Graf Heinrich von Henneberg verkauft Schloß Barchfelt an Landgraf Hermann II.

Regest-Nr. 11107

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Wenck, Hessische Landesgeschichte 2, UB, S. 460 f. Nr. 427.
Regesten:	Wenck, Hessische Landesgeschichte 2, UB, S. 460 Nr. 427.

Regest

Graf Heinrich von Henneberg verkauft an Landgraf Hermann das Schloß Barchfelt, mit Vorbehalt des vierten Teils daran.

Wortlaut der Datierung

Datum Anno Domini M. trecentesimo octuagesimo septimo, in die ascensionis Domini.

Originaltext

Wir Heinrich von Gotis Gnaden Grave und Herre zu Hennebergk bekennen fur unß und unser Erben uffinlich an diesem Brieve, das wir dem Hochgeborn Fursten Herrn Hermanne Landgraven zu Hessen unserme liebin Omen und sinen Erbin recht und redelich verkauft hain und verkauffin unse Slos Barchfelt mit al dem das dazu gehort, und von aldir darzu gehord haid, und auch als das die vomme Steine ynne gehadt habin mit Wessen, Ekirn, Fischerie, Gehulze, Waßer, Weydin, Wasserlauffe, Vorwerckin, Zinsen, Gulden, Renten, Nuzin, Lehin, Gerichten, Eren und Wirdickeydin, nicht ußgenomen, wy man das finden adir genemen magk, vor funff thusint Phunt und zwey hundirt Phunt Heller rechter gemeiner Frengschir Lantwere, die der vorgenant unß Ohme unß gutlich und wol bezalt haid, und seßen den egenant unsern Ohmen und sine Erbin in die Gewere geruwelich, und sullen und wullen des ere rechte Were sin, wanne und williche Zit und als digke des Noit ist, ane Geverde, und haid der vorgenante unß Ohme unß und unsen Erbin ein virden Teyl an deme Sloße egenant und an alle deme, das darzu gehort, als vorgeschriben stehit, widder gegebin. Were auch das icht virsaßt were uß den vorgenanten Gerichtin, willicherley das oder die Gult werin, die mag auch der vorgenant unß Ohme odir sine Erbin widder losen; darane sulden wir odir unß Erbin habin ein Virdenteil unsen Teil zu bezalne, und die Gute an dem virden Teil zu bezalne, und wir wullen das auch also halden, ob der vorgenante unß Ohme odir sine Erbin icht kaufften zu dem vorgenanten Slosse ane Geverde, das zu dem Slosse horte odir van uns rurte, odir icht wo das gelegin were in dem egenanten Gerichte odir dabie wir zu unserm virden Teile zu bezalne und zu haldene. Bezalten wir odir unsere Erbin das nit, so sal uns Oheme egenant odir sine Erbin unsern virden Teil also lang inne habin, biß wir odir unsere Erbin das von ime losen als digke sich das geburt. Desselbichin glichin sullen wir odir unser Erbin, ob wir was losten oder kauften, unßeme Ohmen egenant und sinen Erbin zu irme dritten Teil widder thun. Auch mag unß Ohme odir sine Erbin Agilndorff die Wustenung losen und vom den vome Steine fur also vil Geldis, alse en die von unß stehit, unß und unßern erbin zu eyme Virdenteil zu halden und zu bezalin, und sal unse Ohme egenant, wir und unser Erbin beyderseyt ez darmidt halden, alß mit andirme losen und kauffin, als vorgeschriben stehit. Und was auch Lehine gehort habin odir gehorin zu dem vorgenanten Sloße, die sullen unßern Ohmen egenant und sine Erbin drie Teil habin, und wir den virden Teil, ane Geverde. Was man auch Burnholzis odir Buholzs bedarff uff dem vorgenanten Sloße, ez wer an dem Sloße odir an andern Gutern, die dazu gehoren, das mogen und sullen unse Ohmen vorgenant und sine Erbin, odir wer er Amptman da ist, laßen holen in unßme Wiltbanne zu Franckenberg bit Namen das da heiset Wiltflur, also vil das bedorffin, ane Geverde. Were auch das wir oder unße Erbin das vorgenante Virteil an dem Sloße egenant vorseßen odir verkouffin wulden, das sullen wir unßem Ohme vorgenant und sinen Erbin ein Jar vorbieden, und yen das vorsezin odir vorkouffin, ob sie iß wullen, nach Anzal des Kauffis vorgenant; desselbin glichen sulde unße Ohme vorgenant und sine Erbin mit ern drien Teilen des egenanten Slosses mit vorsezin und verkouffin und unßen Erbin widder thun. Auch sullen wir disen vorgenanten Kauff mit unserm egenanten Ohmen teilen, das unß iglich weiz, willich sin ist, unsir Ohme egenant und sine Erbin er Drieteil, und wir und unsir Erbin unse Vierteil, ußgenomen den Thorn der sal gemeine sin uns und unsir Erbin zu unßme vierden Teile, und dem egenanten unserm Ohmen und sinen Erbin zu iren drien Teile. Alle vorgeschriben Redd, Stugke und Artyckele semtlich und jeglichen besundern reddin wir Heinrich vorgenant vor uns und unsir Erbin stede, veste und unvorbruchlich zu haldin, ane alle Geverde und ane Argelist, und han des zu Orkunde unsir Ingesigel an dissen Briff laßin hengin.
Datum Anno Domini M. trecentesimo octuagesimo septimo, in die ascensionis Domini.

Sprache des Originaltextes

deutsch

Nachweise

Aussteller

Henneberg-Schleusingen, Grafen, Heinrich V. (X.)

Empfänger

Hessen, Landgrafen, Hermann II.

Siegler

Henneberg-Schleusingen, Grafen, Heinrich V. (X.)

Weitere Orte

Barchfeld (Wartburgkreis/Thüringen), Burg · Agilndorf (bei Barchfeld/Thüringen), Wüstung · Franckenberg, Wald

Sachbegriffe

Burgen, Verkauf von · Schlösser · Verkäufe · Grafen · Wüstungen · Rückkaufrechte · Flurnamen · Wälder, Nutzung von · Bauhölzer

Textgrundlage

Stückangaben, Regest

Wenck, Hessische Landesgeschichte 2, UB

Original

Wenck, Hessische Landesgeschichte 2, UB

Zitierweise

Landgrafen-Regesten online Nr. 11107 <https://www.lagis-hessen.de/de/subjects/idrec/sn/lgr/id/11107> (Stand: 03.05.2024)