Zunftbrief für die Weißgerber in Kassel

Regest-Nr. 16625

Überlieferung | Regest | Originaltext | Nachweise | Textgrundlage | Zitierweise

Überlieferung

Abschriften:	Staatsarchiv Marburg, Urk. 12, Nr.16, 15. Jahrhundert, Papier.
Regesten:	Salow, Das Zunftwesen in Kassel, S.137 Nr. 59.

Regest

Landgraf Ludwig I. von Hessen gibt den Weißgerbern zu Kassel einen Zunftbrief.

Wortlaut der Datierung

ipso die beati Arnolfi confessoris sub anno Domini Mo CCCC vicesimo primo.

Originaltext

Wir Ludewig von Gots gnaden lantgrave zcu Hessin bekennen vor unß unde unser erbin uffintlich in dissim bribe, [das wir] unsern liben getruwen burgern den wißgerbern, sedelern, gurtelern, rimensnideren, butelern, tesschenern, pergementern, huderouffirn und als dsz zcu dem hantwerke unde beslawerke gehoret gemeinlich zcu Cassel [begnadiget han] mit einer innunge unde bruderschafft in alle der wyse alse hie noch geschreben sted.
1. Also wer sich eres hantwerkes unde bruderschafft gebruechin wel, der sal ein ingesessin burger sin zcu Cassel adir sal zcu stunt da burger werdin unde sal eyn recht ekint sin unde sine ere wol bewart han, sin hantwerk wol kunnen unde der sal dii bruderschafft unde innunge keuffin umme vier gulden, dy uns halb, unser staid Cassel eyn vierteil zcu erem buwe unde dem hantwerke eyn vierteil werdin unde gefallin sullin und darzcu gebin eyn zcobber biers deme hantwerke, eyn punt wasses zcu erim geluchte unde den meistern eyn stobchin winß unde sal dy innunge keuffin zcu den hantwerkesmeistern wan sye byeinander sin unde zcu nimantz me.
2. Unde wer dy innunge haid, der mag keuffin allerley ledder unde virkeuffin daz zcu irem hantwerke gehort.
3. Ouch sal nimantz keyne hude uff den lebenden noessern keuffin. Wer daz vorbroeche, der sal daz vorbuessin von y deme stucke mit zcwelf schillingen pennigen uns, unser stad Cassel und dem hantwerke iglichim alse vor geschrebin sted.
4. Es ensal ouch kein ußman ruchleddir keuffin daz hy in unserm slosse gefillet. Wer daz vorbroche, der solde eß vorbuessin von y dem stucke mit zcwelf schillingen pennigen uns, unser staid Cassel unde dem hantwerke iglichin alse vor gerurt ist, usßgescheidin dy hude dy in unserm hobe gefallin.
5. Ouch ensal keiner uß irer gilde nimantz usswendig ires hantwerkes hude reuffin er ensy dan eres hantwerkes adir sye eyn lober. Wer es vorbreche, der solde eß vorbuessin mit zcwelf schillingen pennigen uns, unser staid Cassel unde deme hantwerke iglichim alse vor geschrebin sted.
6. Vortme willich meister der vorgenanten hantwerke werk machte, daz wandelbar were, also daz her alt ledir inlegete, der solde vorbrochin han alse decke ir daz tede seß schillinge pennige unß, unser staid Cassel unde deme hantwerke iglichim alse vor gerurt ist.
7. Wir han en ouch dy gnade bewyset, daz sy y deß jares uff senct Niclaus tag zcwene meister under en kysen mogen unde sullen dy selbin aldin meister uff den selbin tag den nuwen meistern unde hantwerke rechin unde was sy schuldig bliben zcu stunt bezcalin ane vorzcog.
8. Ouch sal nimantz feile habin zcu Cassel zceume, stigleder, halsen, liddern, selen, geisseln geisselrimen alse sy dy sye gemachin kunnen adir bergamente, er habe dan dy vor genante bruderschafft, usßgenomen uff fryhen jaermarkedin, doch mogen dy korssenwerter leder machin unde daz vor arbeiden waß sy deß zcu irim hantwerke bedorfin.
