Landgraf Hermann verkauft eine Gülte aus Marburg an einen Frankfurter Bürger

Regest-Nr. 11772

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Generalrep.. Pergament, durch Schnitte kassiert; das angehängt gewesene Siegel des Landgrafen Hermann fehlt.
Drucke:	Küch, Rechtsgeschichte Marburgs 1, S. 111 f. Nr. 49.
Regesten:	Küch, Rechtsgeschichte Marburgs 1, S. 111 Nr. 49.

Regest

Landgraf Hermann verkauft dem Frankfurter Bürger Wigand zu Swanaw eine Jahresgülte von 60 Gulden aus dem Rathause zu Marburg.
vgl. den undatierten Mahnbrief Wigands an den Landgrafen bei Landau, Rittergesellschaften, S. 162 f., [bzw. das Mahnschreiben Wigands von 1383 November 19, Landgrafen-Regesten Nr. 1674].

Originaltext

Wir Herman von gots gnaden lantgrebe zu Hessen bekennen uns offinlich mit dysem bryffe, das wir virkaufft han rechtlichs kauffis Wigand zu Swanaw burgere zu Frankenford, unser mlieben wirte, Greten, siner elichen wirten, und iren erben von unsir stat rathuse zu Marpurg seszig gude, cleine, swere gulden geldis jerlichir gulde umb sehshundirt gulden gutir, cleiner, swerer, gewegener gulden, die sie uns darumb gutlich und gentzlich hant bezalit und gewerit, die egenanten seszig gulden geldis yn unsere burgere zu Marpurg vorgenant alle jar gebin, handelagen und zu Frankinford bezalen sullen uß unsir bede uff den achtzehenden dag in alle der forme, als der vorgenanten unsir stat burgere bryff ußwiset, den sie Wigande und Greten vorgenant von unserm geheisze darubir gegebin han ane alle unsir und der unsern virbot und hindirsal . Auch ensal noch enmag yn die gulde by uns adir der vorgenanten unsir burgere und stat Marpurg nyman bekummern noch virbieden mit geistlichem noch mit werntlichem gerichte, also bescheidelichen, williches jaris den vorgenanten Wigande und Greden adir iren erben die obgenante gulde nyt bezalit enwurde uff die zit, als vor geschreben stet, so han wir yn irloubit und irlouben yn mit dysem bryfe, das dieselben Wigant und Grede, adir ire boten von iren wegen, adir der, der dysen briff mit irem willen inne hat, an die burgere vorgenanten unsir stat zu Marpurg, adir an andirs alle unsere burgere und lude und an ir gud, wo sie die ankomment adir findent, mogen griffen, bekummern und an sich nemen mit gerichte adir ane gerichte, wie yn das allirebenst komet, alse verre und als viele, biz das sie gantz und gar bezalit werden der vorgenanten gulde und darzu koste, schaden adir botenlon, die daruff gegangen werin, und sullen und mogen sie das tun ane allen unsern und unsir erben und der unsirn zorn und widderredde eins yglichen. Auch wilches jaris zu willichir zit wir adir unser erben gebin Wigande und Greten siner elichin wirten vorgenant, adir iren erben, adir dem, die ire briffe ubir die egenante gulde mit irem willen inne hetten, sehshundirt gulden guter, cleiner, swerer, gewegener gulden und darzu die irschenen gulde, die irschenen were, mit allen kosten, schaden adir botenlon, die daruff gegangen weren vor dem achtzehenden dage, die sullen sie von uns nehmen, und sullen wir yn auch die bezalunge zu Frankenford tun ane alle widerrede und wanne das geschee, so sulde die vorgenante gulde ledig und loz widder uff uns und unsere erben gefallen, und sulden uns die bryffe, die sie darubir hette, widder antwurten ane alle widdersprache und geverde.
... Datum anno domini millesimo CCC septuagesimo octavo feria quarta proxima post diem beati Bonifacii.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II. · Schwanau, Wiegand von, Bürger in Frankfurt · Schwanau, Grete von, Frau Wiegands

Weitere Orte

Frankfurt, Bürger · Marburg, Rathaus

Sachbegriffe

Verkäufe · Gülten, Verkauf von · Bürger · Rathäuser · Finanzen, landgräfliche

Textgrundlage

Stückangaben, Regest

Küch, Rechtsgeschichte Marburgs 1

Original

Küch, Rechtsgeschichte Marburgs 1

Zitierweise

Landgrafen-Regesten online Nr. 11772 <https://www.lagis-hessen.de/de/subjects/idrec/sn/lgr/id/11772> (Stand: 02.05.2024)