Braurecht, Tischgeld und Bürgermeisterwahl in Eschwege

Regest-Nr. 9655

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Stadt Eschwege. Pergament, Siegel verloren.
Drucke:	Eckhardt, Eschwege, S. 205-206 Nr. 210.
Regesten:	Eckhardt, Eschwege, S. 205 Nr. 210.

Regest

Landgraf Ludwig II. von Hessen regelt Braurecht, Tischgeld und Bürgermeisterwahl zu Eschwege.

Originaltext

Von Gotis gnaden wir Ludewig lantgrave zcu Hessen, grave zcu Cziegenhain unde zcu Nidde bekennen uffintlich in dießem brieve gein allermeniglichen, so als wir unsern lieben getruwen burgermeistern, rade und gantzer gemeinde zcu Eschwege eyn regiment gegeben haben, als dießer hierbie gehangener briff under unserm majestait ingesiegel clerlich ußwyset, darnach haben wir betrachtet obgedachter unser stait Eschwege noitdorft und das selbe regiment erwytert und erstrecket, als hirnach volget:
1. Zcum ersten wullen wir, das es mit dem brawen also gehalten werde; wer drießig marck verstet, der mag zcwie bruwen; und nit mehir, und was er daruber hait, sal er auch verstehin, wy in dem regiment vermeidet ist.
2. Auch wullen wir, das eyn iglicher von sinen husenn, er wane in der stat oder nicht, sin tischgelt gebe. Ob auch in eynem huse mehir parthien weren dan eyne, sollen eyn iglich vor sich selbe tischgelt geben und ander gerechtigkeit und und der stait thun und verstehin.
3. Wir setczen yne auch zcwene gemeyne burgermeister. Dieselben sollen dieß jar blieben; und hinfur alle jar, so der nuwe rait uffgehit, sollen der rait in die gemeyne aber zcwene mit wyssen und willen unser amptlute kysen und dieselben von uns oder unsern erben bestetigen lassen.
Des zcu orkunde haben wir dießen briff under unserm gemeynen ingesigel versiegelt gegeben und an den regimentsbrieff thun hencken.
Datum am dinstag nach Valentini anno domini millesimo qaudringentesimo septuagesimo primo.

Sprache des Originaltextes

deutsch

Nachweise

Weitere Personen

Hessen, Landgrafen, Ludwig II.

Weitere Orte

Eschwege · Nidda, Grafen · Ziegenhain, Grafen

Sachbegriffe

Grafen · Braurechte · Tischgelder · Steuern, Tischgelder · Bürgermeister, Wahl von · Wahlordnungen

Textgrundlage

Stückangaben, Regest

Eckhardt, Eschwege

Original

Eckhardt, Eschwege

Zitierweise

Landgrafen-Regesten online Nr. 9655 <https://www.lagis-hessen.de/de/subjects/idrec/sn/lgr/id/9655> (Stand: 24.04.2024)