Schiedsspruch des Erzbischofs von Köln

Regest-Nr. 1696

Tradition | Regestum | Original Text | References | Text Basis | Citation

Tradition

Copies:	Staatsarchiv Würzburg, Lib. Reg. Lit. Eccl. Mogunt., 22 (6) fol. 90a-91b.
Prints:	Friedensburg, Hermann II., Anh. Nr. 12, S. 261-263.

Regestum

Vor Reiferscheid. - Erzbischof Friedrich von Köln tut den in der Sühne vom 22. Juli 1385 vorbehaltenen Schiedsspruch über eine Reihe strittiger Punkte zwischen Erzbischof Adolf von Mainz und Landgraf Hermann von Hessen.

Original Text

Wir Friderich von der gots gnaden der heiligen kirchen zu Colne erzbischof des heiligen Romeschen richs in Italien erzecanceler herzoge von Westvalen und von Enger bekennen offentlich mit diseme brief: als wir eine sune beredt und gemacht han uf sante Marien Magdalenendag nest vergangen zwischen dem erwerdigen unserm lieben nefen hern Adolffe erzbischoffe zu Mentze des heilgen Romschen richs in Dutschen landen erzcanceler uf eine siten und deme hochgeborn lantgraven Hermanne zu Hessen uf die ander siten, in derselben sůne und artikeln begriffen ist und geschriben stet, daz wir unserm nefen dem erzbischof vorgenant zusagen sollen waz ime der lantgrave von Hessen halden und vollenzihen sal von solicher sůne wegen die vormals zwischen erzbischof Gerlach seligen von Mentze und lantgraven Heinrich und lantgraven Otten von Hessen begriffen ist; und waz wir unserme neven dem erzbischof und sime stifte zu Mentze zusagen und zuwisen, daz sal ime der lantgrave halden und vollenzihen ane hinderniße und verzoch nach inhalde der briefe die daruber geben sint, und daz důn und ende geben zwischen hie und sante Michels dag nest kommet. Und wna wir nů in der vorgenanten sůne, die gescheen ist zwischen erzbischof Gerlach seligen und lantgraven Heinrich und lantgraven Otten von Hessen, befůnden han und geschriben stat daz die lantgraven von Hessen deme erzbischof von Mentze und sime stifte die Nuwestad stat und burg weder antwerten sollen und was darzu gehoret mit allen rechten die darzu gehoren, und sollen in nit daran behalden ane geverde, und unser neve der erzbischof von Mentze vorgenant spricht daz sine vorvaren daruber gelt ußgegeben haben, als umb die vorschriben Nuwestad stat und burg an sich zu losen, daruff sagen und wissen wir: waz geltz von des stiftes wegen zu Mentze als von der Nuwestad wegen ußgegeben ist, daz unser neve der erzbischof von Mentze bewisen mag, daz sal der lantgrave von Hessen dem erzbischof zu Mentze und simestifte keren und weder geben. Item han wir befůnden und steit geschriben in derselben sůne daz die lantgrafen von Hessen dem erzbischof von Mentze und sime stifte daz hůs Halsen wieder antworden sollen ledig und lois; und der erzbischof von Mentze spricht daz die lantgraven daruber und wedder dieselbe sůne Halsen daz hůß gebrochen haben: daruf sagen und wissen wir: wann daz also wieder die vorgenante sůne geschiet ist, daz dan der lantgrave von Hessen Halsen daz hus wederbuwen und mit allen sinen zugehorungen antwerden sal deme erzbischof zu Mentze dazselbe hus vor jaren und ziden der vorschriben sůne ingehat und beseßen hat. Item han wir befunden und stet geschreben in derselben sůne, daz die lantgraven von Hessen verredt hant, daz sie nimand enphaen sollen oder innemen zu dem Kirchhain, er si phaffe oder leie burgman burger oder jude, die uf deme berge zu^e Ameneburg geseßen sint oder die zu demselben berge gehorent; daruf sagen und wissen wir: daz die lantgraven vpn Hessen daz also halden sollen, und wer’ ez daz zum Kirchhain imand wonhaftlich were, er were phaffe oder leie burgman burger oder jude, der uf dem berge sider der sůne zu Ameneburg geseßen hette oder zu dem berge gehurte, daz die oder den die lantgreven von Hessen zum Kirchan nit halden sollen. Item han wir befunden und stet geschriben in derselben sůne, daz under deme erzbischof von Mentze und den lantgrafen von Hessen geredt ist, daz ir keiner des andern manne oder burgmanne, er si edel oder unedel, innemen sal mit kriege oder zu kriege weder den andern; daruf sagen und wissen wir: daz die lantgraven von Hessen daz also halden sollen; und hetten die lantgraven von Hessen keinen des erzbischofes zu Mentze oder sins stiftes man oder burgman, er were edel oder unedel, mit kriege oder zu kriege ingenomen weder dem erzbischof zu Mentze oder sinen stift, die solden die lantgraven von Hessen nit enthalden und weder von in wissen . des zu urkunde han wir unser ingesigel an disen brief tu^en hangen, datum in campis ante Ryfferscheit anno domini millesimo 300 octuagesimo quinto in crastino sancti Lamberti episcopi et martiris.

Language of the Original Text

deutsch

References

Other Persons

Köln, Erzbischöfe, Friedrich III. von Saarwerden · Mainz, Erzbischöfe, Adolf I. von Nassau · Hessen, Landgrafen, Hermann II.

Other Places

Köln, Erzbischöfe · Mainz, Erzbischöfe · Reiferscheid

Keywords

Erzbischöfe · Schiedsgerichte · Schiedssprüche · Auseinandersetzungen, mit Mainz

Text Basis

Document Particulars, Regestum

Friedensburg, Hermann II.

Original

Friedensburg, Hermann II.

Citation

Landgrafen-Regesten online Nr. 1696 <https://www.lagis-hessen.de/en/subjects/idrec/sn/lgr/id/1696> (Stand: 20.04.2024)