrec/sn/lgr/id/9681> (Stand: 15.05.2024)