Beschreibung der Güter des Martinnstifts in Hertingshausen

Regest-Nr. 11196

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Kirchensachen Generalia.
Drucke:	Schultze, Klöster Stifter und Hospitäler, S. 637-638 Nr. 24.
Regesten:	Schultze, Klöster Stifter und Hospitäler, S. 334 Nr. 866.

Regest

Beschreibung der Güter des Martinsstift in Hertingshausen.

Originaltext

Anno domini millesimo quadringentesimo primo, secunda feria post Letare subsequentes demonstrarunt agros ad bona spectantia in Hertingishusen, primo de Kirchbunen Henne Czuchterling, Henrich Phlugk, de Aldinbu^enen Loccze Beyheyms, Henne Herbordis, Hencze Heynen, de Hertingishusen Henrich Lipgard, Henne Heynen andirs gen. Hawenkerl, Henne Grebe, Loccze Aldinbunen. Dit sin die ackere: primo eyn stucke landis gelegin hinder dem boymgarten, item eyn acher in dem velde czu Holczhusen gelegin by der von Bredenawe ackere, item eyn halb acker gelegin uff dem grabin by dem dorfe, item eyn stucke landis gelegin by dem kaczintals wegen, item eyn acker, der da geid uff den grunen wegk gelegen by den von Hasungen, item funf stucke landis, die da stoszin ouch uff den grunen wegk gelegin allirneist by den von Twiste, item funf stucke landis gelegin uffwerter und stoszen ouch uff den selbin grunen wegk gelegin czuschen den von Bredenawe und den von Twisten, item andirhalb ackir gelegin an dem sunnenberge by den von Bredenawe und den von Anenberge, item eyn acker hinder den hoben by den von Hasungen, item eyn acker gelegin by dem rosenborne allir neist by der von Bredenawe habe und heiszet daz felt, da diesze obgenanten eckere ynne legin, umme den kaczintal und daz ist icczunt daz winterfelt, item daz andir felt, daz ist daz summerfeld, daz heizet daz lachirfeld, da sint ynne gelegin dissze nachgeschr. ackere: czum erstin eyn stucke landis gelegin by dem hange by den von Anenberge, item eyn stucke landis obin uff dem hange gelegin czuschen den von Anenberge und den von Twisten, item eyn stucke landis, daz stoszit uff die buneschin hecken gelgin czuschen den von Falkinberg und den von Twisten, item die grosze dorchgang und die cleyne dorchgang, die beide gen czu den wisingarten, benebin den von Bredenawe, item eyn anewendir und eyn sodelchin, die uff die wesin stoszen czuschen unserme gnedigen junchern czu Hessen und den von Anenberge, item eyn sodilchen da kegin ubir und stoszet uffe der von Hasungen wesin, item eyn stucke landis und eyn wesinflecke da kegin ubir geyn dem bergeln by den von Bredenawe, item dry sodeln by der mergekulen czuschen den von Bredenawe und den von Twisten, item eyn stucke gelegin in dem velde czu Besse an dem molenwege by dem crucze by den von Bredenawe, item eyn dorchgangk, die geid uff den sunneberg, und eyn anewendir, die geid widder dar uff by den von Bredenawe und Henrich Lipgarde, item eyn stucke an der flurscheide by den von Bredenawe tercia pars, item ditsin die eckere, die da legen in dem lachfeld, item daz land, daz da geid uff die wesen in der lache, des czwey stucke legin czuschen den von Bredenawe und Hennen Grebin und ouch eyn kleyn wesinleckichen, item eyn hobichen gelegin by dem rosenborne und eyne wegelang by dem dorffe by den von Anenberge, item eyn stucke landis vor der vertrifft czuschen den von Anenberge und Bredenawe, item eyn stucke landis gelegin uffwert ouch vor der vertrifft by den von Bredenawe, ite meyn ackir landis ouch da selbis czuschen den von Bredenawe und den von Twiste, item eyn stucke landis by der bunischen hecken czuschen den von Bredenawe und den von Anenberge, item eyn stucke landis gelegin ubir dy wege by dem phaffinstricke und den von Bredenawe, item eyn stucke ubir den ritterswegk by den von Twisten, item eyn stucke by den selbin hecken czuschen den von Anenberge und Bredenawe, item czwey lendir, die da gen uff den ritterswegk by den von Bredenawe, item die lange ackir, die da stoszit uff des phaffinstrickes ecken by den von Bredenawe, item eyn hob gelegin in dem dorffe Hertingishusen und had volliglichen eyn halben acker.

Sprache des Originaltextes

deutsch

Nachweise

Weitere Personen

Czuchterling, Henne, aus Kirchbunen · Phlugk, Henrich, aus Kirchbunen · Beyheyms, Lotze, aus Aldinbunen · Herbordis, Henne, aus Aldinbunen · Heynen, Hencze, aus Aldinbunen · Lipgard, Heinrich, aus Hertingshausen · Heynen, Henne · Grebe, Henne, aus Hertingshausen · Aldinbunen, Lotze, aus Hertingshausen · Bredenau, die von · Hessen, Landgrafen

Weitere Orte

Hertingshausen, Martinsstift · Bredenau · Hertingshausen, Flurstücke · Ahnaberg (Gem. Kassel)

Sachbegriffe

Güterverzeichnisse · Stifte · Äcker · Wiesen · Höfe · Baumgärten · Dörfer · Viehtriften · Flurnamen

Textgrundlage

Stückangaben, Regest

Schultze, Regesten Klöster Kassel

Original

Schultze, Regesten Klöster Kassel

Zitierweise

Landgrafen-Regesten online Nr. 11196 <https://www.lagis-hessen.de/de/subjects/idrec/sn/lgr/id/11196> (Stand: 28.04.2024)