Erneuerung des Zunftbriefes der Bäcker in Kassel

Regest-Nr. 16629

Tradition | Regestum | Original Text | References | Text Basis | Citation

Tradition

Copies:	Staatsarchiv Marburg, Urk. 100, Nr. 2258, Abschrift 1783, Papier.

Regestum

Landgraf Wilhelm II. von Hessen erneuert den Bäckern in Kassel den Zunftbrief Landgraf Ludwigs I. von Hessen von 1421 Juli 16 [siehe ID 16619]

Datum Wording

gegeben ist in unser stait Cassel am montage nach sanct Gallen tag in jaren naich Christi unsers herren geburt vierzcehinhundert und in sechs und neuhinzcigsten

Original Text

Von Gots gnaden wir Wilhelm der mitler landgrave zcu Hessen, grave zcu Zciegenhayn und zcu Nidde etc. bekennen und thun kund uffintlich vor uns und unser erben geyn allermeniglichen, nachdem und als der hoichgeborner furste her Ludwig landgraffen zcu Heßen etc. unser lieber herre und eldervatter seliger gedechtnisse dem handwerke der beckergilde unsern lieben getruwen in unser stait Cassel eyn bruderschafft und innunge geben und uß besondern gnaden zcugelaessen hait, willich dann auch von dem hoichgeborn fursten hern Ludwig landgraven zcu Heßen etc. unserm lieben hern und vatter seligen bestetigt und luth sinen brieven und sigiln bekrefftig ist, dewill nuhn gemelter unsers hern eltervattirs seligen brieff an sinem sigill vorletzst und derhalben vorwesen ist und wir von den beckern umb desselbigen brieffs vornuerunge und bestetigunge vlißich gebeten sein, so haben wir ine denselbigen zcu einer vornuerunge von worten zcu worten hirin zcyhen und schrieben laessen lutende alß:
Folgt Zunftbrief Landgraf Ludwigs I. von Hessen von 1421 Juli 16.
Und nachdem uns obgenantem landgraven Wilhelmen dem mitlern solich obgerurten zcumpft und innunge durch toitlichen abgang wylant des hoichgebornen furstens her Ludwigs unsers herren und vatters seliger gedechtnis vorleddigt worden ist, das wir dorumb uß besondern gnaden das vor beschribben handwerk der becker mit der zcunpft, bruderschafft und innunge, die sie wie obgemelt von unsern herren und eltervatter lublicher gedechtnis gehabt, verneuwigt, widdergegeben und besteddigt haben, virnuwen, widdergeben und bestedigen ine die also kegenwertiglich in und mit krafft dießs brieffs also, das sie solich ire zcunpft und bruderschafft widderumb haben, die undir sich halden und gebruchen sollen in aller maeße unsers lieben herren eltervatter seligen brieff obin geschribben, den er ine daruber gegeben hait, davon inhild und ußwißet ane alle geverde. Wir haben auch vor uns und unser erben hirin die macht behalden und behalden uns die mit diesem unserm brieve, das wir sollich egnante zcunpft und bruderschafft bin [!] und ab thun mugen eyn teyl adir zcumael, die hohen odir nyddern noch unsern willen, wie uns adir unsern erben das bequeme und eben ist, sondern intrag und ane alles geverde. Des zcu urkund haben wir unser ingesigel an dießen brieff thun henken, der gegeben ist in unser stait Cassel am montage nach sanct Gallen tag in jaren naich Christi unsers herren geburt vierzcehinhundert und in sechs und neuhinzcigsten.

Language of the Original Text

deutsch

References

Place of Issue

Kassel (Stadt Kassel)

Granter

Hessen, Landgrafen, Wilhelm II.

Recipient

Kassel, Bäcker

Name of Seal's Owner

Hessen, Landgrafen, Wilhelm II.

Other Persons

Hessen, Landgrafen, Ludwig I. · Hessen, Landgrafen, Ludwig II.

Keywords

Zunftordnungen · Zünfte · Handwerker, Bäcker · Zunftordnungen, Bestätigen von

Text Basis

Document Particulars, Regestum

Eckhardt, Stadtrechtsquellen Kassel

Original

Eckhardt, Stadtrechtsquellen Kassel

Citation

Landgrafen-Regesten online Nr. 16629 <https://www.lagis-hessen.de/en/subjects/idrec/sn/lgr/id/16629> (Stand: 28.04.2024)