Landesgeschichtliches Informationssystem Hessen

Regesta of the Landgraves of Hessen

1471 Februar 4

Bestimmungen über die städtische Finanzverwaltung

Regest-Nr. 9654

Tradition | Regestum | Original Text | References | Text Basis | Citation
Tradition
Engrossment: Staatsarchiv Marburg, Stadt Eschwege. Pergament, durch Moder beschädigt; das an blau-weiß-roten Fäden angehängt gewesene Siegel ist abgeschnitten.
Copies: Staatsarchiv Marburg, GR Allendorf a.W. 1469 Oktober 3, Bl. 3v-6r (16. Jahrhundert). Papier. Überschrift: Regiment zu Eschwege, Datum fehlt; Staatsarchiv Marburg, L 3 (Mannbuch Landgraf Ludwig II.), Bl. 308r-309r (gleichzeitig). Überschrift: Regiment der von Eschwege. Datum fehlt.
Prints: Eckhardt, Eschwege, S. 203-205 Nr. 209.
Regesta: Eckhardt, Eschwege, S. 203 Nr. 209.
Regestum
Landgraf Ludwig II. von Hessen erläßt Bestimmungen über die städtische Finanzverwaltung und die Bürgermeisterwahl, um die Streitigkeiten zwischen Rat und Gemeinde zu Eschwege zu beenden.
Original Text
Von Gottis gnaden wir Ludewig landgrave zcu Hessen, grave zcu Cziegenhyn und zcu Nidde bekennen und thun kunt mit diesem brieve, so als etliche tziit her swere irrunge gewest sin tzuschen unsern lieben getruen dem raide zcu Eschwege eins- und der gemeynde doselbst des andern teils, derselben unser stait jerlichs inkomen gelts und gefelles halber, das wir darumbe Gotde dem almechtigen zcu lobe, uns unsern landen und luden, sonderlichen der genanten unser stait Eschwege zcu nutz und gude solich irrunge zcu hertzen gnummen, auch das davon nichts guts, sondern tieffer schedeliche inriessunge entstehin mochte, betrachtet, sulchs zcu furkomen, sie in eynikeit und fridde, darvon alle heyl, ere und gut entsprueßt, zcu behalten, denselben unsern burgern der obgenanten unser stait Eschwege ein reformacion und ordnunge, wie sie es vorter by yne halden sollen, gegebin und gesatzt hain, gebin und setzen yne auch geinwertiglichen mit craft dieses brieves und wullen habin:
1. Zum (er)sten, das daselbst zcu Eschwege sin dry kemerer, der eyner uß dem raide, der ander uß den hantwercken und der dritte uß der gemeynde gekoren und gesatzt so(lle)n werden, dieselben drye alle gefelle der stait, keynerley ußgenommen, uffhebin und das gelt, so die uffnemen von der stait wegen, in eynen gemeynen kasten, der da vier slosse und vier slussel habin und in eyne kammern, die dieselben drye kemerer aleyne besliessen, gemacht und gesatzt werden sal, legen und behalten, auch alle jare eins rechenschaft von aller inname und ußgift dem raide thun sollen in bywesen etlicher personen uß der gemeynde, die also durch die gemeynde dartzu in tzymlicher tzail gegeben sollen werden. Erfindet sich danne in eigentlicher uffrichtiger rechenschaft, das die stait icht schuldig were, das sal die stait auch also uff sich nehmen und betzalen. Erfunde sich aber, das die obgenanten kemerer, wer die zcu tziiten weren, von irer selbst personen wegen nach vorgemelter rechnunge der stait icht schuldig blebin, das sollen sie unvertzogelichen betzalen uff beqwemeliche tziit und bestellunge. Es sollen auch dieselben drye kemerer alle ußgift von der stait wegen thun in bywesen des burgermeisters. Und die obgerurten vier slussel zcu dem kasten sollen habin, nemlich eynen der burgermeister und die andern drye die drye kemerer, irer iglichen eynen. In bywesen derselben alle vier sal solich kasten uffgeslossen werden.
2.Vorter so man geschosse uffhebit und gibt, so sollen dieselben drye kemerer obgerurt sitzen by dem burgermeister, solich geschosse uffzcuhebin; und der burgermeister sal die kemerer eyden, dem raide und gantzer gemeynde mit solchem uffhebin und geschosse getruelich und frommelich umbezcugehin, (dem) armen als dem riechen zcu thun, das zcu helen und zcu swigen und (an iren ei)gen nutz nicht zcu wenden. Und so sie das geschosse den tag uber ingenommen habin und (des obindes h)eimgehin wullin, so sullen der burgermeister und die drye kemerer sol(ch geschosse), als sie den tag hain ingenommen, besliessen und die geschoßregister (verworen) und bes(liessen).
