Vertrag mit Graf Philipp von Solms über die Burgen Solms und Königsberg

Regest-Nr. 1244

Tradition | Regestum | Original Text | References | Text Basis | Citation

Tradition

Engrossment:	Staatsarchiv Marburg, Urk. 1, Nr. 3643 ⟨Altsignatur: Staatsarchiv Marburg, Samtarchiv, Nachtrag 3, Nr. 83⟩.
Document Description:	Pergament, löchrig, stockig, aufgezogen (lt. Findbuch).
Seal:	Alle Siegel fehlen (lt. Findbuch).
Prints:	Wenck, Hessische Landesgeschichte 2, UB 389, Nr. 379.
Regesta:	Scriba, Regesten Urkunden Hessen 2, Nr. 1529, S. 118; Staatsarchiv Marburg, Findbuch zum Samtarchiv, Nachträge, Kasten 190, Nr. 29.

Regestum

Landgraf Heinrichs [II.] zu Hessen Vertrag mit Graf Philipp von Solms, nach welchem jener die an die Herrn von Falkenstein versetzte Burg Solms auslöst, und dieser ihm die Burg Königsberg (Koyngissberg) abtritt.

Datum Wording

G. an sente Nicolaus Tage.

Original Text

Wir Heinrich von Gots Gnaden Landgrave zu Hessen beken an dieß Brife vor uns und unß Erbin, daz zuschin uns und dem Edeln Grebin Philip von solms uns lieben Getruwin geteydingt ist, daz wir odir unß Erbin losin sullin Borg Solmes, und waz darzou von Alder gehorit had und gehorit, von den von - Falkenstein. Daz en Phandis sted, tzuschin hier und sante Walpurge Tage. Und der Grebe sal getruweliche biddin und mit den von Falkenstein bestellin, daz sy uns Solmez zu losin geben an alerley Geverde. Und wan wir daz gelost han, so sullin wir Solmez antworten Greben Philips, Frouwin Lysin syner elichen Wirthin und iren Erbin, und sy sullin uns Konigsberg und was darczu von Aldir gehorit antwortin, und den Zeolne, und den Gadin zcu Wertdorf und daz darczu gehorit. Ouch sullin wir demselbin Grebin, synir Werthin, und irn Erbin bynnen disss Zeit gebin Thusint Guldin. Ouch ist gered, hette der egenant Grebe waz versazt odir verkoist vor der Zeit ee wir Konisberg koysten, daz mochte wir losen ab ez uns geluste. Hette her aber waz versazt odir virkouft sind der Zeit, das wir Konisberg umme en koysen, daz solde her und sin Erbin losin und uns daz ledig und los antworten mid Koynigsberg; hette her abir sind der Zeit waz vergeben daz enhette nicht Moge; hette her abir waz Gulde oder Gudes gelost sind der Zeit daz wir Koyngißberg loysen, daz zu Koyngißberg odir zu Werddorf gehorit had, daz Gelt sullin wir yn widergebin. Ouch sullin wir behaldin, waz zcu Koyngißberg von Aldir und von Rechte zcugehorit had, und der Grebe sal behaldin waz zcu Solmez von Aldir und was Rechte gehorid had. Ouch sullin wir unß Burgman zcu Koyngißberg byallen Erin und by Rechte behaldin, und wullen unß Burgman zcu Wertdorf ir Borglehin gebin als daz --- benand. Ouch sal Grebe Philips und sin Erbin Borgmane sin zcu Koyngißberg und wir wullen uns eyn Borg -- bewisen und he und sin Erbin sullin zu ErbeBurglehen ----- by en jerlichen gefalln uf den achtzenden Tag, behalden * --------- Ouch sal die Gulde zcu Alsvelt und zcu Grůnberg, by Grebin Philips zcu syme Liebe ist verschriben, von eme ledig und los sin, wan her sy nu zcu Wynachtin uffgehabin had, und her sal uns dy Brife, dy eme dorubir sprechen, widdirgebin. Wer ouch, daz wir eme Solmez lostin vor der Zeit, als dy Brife haldin, die dy von alsvelt und von Gru^enberg eme gegebin hebin, so solde her uns der zcenzig Guldin und hundert von Johan Weyrich Lynden los segin, und der solde und zwey hundirt Guldin an den egenanten tusind Guldin, dy wir yme gebin suln, abeslaen. Entin wir yme nicht vor der Zeit, so endorsete Grebe Philips des Geldis nicht abeslagen, und suldin yme vord enden, als diese Brife sprechin. Ouch sullin wir Grebin Philips getruwelich virantwortin und virteydigen, als andirs unse Man und Borgman, und suln sins Rechtin mechtig sin, und wir ensullin en nicht obirbuwin noch drangen widder Rechte. Hettin ouch uns Borgman zcu Kongißberg -------- zcu sprechin zcu dem vorgenant Grebin odir zcu syn Borgman, des sulden sy ouch vor uns ---------- ine Tage bescheyden --------- Griffen sy doru^eber --------- so soldin wir sy eme zcu recht halden, dazselbe solde der Grebe und sine Borgman uns ------ Alle disss vorgeschrieben Stu^ecke und Artikel zcu vollmende vor der egenant Zeit globin wir zcu vollezcihene, und han uns daz lazin globin Herman Schenken, Guntram von Hatzfelt und Eckehart von Bicken, unß Rittere, des wir Herman, Guntram und Eckehard vorgenant bekennen, daz wir und uns gnedigen Herrin vorgenant globit han und globin alle vorgeschrieben Rede zcu vollinzoihen und habin des dissen Brif mid unßme Herin vestlich besigelt, nach Gots Geburt Drizehen hundirt und dem sibin und funfzigisten Jahre an sente Nicolaus Tage.**

Language of the Original Text

deutsch

References

Granter

Hessen, Landgrafen, Heinrich II. · Solms-Königsberg, Grafen, Philipp

Recipient

Hessen, Landgrafen, Heinrich II. · Solms-Königsberg, Grafen, Philipp

Name of Seal's Owner

Hessen, Landgrafen, Heinrich II. · Solms-Königsberg, Grafen, Philipp · Hatzfeld, Guntram [I.] von · Bicken, Eberhard von, Ritter

Other Persons

Falkenstein, die von

Other Places

Solms (Lahn-Dill-Kreis), Burg · Königsberg (Lkr. Gießen), Burg

Keywords

Burgen · Pfandschaften, Auslösen von · Grafen

Text Basis

Document Particulars, Regestum

Scriba, Regesten

Original

Wenck, Hessische Landesgeschichte 2, UB

Citation

Landgrafen-Regesten online Nr. 1244 <https://www.lagis-hessen.de/en/subjects/idrec/sn/lgr/id/1244> (Stand: 26.04.2024)