Vergleich zwischen Johann von Nassau und Landgraf Hermann

Regest-Nr. 12015

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 179-180 Nr. 41.
Regesten:	Landau, Ritter-Gesellschaften, S. 179 Nr. 41.

Regest

Graf Johann von Nassau-Dillenburg vergleicht sich mit dem Landgrafen Hermann von Hessen wegen Driedorf und Itter.

Originaltext

Wir Johan Greve czu Nassow bekennen offenlich disseme brive allen den dij en sehen horen odir lesen, daz wir den irluchtegen fursten unsem liven Jonchern Joncher Hermane Lantgreffen tzu Hessen gruntlich gutlichen gantz und gar gesont sin in alle der wijse, alz her nach gescriven stet, tzu dem irsten sal und haid unser yclich off den andern luterlich und tzu male ane geverde ferczijgen aller wort und brieve, dij unser ehnir von dem andern geclaget, gesaget und gescriven hait biz off dissen tagh .. darnach sal unz unser egen Joncher belenen mit allein den lenen, dij wir von rechte von yme haben soln und soln yme darubir globen und sweren alz ein man syne Herren von rechte tun sal. So ist gered umb Driedorff, wilchzijt unser egen. Junchern dar umb tage heyschen czu leystene, so sal he unz dar umb anferczochliche tage bescheiden vor sich und sine manne gen Marpurg, gen den Gijsen, gen Koningsperg, gen Blanckenstein odir gen Bidencapp, an welcheme der stede eyne yme aller ebenst komt, odir gelustet, und sal unz da lazen widerfarn umb Driedorff nach unser schulde und siner antworte, alz viel alz sine manne, bij von rechte dar ubir wijsen soln, wijsen daz recht sij, ob man unz mit der fruntschaff nicht gescheiden konne, vort me ist gered umb Itere, wilch zijt (wir) unsme egen. Jonchern dem Lantgreven dar umb czu sprechen, so sal er unz tage dar umb bescheiden und unz lazen widerfaren daz recht ist, und darante soln wir unz ane lazen gnogen, ob man unz nicht fruntlichen dar umb gescheiden kann. Ouch ist gered umb alle toden, wunden, brant, name und umb aller hande schaden, wij dij genant sij, der tuschen unsere aldern und unz von beden sijden und unsere undertanen sich belopfen hat biz off dissen hutegen tagh, daz sal stehen an dem Edeln Borghart von Schonenberg, Gerharte von Selbach, Echarte von Elkerhusen, Johanne und Frijderich gebruder vom Steine Rytter und Heinrich von Nassow. Alzo wij unz dij seesse egenanten dar umb scheiden, also soln wir von beijden sijten gescheiden sin. Alle disse vorgen rede stucke und artykell gereden wir stede und feste czu halden, ane alle geverde und argeliist und han czu urkundt unser sigell an dissen brieff dun hencken der gegeben ist czu Franckenfort am sondage in der fasten alz man singet Judica Anno M°CCC°LXX° octavo.

Sprache des Originaltextes

deutsch

Nachweise

Weitere Personen

Nassau-Dillenburg, Grafen, Johann I. · Hessen, Landgrafen, Hermann II. · Schönberg, Burkhard von · Seelbach, Gerhard [I.] von · Elkershausen, Eckhardt von · Stein, Johann [I.] vom · Stein, Friedrich [I.] vom · Nassau-Dillenburg, Grafen, Heinrich, Sohn Ottos II.

Weitere Orte

Driedorf · Marburg · Biedenkopf · Blankenstein (Gem. Gladenbach) · Königstein im Taunus · Gießen · Itterburg (Gem. Vöhl) · Nassau, Grafen

Sachbegriffe

Grafen · Fehden, Beilegen von · Lehen · Brandschatzungen · Streitigkeiten, Vermitteln in · Friedensschlüsse

Textgrundlage

Stückangaben, Regest

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 12015 <https://www.lagis-hessen.de/de/subjects/idrec/sn/lgr/id/12015> (Stand: 03.05.2024)