Regesten der Landgrafen von Hessen

Erweiterte Suche »
Ergebnismenge »
Treffer 14 von 101

1396 März/April

Verhandlungen Landgraf Hermanns mit den Städten

Regest-Nr. 11474

Überlieferung

Abschriften:	Staatsarchiv Marburg, Großes Stadtbuch, Bl. 23b. Eintrag von Johann Hottermann.
Drucke:	Küch, Rechtsgeschichte Marburgs 1, S. 125 f. Nr. 67.
Regesten:	Küch, Rechtsgeschichte Marburgs 1, S. 125 Nr. 67.

Regest

Aufzeichnungen über die Verhandlungen des Landgrafen Hermann II. mit seinen Städten in Kassel wegen ihrer Beiträge zur Kriegsrüstung.

Originaltext

Anno domini M°CCC°LXXXX sexto hat unse jungher alle syne stede hii diße siiden unde ouch andirs siiden dez Spißes vor sich vorbottet gein Cassele unde mit en geredt, daz si sullen zcehin mit glenen unde seß schutzin uzrustin uff den dynstag noch Palmen (März 28), also daz dii sullen bii eme sin zu Cassel uff den frydag noch Quasimodogeniti (April 14). Dez sullen dii stede anderssiit Spißes haben seß mit glenen unde vyr schutzin, unde dii stede hii dißsiiden vyr mit glenen unde zwene schutzin. Ouch hat unse jungher selbir geschatzit und beschriben geben, wii fyle ye dii stat hii dißsiit Spißes an gelde darzu geben sullen, daz dii lude unde schuczin vorsoldet werden, also hernoch geschriben stet. Mit namen dii von Marpurg sullen eyn mit eyner glenen uzrusten unde sullen deme 12 gulden zu zerunge geben, unde der sal sin zu Fritzlar in Mahinkorns huß dez dynstages noch Quasimodogeniti (April 11). Ouch sal man keyne pherde hobir schatzin unde haben, dan vor 20 gulden unde darundir unde nicht darpobir, unde sal eyn ieglich burgermeister dii pherde, dii he uzschicket, schatzin unde setzin noch erme werde unde ane alle geferde. Ouch sal diit dii stede hii dißsiit dez Spißes gemenlich anegehin zu gewyn unde zu forlust, oeglich noch er anczal unde noch der satzunge, alse uns unse jungher gesast selbir hat unde uns beschriben gegeben hat.
Item dii von Allsfelt sullen ein mit eyner glenen uzfertigen.
Item dii von Grunberg eyn mit eyner glenen.
Item dii von Gyßen eyn mit eyner glenen.
Item dii von Marpurg eyn mit eyner glenen.
Item dii von Frankenberg ein schutzin unde sullen eme 6 gulden zu zcerunge geben.
Item dii von Kirchein ein schutzin unde 6 gulden zu zcerunge.
Nota, Hohinburg sullen geben 17 gulden an gereydem gelde zu dem buwe, darumme sullen sii keyn knecht uzfertigen alse dii andern stede.
Copia, wii unse jungher dii stede gesast hat.
Item Marpurg 32 gulden, item Aylsfelt 28 gulden, item Grunberg 20 gulden, item Gyßen 15 gulden, item Frankenberg 14 gulden, item Kircheyn 10 gulden, item Hohinburg 14 gulden.
Nota, dii stede hattin vyr mit glenen unde zwene schutzin gewonnen, unde solden ye der glenen ein gulden unde dam schutzin ein halben gulden von ieglichem dage zu solde geben, unde hatten en darzu vor ern schaden gered unde er pherde unde harnechs odir wurde er keyner gefangin, den solde sich uff dii stede nicht laßin schatzin. Unde der solt gyng ane uff den donrestag noch Quasimodogeniti (April 13), da ryden dii zu gein Cassil zu unserm junghern. Dez beduchte unsern junghern, daz der solt zu groß were, unde sante den steden er dynere wider mit den glenen unde behilt dii zwene schutzin bii eme unde gewan vir andere knechte mit glenen zu Cassel unde redte mit den umme 14 gulden zu solde ye der glenen von ye dem mande, alse lange sii in dynste uße weren, unde dem schutzin halp also vile. Dez sint dii dynere alreyde dez soldes beczalt von eyme mande, der anegyng uff den dag, da unse jungher den steden er dynere wider heym sante, daz waz der sundag Misericordia domini (April 16), daz waz achte dage vor sente Georiendag, wand sent Georgendage waz uff den sundag Jubilate (April 23).

Sprache des Originaltextes

deutsch

Nachweise

Textgrundlage

Stückangaben, Regest

Küch, Rechtsgeschichte Marburgs 1

Original

Küch, Rechtsgeschichte Marburgs 1

Zitierweise

Landgrafen-Regesten online Nr. 11474 <https://www.lagis-hessen.de/de/subjects/idrec/sn/lgr/id/11474> (Stand: 28.04.2024)