Urfehdebrief des Luckelei Imhof für Landgraf Hermann II.

Regest-Nr. 11180

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Fehde- und Sühnebriefe. Pergament, von den sechs Siegeln hängt nur das dritte (Hermann Trott) noch an, von dem Guntram Schenks liegt die obere Hälfte lose bei.
Drucke:	Küch, Rechtsgeschichte Marburg 1, S. 129 f. Nr. 73.
Regesten:	Küch, Rechtsgeschichte Marburg 1, S. 129 f. Nr. 73.

Regest

Luckelei Imhof stellt dem Landgrafen Hermann einen Urfehdebrief aus.

Originaltext

Ich Lugkeley ymme Hobe, Johans ymme Hobe seligen son, bekennen uffinlich in dussem brive, daz ich widder den hochgeborin fursten mynen gnedigen junghern junghern Herman lantgrave zu Hessin, sine erbin, widder daz furstenthu^em ader die herschaff zu Hessin, widder ire lande unde lude, sie sin geistlichin ader werntlich, wilcherley wirdekeid dii sin ader namen genand sin unde hernachmals werdin, glicherwiz als die wirdekeid unde die namen von worte zu worte hirynne geschrebin stunden, nummer thun sal ader enwel, noch schaffin gethan werdin, noch nymand von myner noch myner erbin wegen thun sal in eyniche wiz, ane allerley argelist unde geverde, mit gerichten, geistlichen ader werntlichen, ader mit ungerichten. Unde wers, daz ich mit weme waz zu schaffin hette ader gewunne, in wilcherley sachen daz were, daz sulde ich suchen vor des egenanten myns junghern gerichte zu Martpurg ader in der stede, da diejenigen woneten, mit den ich zu schaffin hette ader gewunne. Waz mir da vor gerichte getilt wurde vor mich ader gein mich noch desselbin gerichtis rechte, louffte unde gewonheide, daz sal ich nehmen unde widder thu^en unde sal mir daz wole unde we laßen thun, ane allerley argelist unde geverde. Ouch so ensal ich nomer mynen junghern unde sine erbin, die scheffin unde rad zu Marpurg hindern an eynichen gesetczen, daz gereide gesast were ader noch gesast wurde, unde ensal ouch nicht schaffin, daz daz gethan werde, sundern waz man setczed, gebudit unde gerichted daselbis, daz sal ich haldin ane alle geverde unde ane arglist. Ouch ensal ich keynen bund machen noch samenunge zu hauff czihin, die da sie widder den egenanten myn junghern, sine erbin, sine lande unde lude unde mit namen widder die von Martpurg semptlichen ader widder iglichen besundern, unde han dusse vorgeschrebin orfede gethan unde thun umbe reddelicher unde rechtlicher sache willin, die mich dazu getwungen han unde twingin mit vorbedachtem mude, umbetwunglich ane alle argelist. Ouch ensal noch enwel ich keynerhande recht, gerichte, geistlich ader werntlich, gewonheide noch woltade der rechten, dii itzcund sin, noch werdin, noch hernach uffstunden, gesatczid ader gemacht wurdin, wilches namen die itzcund sin ader hernach wurden, mit iren wirdin unde solempniteten semptlich ader besundern vor mich nehmen ader von myner wegen sollin vorgenummen werdin, damidde dusse nachgeschrebin globede unde eyde unde dusser briff ader in sinen artikiln unde puncten mochte midde gekrengkit ader virbrochin werdin ader dem egenanten myme junchern und sinen erbin unde den vorgerurten mochte hindersal brengen in eynewiz, ane alle geverde unde ane argelist. Alle vorgeschrebin redde, stugke, puncte unde artikel semptlich unde iglich word besundern han ich Lugkeley ymm Hobe vorgenant dem egenanten myme junghern unde sinen erbin unde den vorgerurten lipliche hand in hand in truwin globit unde mit liplichen uffgerachten fingern mit gestabeden eydin zu den heilgen gesworin. (Siegler sind der Aussteller,) her Johann von Swalbach, her Hermann Trott, her Guntram Schengk zu Sweinsperg, den man nenned Stam, rittere, Heinrich Schenk zu Schweinsberg unde Johann von Wytershusin, knapen. Datum anno domini M°CCCC^mo primo ipso die beati Blasii episcopi.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II. · Trott, Hermann [II.] · Schenk zu Schweinsberg, Guntram gen. Stam · Imhof, Luckelei, Sohn des Johann · Imhof, Johann · Schwalbach, Johann [II.] von · Weitershausen, Johann [II.] von · Schenk zu Schweinsberg, Heinrich [IV.]

Weitere Orte

Marburg · Marburg, Gericht

Sachbegriffe

Urfehdebriefe · Fehden, Beenden von · Söhne · Verwandte · Gerichte · Gerichte, geistliche

Textgrundlage

Stückangaben, Regest

Küch, Rechtsgeschichte Marburg 1

Original

Küch, Rechtsgeschichte Marburg 1

Zitierweise

Landgrafen-Regesten online Nr. 11180 <https://www.lagis-hessen.de/de/subjects/idrec/sn/lgr/id/11180> (Stand: 08.05.2024)