Gottfried von Ziegenhain heiratet Agnes von Braunschweig

Regest-Nr. 1509

Tradition | Regestum | Original Text | References | Text Basis | Citation

Tradition

Prints:	Landau, Ritter-Gesellschaften Nr. V, S. 106 f.

Regestum

Herzog Otto von Braunschweig gibt seine [Tochter] Agnes dem Grafen Gottfried d.J. von Ziegenhain zur Frau. Nach dem Tod Landgraf Heinrichs II. von Hessen soll Otto dem Grafen 1000 Mark von dem zu Brautschatz geben, was ihm am Land Hessen gebührt.

Original Text

Wir Otte von Gots gnaden Hertzoge tzu Brunswig Bekennen vor uns und vor unse Erbin uffentliche in dyssem briefe vor allen luden dy en sehn odir horin lesen, daz wir mit vorbedachtem mude und mit gudem willin .. Agnesen unse Swester gloybit und gegebin habin tzu eyner elichen Husfrouwen deme .. Edeln Gotfryde Grefen tzu Cygenhayn deme Jungern und wanne unse Herre und vatir Lantgrefe Heinrich tzu Hessen abe geyt von Todis wegen so sulle wir eme tzu Brutschacze mede gebin von deme Anevalle der uns von deme Lande tzu Hessen geborin mag Thusent Mark Silbers Gottingischer Wichte Witze und Wer und en sollin keyne Richtunge mit deme Lantgrefen von Hessen ane geyn wir en thun daz mit dez ebenantin Gotfrydes Grefen tzu Cygenhayn willin und Rade. Odir sullin eme irst dysse vorscrebin Thusent Mark gebin. Were ouch daz wir Hertzoge Otte .. abe gingen von thodis wegen ir unßin Herren deme Lantgrefen vorscrebin so sal der ebenante Gotfrid Grefe tzu Cygenhayn unse ebenante Swester Agnese odir ere Erbinn habin und eygenen. Thusent Mark silbers der ebenantin wer an unsirm eygenen Lande und wer nach uns unse Erbe were und tzu unsirme lande queme, der solde en dyse vorscrebin Thusent Mark gebin und betzaln utz unßerme Londe ane allirleyge widersprache und waz her von unsir Swester wegen danne vortir vor dern mochte von eres anevallis wegen dez en sulle wir nicht verwilkorn und sullen eme dez wol gunnen. Alle dysse vorscribenen stuckde und artikle lobe wir Hertzoge Otte vorscrebin vor uns und unse Erbin in guden truwen in Eydes stad deme ebenanntin Grefen Gotfride tzu Cygenhayn unverbrochliche stede und veste tzu haldende ane Geverde und dez tzu Urkunde und getzucnisse habe wir unse Ingesygel vor uns und unse Erbin an dyssen brief gehangen. Gegebin nach Cristus Geburt unsis Herren Drytzenhundirt Jar da nach in deme eyn und Sybentzigstem Jahre am Suntage neyst nach Sente peterstage als her enbunden wart.

References

Other Persons

Braunschweig-Göttingen, Herzöge, Otto der Quade · Ziegenhain, Grafen, Agnes, Frau Gottfrieds VIII., geb. Herzogin von Braunschweig-Göttingen · Ziegenhain, Grafen, Gottfried VIII. · Hessen, Landgrafen, Heinrich II.

Other Places

Braunschweig, Herzöge · Ziegenhain, Grafen

Keywords

Herzöge · Schwestern · Eheabsprachen · Hochzeiten · Brautschätze · Mitgift

Text Basis

Document Particulars, Regestum

OV

Original

Landau, Rittergesellschaften

Citation

Landgrafen-Regesten online Nr. 1509 <https://www.lagis-hessen.de/en/subjects/idrec/sn/lgr/id/1509> (Stand: 06.05.2024)