Regesta of the Landgraves of Hessen
1528 Januar 30
Erneuerung des zunftbriefs der Leinenweber in Kassel
Regest-Nr. 16632
- Tradition
-
Engrossment: Stadtarchiv Kassel, Urkunden, 1943 verbrannt. Prints: Salow, Das Zunftwesen in Kassel, S. 169f. Regesta: Brunner, Regesten Stadtarchiv Cassel, S. 96. - Regestum
- Landgraf Philipp von Hessen erneuert den Leinewebern in Kassel den Zunftbrief Landgraf Ludwigs I. von 1421 Juli 18.
-
Datum Wording
geben ist zue Cassel am donnerstage nach Conversionis Pauli anno Domini mil[l]esimo quingentesimo vicesimo octavo.
- Original Text
- Von Gots gnaden wir Philipps lantgrave zu Hessen, grave zu Catzenelnpogen, Dietz, Ziegenhain und zu Nidda tun kunt hieran uffentlich vor uns und unser erben bekennende, nachdem uns durch absterben der loblichen fursten zu Hessen unser altern, aberaltern und vater seliger hochloblicher gedechtnus die zunft, gilde und inunge in unsern furstentumben, landen und gepieten verlediget und heimgefallen seint, das wir demnach uf undertenigs bitlichs ansuchen unser lieben undertan und getrewen der leinweber alhie zu Cassel aus sondern gnaden darmit wir inen gneigt seint und umb sonderlichs ihres nutzen und besten willen ire zunft, bruderschaft und inunge inmaissen sie inen von hochloblicher und seliger gedechtnus lantgrave Ludwigen geben laut desselbigen briefs, des anfang ist: Wir Ludwig von Gots gnaden lantgrave zu Hessen bekennen vor uns und unser erben uffentlich etc., und das datum stehit: anno Domini mil[l]esimo quadringentesimo vicesimo primo ipso die beati Arnolfi confessoris, gnediglich widerumb gereicht, geben, confirmirt und bestetigt haben, tun das auch jegenwertiglich in macht und craft dis brifs also das sie sich solcher irer zunft, auch aller derselbigen freyheit und gnaden hinfurter gebrauchen und fr[eu]en sollen in aller maissen das gemelter brief mitbringt und sie es herbracht haben. Doch sol das wachs so unter inen gefelt hinfurter zu underhaltung armer leut in gemeinen kasten gegeben werden und uns und unsern erben solich zunft, inunge und gilde nach unserm gutbedenken, willen und gefallen zu revocirn, zu mindern und mehren vorbehalten sein on geverde. Und des zue urkunt haben wir unser furstlich secret hier an dissen brief tun henken, der geben ist zue Cassel am donnerstage nach Conversionis Pauli anno Domini mil[l]esimo quingentesimo vicesimo octavo.
-
Language of the Original Text
deutsch
- References
-
Place of Issue
-
Granter
-
Recipient
-
Name of Seal's Owner
-
Other Persons
-
Keywords
Zunftordnungen, Bestätigen von · Handwerker, Leinenweber · Almosenkasten · Arme, Versorgung von
- Text Basis
-
Document Particulars, Regestum
Eckhardt, Stadtrechtsquellen Kassel
-
Original
Eckhardt, Stadtrechtsquellen Kassel
- Citation
- Landgrafen-Regesten online Nr. 16632 <https://www.lagis-hessen.de/en/subjects/idrec/sn/lgr/id/16632> (Stand: 02.05.2024)