Regesten der Landgrafen von Hessen

Erweiterte Suche »
Ergebnismenge »
Treffer 49 von 86

1420 Januar 26

Rats- und Handwerksmeister in Schmalkalden erhalten eine Steuerbefreiung

Regest-Nr. 8836

Überlieferung

Regesten:	Hennebergisches Urkundenbuch 6, S. 78 f Nr. 99.

Regest

Schmalkalden. - Die Raths- und Handwerksmeister zu Schmalkalden bekennen, vom Landgrafen Ludwig zu Hessen und von dem Grafen Wilhelm von Henneberg Bete- und Steuerfreiheit auf 2 Jahre erhalten zu haben.

Originaltext

Wir Ratismeister, Rad, hantwercke und hantwercksmeistere vnd wir alle gemeinde gemeinlich der sztad zcü Szmalkalden Bekennen für vns vnd vnser nachkömen offinlich in diesem brieffe vor allen den, die jn sehen, horen adir lesen, das die hochgebörnen fürsten vnd herren, vnser lieben gnedigen herren, herre Ludwig, langgrafe zcü Hessen, vnd herre Wilhelm, Graue vnd herre zcü Hennenberg, Bedacht vnd angesehen haben szchedelich schüld vnd notdörfft, darjnne wir noch sin, nemelichen in tzwey tüsend güldin widerkauffs vnd anders von lipgedinge, das wir vff vns vorkaufft vnd verschriben han, vnd haben vns mit gütem vorrate die gnade getan vnd vns zcü den jaren, die wir vorgehabt han, gegeben vnd geben vns jn jrem brieffe, den sy vns darübir haben gegeben, Czwey jare, die da angehen söllen vff diesen nehsten zcükunfftigen szand Walpurgtag nehst nach einander völgende nach data disz brieffs, also das die egenanten vnser gnedigen herren odder jre erben vns vnd vnser nachkömen von datum diss brieffs an bsz off szand Walpürgtag nehste vnd von demselben sand Walpürgtage vürt übir tzwey jare bynnen diesen vorgeschriben tzyten nicht beten nach mit sztüre bestüren söllen, vszgescheiden vnser rechten alden bete, die wir jren gnaden jerlichen geben, vnd wir vnd vnser nachkömen sollen auch bynnen diesen vorgeschriben tzyten vnd jaren alle schüld, die wir off widerkaüff schuldig sin, gentzlichen vnd zcümal betzalen vnd auch uszrichten alle lipgedinges tzinse, die wir vff vns vorschriben han, nach lüte vnser brieffe darübir gegeben, nach dem vns die bynnen söllichen vorgerürten tzyten gebüren vszzcürichten vnd des nicht vorhalten. Teten wir des nicht, so mochten die egenanten vnser gnedigen herren vns darumb straffen, als sich das gebüred. Auch ensöllen wir vnd vnser nachkomen fürbaszermer kein gülte nach tzinse off vns vorschriben off widerkauff odder lipzcücht an der egenanten vnser gnedigen herren vnd jren erben mitwiszen vnd folwörd, als wir jn das alles, als vorgeschriben sted, in vnsern offin brieffen, die wir jn darübir gegeben haben, jn güten trüwen han vorsprachen, sztete vnd veste zcü halden an alle geurde vnd arglist.
Des zcü vrkünde haben wir vorgenanter Ratismeister, Rad, hantwercke vnd hantwercksmeistere vnd alle gemeine gemeinlich der sztad zcü Smalkalden jngesigel gehangen an diesen offin brieff.
Gegeben am fritage nach Conuersionis sancti Pauli szub anno domini Millesimo Quadringentesimo vicesimo.

Sprache des Originaltextes

deutsch

Nachweise

Textgrundlage

Stückangaben, Regest

Hennebergisches UB 6

Original

Hennebergisches UB 6

Zitierweise

Landgrafen-Regesten online Nr. 8836 <https://www.lagis-hessen.de/de/subjects/idrec/sn/lgr/id/8836> (Stand: 27.04.2024)