Graf Heinrich von Henneberg befreit alle Lehensmannen von ihren Pflichten

Regest-Nr. 9179

Tradition | Regestum | Original Text | References | Text Basis | Citation

Tradition

Prints:	Hennebergisches UB 7, S. 180 Nr. 221.

Regestum

Graf Heinrich von Henneberg zählt alle Lehensmannen und Unterthanen der Herrschaft Henneberg ihrer Pflichten und Eide los und weist sie damit an seine Vettern.

Original Text

Wir Heinrich, von gotes gnaden Graue tzu Hennenberg, Empieten den wolgebornen Gestrengen vnd vesten Grauen, herren, Rittern vnd allen andern, sie sein edel oder vnedel, die da belehint sein vnd lehin habin von der Grafschaft vnd herschaft zu Hennenberg, vnser fruntliche dinst vnd grus, Liebin getreüen, als wir mit den wolgebornen Wilhelmen, Johannsen vnd Bertolt gebrudere, alle Grauen zu Hennenberg, vnser liebin fettern, jn gespenne vnd zwietracht gewest sein vmb lannt, lute vnd die herschaft zu Henneberg, Thun wir uch wissen, das wir sollich gespenne gestalt hatte an die hochgebornen fursten und hern Griderichen vnd hern wilhelm gebrudere, Hertzogen zu Sachssen, lantgrauen jn Doringen vnd Marggraue zu missen, hern Albrecht, Marggrauen zu Brandenburg vnd Burggraue zu Nurenberg, vnd Ludewig, lantgraue tzu Hessen, vnser liebin ohemen, die vns nü gutlichenn geschiedin, gruntlicin voreynet vnd briue daruber gebin habin, also das vns vnsere vettere eynen jerlichen bescheit gebin, darvmb wir der ganczen herschaft zu Hennenberg abtreten vnd eyn recht vertzicht daruf thun vnd uch eyde vnd glubde, die yr vns getan habt vnd pflichtig gewest seit oder jn keynerley wiese pflichtig weret, ledig sagin sollen, also sagin wir uch sollicher eyde vnd wes yr vns biszher pflichtig gewest seit oder weret, ledig vnd losz yn craft dieses briues fur vns vnd alle vnser erbin jn stede eyner rechten vertzicht, vnd wiesen uch vnsers teyls, den wir an uch gehabt habin, an die obgenanten vnsere fettern vnd an jre erbin, yn furtter zu gewartten. Wer abir, das vnser obgenanten vettern alle an liebeserbin abgingen, so sulde vnd diesir vertzig vnd loszagünge vnschedenlich sin.
Vnd des alles zü ürkunde vnd ewigim bekenntnisse so gebin wir uch desin brief mit vnserm anhanden eygen jnsigel versigelt. Datum Anno domini Millesimo quadringentesimo quadragesimo quinto jn die sancti Jacobi appostuli.

Language of the Original Text

deutsch

References

Other Persons

Henneberg-Schleusingen, Grafen, Heinrich, Sohn Wilhelms I. · Thüringen, Landgrafen, Wilhelm II. der Tapfere · Sachsen, Kurfürsten, Friedrich II. der Sanftmütige · Brandenburg, Kurfürsten, Albrecht III. Achilles · Hessen, Landgrafen, Ludwig I.

Other Places

Henneberg, Herrschaft · Sachsen, Herzöge · Brandenburg, Markgrafen · Thüringen, Landgrafen · Meißen, Markgrafen

Keywords

Untertanen · Lehensmänner · Grafen · Eide, Lossagen von · Untertanenpflichten · Markgrafen

Text Basis

Document Particulars, Regestum

Hennebergisches UB 7

Original

Hennebergisches UB 7

Citation

Landgrafen-Regesten online Nr. 9179 <https://www.lagis-hessen.de/en/subjects/idrec/sn/lgr/id/9179> (Stand: 28.04.2024)