Regesten der Landgrafen von Hessen

Erweiterte Suche »
Ergebnismenge »
Treffer 9 von 9

1489 März 24

Die Buttlar von Ziegenberg erhalten ein Vorwerk in Blickershausen

Regest-Nr. 11891

Überlieferung

Ausfertigung:	Stiftsarchiv Kaufungen. Pergament, Siegel abgefallen. Auf der Rückseite von Hand der Priorin Elisabeth Hake (16. Jahrhundert) Reverß up dat vorwerck to Blicherßhusen; darunter von anderer Hand (16. Jahrhundert) Die von Bottler belangende, anno 1489.
Drucke:	UB Kaufungen, S. 163-164 Nr. 542.
Regesten:	UB Kaufungen, S. 163 Nr. 542.

Regest

Genannte von Buttlar zu Ziegenberg verpflichten sich bei Übernahme des ihnen vom Stift Kaufungen verschriebenen Vorwerks zu Blickershausen zur Einhaltung der ihnen laut eingerückter Urkunde der Äbtissin Elisabeth von Waldeck auferlegten Verbindlichkeiten.

Originaltext

Wir Jorge der eltere, Jorge der jungere und Ostwalt von Butteler genant, zu disßer czyt amptlude unser gnedigen herren von Hesßen, zu dem Czegenberge ges(e)ßen, bekennen in disßen unßerm ufen reverßbrieffe vor unß, unßer nachkomen, daz die erwerdige, edele und wolgeborn frauwe Elizabeth von Waldecken eptischen deß keyßerlichen friehen stifftes deß heilgen cruczeß zu Kouffungen unßer gnedige liebe frauwe unß dren vorgemelten umbe sunderlicher gunst und gnade willen vorschriben hait von irem stiffte eyn forwergk, gelegen vor und in Blickerßhusßen, nach lude eyns briffes daruwir gegeben, der dan von worten zu worten lude ist, alß hyrnach folgen ist:
Wir Elizabeth von Waldecken von Gotß gnaden eptischen deß keyßerlichen friehen stifftes deß heilgen cruczeß zu Kouffungen, Angenße von Diffhoilt probesteyn, Margarethe von Honsteyn koesteryn bekennen alle semptlichen vor unß, unßer nach(kommen) unß stifftes in disßen uffen versiegelten briffe und thunt kunt allen, die dissen briff seehin, horen adir lesßen, daz wir umbe sunderlicher gunst willen eyntrechtlichen vorschreben haben in crafft disses briffes unßer frieh forwergk, in und vor Blicherßhusßen gelegen, m(i)t aller siner zugehorungen Jorgen von Butteler dem elter, Jorgen und Ostwalt sinen son zu der driger liebe und leibetage und nicht lenger an alle gewerde uf solche gestalt, daz unß die obgenante drige von Buteler unß, unßern stiffte und nachkommen alle jar jerlichen darvor geben und bestellen sullen vir malder, halb korn und halb habern, Wczenhusßer maiß uß und von unßern forwergk uf sancti Michaelis tag nach dato disßes briffes und unß die ken Wicczenhusßen in unßer husß darselbest schicken, und ab sie s(u)mig worden in der becczalunge eyn teil adir zumail, deß dan ye nicht sin sal, ßo mogen wir sie dorumbe fordern, wie eß unß gelustet, an alle gewerde. Wer eß ouch sache, daß die genanten drieh von Butteler daz sloiß Czeygenbergk nicht under handen beheylden und abgeloist werden, wilge czyt jarß sie abgeleit werden, ßo sal solche vorschribunge widder uf unß, unßer stifft gefallen sin und loieß sin m(i)t aller besserunge unß, unßern stiffte zu gude, ußgescheiden eczliche dinste mynem gnedigen herren, und (waß) en susten eyget in rechte, und ab die gemelten eynen meyger daruf heitten, ßo sollen wir dem selben sin meistrecht ableigen nach hyrkentnisße. Ouch haben sie unß in guden truwen und globen gereth, sulch forwergk in guten buwe und besßerunge halden und daz nicht laisßen vorwussten sunder alle gewerde, argeleiste, nuwe funde hirin genczlichen ußgescheiden. Und deß zu wairer orkunde ßo geben wir Elizabeth von Waldecken von Gotß gnaden eptischen obgemelt dißen brifft vorsigilt mit unßern eptigeinsigel, deß wir probesteyn und koesteryn mit hiran gebruchen. Datum sub anno Domini millesimo quadringentesimo octagesimo nono, uf dinstag nach dem sontag Oculi in der vasten.
Wilchin briff wir gemelten von Butteler geredden und geloeben in guten truwen m(i)t alle sinen puncten stede, veste, unverbrochlichen zu halden und daz vorwergk in guten buwe und besßerunge zu halden nach lude dieß briffes, (ßo) daruwir gegeben ist, sonder alle gewerde. Dieß alleß zu waren orkunde ßo gebe nwir disßen briff vorsigelt mit unßern eygen siegel vestlichen unden angehangen, deß wir von Butteler ßo hyran bekennen. Datum et anno, die, ut supra.

Sprache des Originaltextes

deutsch

Nachweise

Textgrundlage

Stückangaben, Regest

UB Kaufungen

Original

UB Kaufungen

Zitierweise

Landgrafen-Regesten online Nr. 11891 <https://www.lagis-hessen.de/de/subjects/idrec/sn/lgr/id/11891> (Stand: 02.05.2024)