Regesten der Landgrafen von Hessen

Kalenderblatt »
32/37

1353 Mai 21

Bestätigung der Bruderschaft an der Kirche zu Grünberg

Regest-Nr. 1160

Überlieferung

Drucke:	Kuchenbecker, Analecta 7, S. 79 Nr. 3; Glaser, Geschichte der Stadt Grünberg Nachdr. 188 Nr. 13.
Regesten:	Scriba, Regesten Urkunden Hessen 2, Nr. 1476, S. 114

Regest

Landgraf Heinrich [II. von] Hessen bestätigt die Bruderschaft an der Kirche zu Grünenberg. Actum et datum in Grunenberg feria tercia proxima post festum sancte Trinitatis.

Originaltext

In nomini Domini amen. Per hoc presens scriptum universis et singulis pateat manifeste, quod anno a nativitate ejusdem millesimo tricentesimo sexagesimo sexto, indictione tertia, pontificatus sanctissimi in Christo patris ac domini nostri, domini Urbani, digna Dei providentia sacrosancte Romane ac universalis ecclesie summi pontificis, pape quinti, anno quarto, quinta feria proxima ante festum pentecostes, hoc fuit XXI. die mensis Maji, hora sexta vel quasi, in cymenterio parochalis ecclesie veteris opidi Grunenberg, latere sinistro, juxta iter lapideum tendens ad forum, prope domum Erwini dicti Scheffin de Gyssen, in mei publici notarii ac testium infra scriptorum ad hoc rogatorum presensia, constituti honorabiles viri, dominus Hermannus de Buren, et dominus Ludowicus dictus Manzelar, presbyteri, procuratores seu provisores unionis seu fraternitatis isto pro tempore constituti et ordinati, honorabilium virorum rectoris ecclesie parochialis opidi prefati Grunenberg ac sacerdotum altaristarum ecclesia in eadem prefata beneficiatorum nomine et loco suorum confratrum privilegium quoddam seu literam ostendebant, ab illustri principe ac domino domino Henrico, Lantgravio terre Hassie, firmiter ac fideliter duplici sigillo, magno et parvo a tergo magis compresso, roboratum et munitum, pendente sigillo ut predictur concessum et datum in ratificationem ac libertacionem unionis honorabilium virorum dominorum rectoris ecclesie parochialis prefate veteris opidi Grunenberg ac ecclesia in eadem altaristarum prefatorum, desiderantes atque rogantes, dictum privilegium seu literam copiari ob fidelem securitatem et publicari, cujus tenor talis est:
"Cum ea, que pro divini cultus augmentacione fieri poterunt ab omnibus Christi fidelibus non immerito promoveri debeant et extendi, Nos igitur Henricus, die gracia Lantgravius terre Hassie, in hiis scriptis manifeste recognoscimus ac universis presencia visuris seu audituris volumus esse notum, quod unionem seu fraternitatem, quam discreti viri, Rudolfus rector ecclesie parochialis in opido nostro Grunenberg ac sacerdotes altariste in eadem ecclesia beneficiati, capellani nostri dilecti, pro laude Die ac in remedium animarum fidelium et maxime eorum, qui ipsis plebano et altaristis suam subvencionem ad hoc fecerunt seu adhuc facient, matura deliberacione prehabita inierunt concorditer, Cupientes ipsorum bonorum operum fieri participes, ratificavimus ac ratam habere volumus per presentes, Annuentes nichilominus eisdem capellanis nostris, quod quiquid ipsis pro testamento datum seu legatum fuerit, quod hoc sibi retinere poterunt ac suis usibus applicare, Inhibentes quoque omnibus nostris officiatis et subditis, ne quisquam eorum ipsos sacerdotes in dicta unione seu fraternitate impedire aut ipsam infringere presumat quovis modo. Ipsis eciam graciosa nostra concessione annuimus, quod in nostro judicio seculari incusari aut conveniri non debebunt per aliquem, sed si iidem Capellani nostri quempiam de nostris super actione seu causa quacunque convenire voluerint, extunc officiatus noster in Grunenberg et unus Castrensium nostorum seu unus Scabinorum, qui pro tempore fuerint, absque strpitu judiciario infra quindenam statim postquam causa ad ipsos pervenerit, ipsis justiciam ordinabunt. In quorum evidenciam et ut premissa apud nos et heredes nostros ab omnibus plebanis dicti opidi in Grunenberg inviolabiter observentur in posterum, has literas majori nostro sigillo fecimus communiri. Actum et Datum in Grunenberg anno domini MCCCL tercio, feria tercia proxima post festum sancte Trinitatis."
Acta sunt hec anno domini, indictione, Pontificatu, mense, die, hora et loco supra notatis, presentibus discretis viris et honestis. Godeboldo de Gmunden clerico, rectore parvulorum in Grunenberg, Johanne dicto Gutwin, et Johanne dicto Wildrich, laicis, opidanis opido in eodem sepefato Grunenberg, testibus ad premissa vocatis et rogatis.
Et ego Henricus Bickener, publicus imperiali auctoritate notarius, quia postulacioni seu rogacioni predicte notati privilegii seu litere ratificionis unionis sive fraternitatis ut prefertur, copiacionis et publicacionis, ac omnibus aliis et singulis premissis una cum supra nominatis testibus presens interfui, eaque omnia alia et singula quemadmodum prescripta sunt, fieri vidi et audivi, ideo hoc privilegium seu literam prefatam copiari et de verbo ad verbum, prout in vera litera sigillata repperi, exscripsi et hoc publicum presens instrumentum manu mea propria conscriptum super ea confeci et in hanc publicam formam redegi, signoque meo consueto et solito signavi, rogatus et requisitus in testimonium evidens premissorum.

Sprache des Originaltextes

lateinisch

Nachweise

Textgrundlage

Regest

OV nach Scriba, Regesten

Stückangaben

Scriba, Regesten

Original

Glaser, Grünberg

Zitierweise

Landgrafen-Regesten online Nr. 1160 <https://www.lagis-hessen.de/de/subjects/idrec/sn/lgr/id/1160> (Stand: 26.04.2024)