9. Ouch sal nimantz zcoume adir gerede machin von logarem leder. Wer eß da bobir tede, der solde eß vorbuessin y von deme stucke mit seß schillingen pennigen uns, unser staid Cassel unde deme hantwerke iglichim alse vor geschrebin sted.
10. Waß sy ouch guder gewonheit unde gebodes undereynander setzten, dye witder uns, unser erbin unde herschafft unde dy egenante staid nicht ensin, dye sullin sye under einander halden unde willicher sich darwidder seste, der solde es vorbuessin mit sulcher buesse alse sy daruff sesten unde dye buesse solde uns, unsir staid Cassel unde deme hantwerke gefallin iglichim alse vor geschrebin stet. Davor solden en unser amptman helfin penden mit deme rade alse dick des noit gesche.
11. Disse bruderschafft unde innunge sullen alle ire sone dy eekinde sin zcumale mit in gebruchin glicher wysß alse sye, also daz sy staidrecht thun.
12. Neme ouch eyner wer der were eyns meisters tochter von den hantwerkin vorgenant unde wulte sich des hantwerkes gebruchin unde antribin, der solde dy bruderschafft unde innunge halb keuffin alse vor geschrebin sted unde daz ander halbe teil habin von der tochter wegen.
13. Storbe ouch der meister eyner vor genant und neme sin frauwe eyn andern der in der gilde unde bruderschafft nicht enwere der dy hantwerke ubin wolde, der solde ouch dii bruderschafft unde innunge halb keuffin alße vor geschrebin sted unde daz ander halbe teil solde er von der frauwen han.
14. [Ouch] wilch man von todis wegen vorfiele usß disser vorgeschrebin bruderschafft deß eliche frauwe sal dy innunge gantz habin unde sich der gebruchin dywile se an wedewem stule sitzet also daß sy alle statrecht thu unde deme hantwerke waß ir geboret zcu thunde alß einander.
15. Eß ensal ouch keyner disser hantwerke vorgeschrebin gestolin adir geroubt gud wilcherley das ist keuffin. Wer eß abir tede mit wissen, der solde daz vorbuessin mit eym punt pennige der egenanten were unß, unser staid Cassel unde deme hantwerke iglichim alse vor geschrebin sted. Keuffte er eß abir wyssens adir unwyssens unde qwemen dy der daz gewest were, den solde er eß wider gebin vor den phenning alse her es gekoifft hette ane widerredde.
Diß zcu orkunde han wer unse ingesigel an dissen brib thun henken ipso die beati Arnolfi confessoris sub anno Domini Mo CCCC vicesimo primo.

Sprache des Originaltextes

deutsch

Nachweise

Aussteller

Hessen, Landgrafen, Ludwig I.

Empfänger

Kassel, Weißgerber

Siegler

Hessen, Landgrafen, Ludwig I.

Weitere Orte

Kassel (Stadt Kassel)

Sachbegriffe

Bürger · Handwerker, Weißgerber · Handwerker, Sattler · Handwerker, Riemenschneider · Handwerker, Gürtler · Handwerker, Beutler · Handwerker, Täschner · Handwerker, Pergamenter · Zunftordnungen · Zunftbriefe · Zünfte, Aufnahme in · Zunftmeister · Pferde, Zaumzeug für · Märkte · Amtmänner · Witwen, zünftige Arbeitserlaubnis für · Hehlerei

Textgrundlage

Stückangaben, Regest

Eckhardt, Stadtrechtsquellen Kassel

Original

Eckhardt, Stadtrechtsquellen Kassel

Zitierweise

Landgrafen-Regesten online Nr. 16625 <https://www.lagis-hessen.de/de/subjects/idrec/sn/lgr/id/16625> (Stand: 28.04.2024)