Burgfrieden in Barchfelt

Regest-Nr. 11108

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Gemeinschaftliches Archiv Henneberg.
Stückbeschreibung:	20 Zeilen, breiter Rand, keine Interpunktionszeichen.
Siegel:	An einem Pergamentstreifen das kleine runde Siegel wohl erhalten.
Rückvermerke:	Burgfride uber Barchfelt J. und 1387.
Drucke:	Hennebergisches Urkundenbuch 5, S. 29 Nr. 47.
Regesten:	Hennebergisches Urkundenbuch 5, S. 29 Nr. 47.

Regest

Landgraf Hermann von Hessen errichtet mit Graf Heinrich einen Burgfrieden wegen Barchfeld.

Wortlaut der Datierung

Datum anno domini M°CCC°lxxxvii° in die assenssionis domini.

Originaltext

Wir Herman von gotis gnadin lantgrave zu Hessin bekennen vor uns und unser erbin offinlich an dissime (brif), daz wir dem ediln unsirme libin oheym Heinrich grafen und herren zu Hennenberg und sinen erben und her uns und unsirn erben wider einen rechtin burgfride zu Barchfeld entruwen globit und zu den heiligen gesworn han, den stete und veste zu halden in alle der masze,alzo hirnach beschriben stet, alzo daz der burgfride sal sin uffe dem slosze und in dem dorffe zu Barchfelt, und wendin alzo verre, alzo die graven, slege, czune und czingiln wendin umb daz vorgnante sloz und dorff angeverde. Were ouch, daz daheyn geczog wurde adder gesche in dem egnantin burgfride, so solden wir adder unser dheyns diner adder undirtan uffe beydesiten nicht zu komen zu scheidin dan mit dem bestim. Wers ouch, daz unser einer des andern vyent wurde, des got nicht wolle, so sal daz egenante sloz und daz darzu gehort, stille sittzen. Unsir keyner sal den andern zu dem egenantin slosze adder daryn dheynen schaden fugen. Ouch ensal unsir keyner dem selben slosze und daz darzu gehort, dheynen schadin thuen nach fugen. Ouch ensal unser keyner dez andern fyende wiszintlich yn nehmen yn daz vorgnante sloz; neme sie abir unser einer unwissintlich yn, der solde sie von stund farn lasze, wann he daz irfure, und die sullen ouch selig vor uns von dann riten. Ouch sullen unser beyder amptlute dez egnanten sloszes, wer die sint, den burgfride alzo vorbeschriben stet, globin und swern zu haldin, alzo dicke dez not ist. Wann ouch die amptlute von dem ampte kumen addir entsast werdin, so en sal man yn vortmer nicht vorbunden sin von des burgfrides wegin, abir die amptlute, die man an der abgesastin stad widdir settzit, die soln den burgfride globin und swern, und daczu vorbinden sy glichir wyes, alzo die vor yn gewest sin und alzo abgesast sin, und sullen daz unser iglichs amptlute thuen, alzo dicke dez not ist, und sal unser iglicher den andern, daz alzo vorbeschriben stet, zu gute und angeverde haldin.
Und han wir Herman vorgnant dez zu urkunde unsir ingesigel an disin brif laszin hengin. Datum anno domini M°CCC°lxxxvii° in die assenssionis domini.

Sprache des Originaltextes

deutsch

Nachweise

Aussteller

Hessen, Landgrafen, Hermann II.

Empfänger

Henneberg-Schleusingen, Grafen, Heinrich V. (X.)

Siegler

Hessen, Landgrafen, Hermann II.

Weitere Orte

Barchfeld (Wartburgkreis/Thüringen), Burg

Sachbegriffe

Burgfrieden · Grafen · Burgen

Textgrundlage

Stückangaben, Regest

Henneberg UB 5

Original

Henneberg UB 5

Zitierweise

Landgrafen-Regesten online Nr. 11108 <https://www.lagis-hessen.de/index.php/de/subjects/idrec/sn/lgr/id/11108> (Stand: 29.06.2026)