Zunftbrief für die Kürschner in Kassel

Regest-Nr. 16626

Überlieferung | Regest | Originaltext | Nachweise | Textgrundlage | Zitierweise

Überlieferung

Abschriften:	Staatsarchiv Marburg, Urk. 12, Nr. 15, 15. Jahrhundert, Papier.
Regesten:	Salow, Das Zunftwesen in Kassel, S.138 Nr. 64.

Regest

Landgraf Ludwig I. von Hessen gibt den Kürschnern zu Kassel einen Zunftbrief.

Wortlaut der Datierung

Ipso die beati Arnolfic sub anno Domini Mo CCCCo vicesimo primo.

Originaltext

Wir Ludewig von Gotis gnaden lantgrave zcu Hessen bekennen vor uns [und] unser erben uffentlich in diessem briffe, das wir die korsenwerten zcu Cassel [m]ita eyner gilde unde bruderschaff begnadigit han als.
1. Wer in die gilde und bruderschaff komen wil, der sal eyn recht eekint sin und sine ere woil bewart han und sal die gilde und bruderschaff losen umb vier gulden ader werunge darvor als zcu Cassel genge und geneme ist, die uns [und] unsern erben halb un[d] der staid Cassel zcu irem buwe eyn virteil und dem hantwerke eyn virtel gefallen sal und sal darzcu geben zcwene czober birs dem hantwerke, zcwey phund wasses zcu iren lichten und iglichem hantwerkesmeister eyn stobechen wyns und dem knechte eynen schilling pheninge.
2. Were auch eyns meisters soen, der das hantwerg angriffen wolte, der solde geben zcwey phund wasses zcu iren lichten und dem hantwerke eynen czober byres und dem knechte eynen schilling pheninge und solte staidrecht thun.
3. Hette auch eyn meister eyne tochter, wan die zcu der heiligen ee griffe, wolte dan der man sich des hantwerkes gebruchen und das angriffen, so solte er das halbe teil von der toichter haben und daz ander halbe teil koiffen vor zcwene gulden, die uns, unser staid Cassel und dem hantwerke iglichem als vor geschr(eben) steit werden soln und darzcu eynen czober birß dem hantwerke und zcwey phund wasses zcu iren lichten und den zcwen hantwerksmeistern iglichem eyn halbe gudes wyns und dem knechte eynen schilling.
4. Storbe auch eyner von den meistern, die frauwe solde noch ihres mannes tode sich des hantwerkes gebruchen eyn jar. Wan das umbe qweme, wolte sie sich des dan vorbaß gebruchen, so solte sie das halb gewynnen als vor geschr(eben) stehit.
5. Wer auch in disser innunge ist zcu Cassel, die soln und mogen koyffen wiltwerg daz sie virarbeiden kunnen ußgenummen hircz und hinden hude anders so mugen sie das ander koiffen wo sie das gehaben mugen. Sie mogen auch koiffen felle als als sie zcu irem hantwerke bedorfen, die machen und virarbeyden wo sie die gehaben mogen und anders nymant. Wer darpoben tede, der solde das virbussen mit eyme phund pheninge uns, unser staid Cassel und dem hantwerke als vorgeschr(eben) steit, doch ußgescheiden wiltwerg die koiffen mag eyn iglicher.
6. Auch so mogen sie koiffen d[e]wehude [?] und die royffen als vil als sie der bedorfen zcu irem hantwerke und die wyßgar machen und mogen ir eynerb dem andern die virkoiffen, geben ader liihen wan sie des bedorfen in der staid zcu Cassel und anders nicht.
7. Kouffte auch eyner oder me uß disser bruderschaff eynen koyff und da eyner ader zcwene zcu qwemen uß derselben bruderschaff die muchten auch an dem koyffe midde anstehin.
8. Wer auch den andern in der bruderschaff lugen hiesse frebelich, der solte das virbussen mit eyme phund wasses zcu iren lichten.
9. Auch so ensal sie nymant ubertragen mit korsenwerke adir virkoiffen ußgenummen uff fryhe jarmarkede von eyner nune1 zcu der andern, doch ußgenummen buntwerg und anders alle wiltwerk. Wer das tede bussen fryhen jarmarkten, solte das verbussen als manch stucke als manch phund pheninge uns, unser egenanten staid und dem hantwerke als vorgerurt ist. Abir die in disser innunge und bruderschaff sin mugen das woil keuffen.
10. Wers auch das imand mit dissen bu;essen und brochen virfyle, so solte yn unser amptman zcu Cassel darzcu helfen die zcu ermanende. Muchten sie aber unser amptman nicht gehaben, so muchten sie den phenden biß an unßern amptman.
11. Was sie auch guder gewonheyde und gesetzce under sich setzcen, die widder uns, unser erben und unser staid nicht sin, des sollen sie macht haben.
12. Sie mugen auch alle jar uff sent Nycolaus tag kysen zcwene ander hantwerkesmeister in irem hantwerke.
13. Virbote sich auch das hantwerg zcusamen, were dan nicht [qweme] und inhemschs were, der solde das vorbußen mit seß pheningen zcu iren lichten.
14. Wolde auch eyner in disser innunge und bruderschafft eynen jungen leren das hantwerk, der junge solte eyn recht eekint sin und solde geben zcwey phund wasses zcu iren lichten und dem hantwerke eynen czober birs.
15. Es ensal auch keyn korsenwerter von disser innunge roubguid wissentlich koiffen. Wer eß darpoben tede, der solde das virbu;essen mit eyme phunde hescher pheninge als decke er das thede, das uns, unser egenanten staid und dem hantwerke gefallen sal als vor underscheiden ist. Kouffte er es abir wissens ader unwissens und qweme der des das gewest were, dem solde er das widdergeben umb solich gelt als er das gekoifft hette.
16. Auch ensal keyn korsenwerte katzbelge sie syn wilde ader czaym nicht koiffen, verarbeiden ader virkoiffen. Wer eß darpoben tede, der solte syne innunge vorlorn han.
17. Disse innunge soln alle ire sone die eekinder sin mit en haben und die losen als vorgeschr(eben) steit.
Disß zcu orkunde han wir unser ingesigel heran thun henken ipso die beati Arnolfic sub anno Domini Mo CCCCo vicesimo primo.

Sprache des Originaltextes

deutsch

Nachweise

Aussteller

Hessen, Landgrafen, Ludwig I.

Empfänger

Kassel, Kürschner

Siegler

Hessen, Landgrafen, Ludwig I.

Weitere Orte

Kassel (Stadt Kassel)

Sachbegriffe

Handwerker, Kürschner · Zünfte · Zunftordnungen · Zünfte, Gründen von · Zünfte, Aufnahme in · Zunftmeister · Witwen, zünftige Arbeitserlaubnis für · Märkte · Amtmänner · Zunftrechte · Zünfte, Lehrlinge · Hehlerei · Währungen, Hessische Pfennige · Leder, aus Katzenhaut

Textgrundlage

Stückangaben, Regest

Eckhardt, Stadtrechtsquellen Kassel

Original

Eckhardt, Stadtrechtsquellen Kassel

Zitierweise

Landgrafen-Regesten online Nr. 16626 <https://www.lagis-hessen.de/de/subjects/idrec/sn/lgr/id/16626> (Stand: 28.04.2024)