3. Wir setzen auch und wulen habin, das ein iglicher der unsern zcu E(schwege, er) sy rich oder arm, von sinen gutern gebenn und schossen sal nach antzail als (liep er die hait) und so thuer er die verkeuffen, gebin und behalden wulde, und (dartzu sinen eyt) thun, in maßen sich geboret.
4. Rs sollen auch diejhenne, die das geschosse uffhebin, (mitsamp)t den staitknechten uff solich geschosse keyne tzerunge noch kosten (thun, sondern) man sal dem burgermeister, den kemerern und dem staitschriber, der iglichem den (tag), die tziit sie das geschosse uffnemen, von der stait wegen gebin czwelff (pfenninge) und iglichem staitknechte nehen pfenninge. Damit mogen sie sich nach yrem gefallen bekostigen.
5. Item so wir obgenanter landgrave Ludewig oder unser erbin ein lanstuer ufsetzen und habin wullen, damitde sollen sie es in der genanten unser stait Eschwege also (halden), das der raith doselbst eyne tzaile von yne kyesen sollen, desglichen (mag) die gemeynde auch thun und eyne tzaile uß yne dartzu orden und welen. Dieselben gekoren (sol)len die lantstuer uffhebin, innemen, verwaren und dohin es gehoret ge(bin und) berechen und durch den burgermeister geeydigt werden, dorynne recht zcu thun dem (rai)de und der gemeynde, doch das die kemerer die register der lantstuer by (sich be)halden und besliessen.
6.Auch sollen die genanten unser stait Eschwege czwene oder (vi)er buwemeister nach der stait gefallen gekoren und gesatzt werden, nemlich halb uß dem raide und die ander helffte uß der gemeynde; die sollen buwen nach raide des burgermeisters, des raiths und der kemerer. Und so etwas gebuwet were, sollen die dry kemerer uff rechnunge und underwisunghe der buwemeister alle sonneabint den arbeitsluden yren lone ußrichten und betzalen und solchs inne irer register tzeichen laßen.
7. Item alle inname und ußgift sal der staitschreiber schreiben und uffzeichen.
8. Item umbe die bruwepfanne der genanten unser stait, dartzu sollen sie czwene kyesen, nemlich eynen uß dem raide und den andern uß der gemeynde. Die sollen von dem burgermeister geeydiget werden, das gefelle und gelt von der pfannen uffzcunemen, die pfanne darvon zcu halden und des jars eins dem burgermeister, raithe, gemeynde und hantwercken rechenunge datvon zcu thun, uff das ein iglicher wisse, wo dasjhenne hinkomme, das er und ander der stait gebin und sust zcu gefallen habin.
9. Es sal auch Hans Reyncke dißs jar burgermeister sin der genanten unser stait Eschwege; und uff der nechste jat darnach sal man eynen andern uß den schepfen nehmen, und also hinfur von eynem jar zcu dem andern uß dem andern, also das unser amptlude uß den schepfen eins iglichen jars eynen burgermeister gebin.
Sulche puncte und artikel, die obgeschrebin sint, wullen wir obgenanter lantgrave Ludewig nu vorbaß zcu ewigen getziiten in der vorgemelten unser stait Eschwege von raide hantwercken unnd gemeynde also uffrichtlich gehalden habin, und sal in der stait buch geschriben werden. Doch behalden wir uns und unsern erbin hirinne fur die macht, solchs nach unserm gefallen zcu bessern, zcu meren, zcu mynnern, zcu lengen und zcu kurtzen.
des zcu urkunde habin wir diesen brieff mit unserm furstlichen angehangen majestait sigill versiegelt gebin uff Montag nach Unser lieben frauwen tag purificationis anno domini millesimo quadringentesimo septuagesimo primo.

Language of the Original Text

deutsch

References

Other Persons

Hessen, Landgrafen, Ludwig II. · Reyncke, Hans, Bürgermeister in Eschwege

Other Places

Eschwege, Rat · Eschwege, Bürgermeisterwahl · Eschwege, Finanzverwaltung

Keywords

Finanzverwaltungen, städtische · Streitigkeiten, innerstädtische · Bürgermeister, Wahl von · Wahlordnungen · Räte · Kämmerer · Rechnungslegungen · Stadtkasten · Kasten, verschlossener · Geschosse, Eintreiben von · Steuern · Steuerregister · Stadtknechte · Stadtschreiber · Lohn · Landsteuer · Baumeister · Bauarbeiter · Lohn, wöchentlicher · Braupfannen · Schöffen · Stadtbücher

Text Basis

Document Particulars, Regestum

Eckhardt, Eschwege

Original

Eckhardt, Eschwege

Citation
Landgrafen-Regesten online Nr. 9654 <https://www.lagis-hessen.de/en/subjects/idrec/sn/lgr/id/9654> (Stand: 10.04.2024)