Landesgeschichtliches Informationssystem Hessen

Regesta of the Landgraves of Hessen

1383 März 11

Landfriede König Wenzels

Regest-Nr. 11005

Tradition | Regestum | Original Text | References | Text Basis | Citation
Tradition
Engrossment: Staatsarchiv Bamberg, Arch.-Konserv., Cimelienschrank Nr. 8. 18 Siegel, wovon nur das königliche abgefallen ist; in verso gleichzeitig unio..regis Romanorum et aliorum principum 12 annis duratura, weiter unten ebenda wohl aus 15. Jahrhundert expiravit, daselbst noch weiter unten gleichzeitig sub anno 80 tercio. Die Unterschrift eigenhändig von De bis Lubisensis. Die Pergamentstreifen der hangenden Siegel tragen gleichzeitige Aufschriften: 1) rex; 2) Moguntinus; 3) Coloniensis; 4) Rupertus senior; 5) dux Saxonie; 6) fehlt, von späterer Hand mit Bleistift aufgetragen episcopus Bamb.; 7) Herbipolensis; 8) Eystetensis; 9) Ratisponensis; 10) Augustensis; 11) dux Austrie; 12) dux Stephanus; 13) dux Fridericus; 14) dux Johannes; 15) Rupertus junior; 16) Wihelmus Myssensis; 17) Nurembergensis; 18) Wirtembergensis, in dieser Reihenfolge gerade wie bei der Aufführung in der Urkunde selbst. Hauptstaatsarchiv Dresden, Urkunde Nr. 4399. 18 Siegel, Unterschrift und in verso Registratabemerkung wie in Bamberg lautend. Haus-, Hof- und Staatsarchiv Wien, Österreich K 406/L 84. 18 Siegel in der Reihenfolge der Namen in der Urkunde, an Pergamentstreifen, Unterschrift und in verso Registraturbemerkung wie in Bamberg.
Copies: Staatsarchiv Basel, Sammelband Reichstagsbescheide von 1400 biß zu Ende dieses seculi, St. 157, das 1. Stück daselbst, cop. Ch. Coaeva, mit der Unterschrift item copia novissime obligacionis a rege et aliis principibus etc.; Staatsarchiv Frankfurt, Imperatores 1, 85 unvollständiges, geht bis creften incl. in Art. 7, dann wieder von parthie ire rede incl. in Art. 25 bis Schluß; Staatsarchiv Würzburg, A.K. lib. Reg. Lit. Eccl. Mogunt. 4 (20), f. 328-333. Cop. Mb. Coaera, Einschaltung in dem Beitritt Ruprecht des Jüngeren von April 28; Staatsarchiv Würzburg, A.K. Mainz-Aschaff. Ingross.-B. 10, f. 114a-117a. Beginnt erst mit dem Absatz 4 were auch daz die vorgeschr. Fursten gr. od. h. yre manne - mit herschafft -, geht dann aber bis zu Ende, jede Seite kreuzweise durchgestrichen, wurde nur an zweifelhaften Stellen verglichen. Staatsarchiv Straßburg, an der Saul I partie lad. B fasc. VII, fol. 25a-27b. Cop. Ch. Coaeva, etwas verletzt.
Prints: Deutsche Reichstagsakten 1, S. 367 ff. Nr. 205.
Regesta: Deutsche Reichstagsakten 1, S. 367 Nr. 205.
Regestum
Landfriede König Wenzels über das ganze in vier Parteien eingeteilte Reich, zunächst ohne die Städte, auf 12 Jahre bis 1395 April 23.
Original Text
Wir Wentzlaw von gots gnaden Romischer ku^enig ze allen zeiten merer des reiches und ku^enig ze Beheim bekennen und tun kunt offenlich mit disem brife allen den dy in sehent oder horen lesen: wann uns angehoret und zugeburet von wegen des heiligen Romischen reiches, daz uns von gnaden des allmechtigen gots empholhen ist, alle dy, dy dazselbe heilige Romische reich begreiffen, zu besorgen daz sy in gemache und in rue bleiben, daz wir dann merckenlichen und nemlichen tu^en so wir fride und gnade in den landen schaffen; und wann wir besundern darzu^e geneyget sein, daz amngerley gewalt untat frevel und unreht, dy von maniger hande bo^eser und untetiger leute in den landen sich bisher ergangen und verlauffen haben, abgenomen werden und den widerstanden: so haben wir got zu^e lobe und zu^e eren des heiligen Romischen reiches wirden den landen und leuten ze nu^etz und ze frumen ein eynunge gemachet und gesetzet, setzen und machen auch dy mit Romischer kuniglicher maht mit wolbedachtem mu^et und rate der erwirdigen Adolfs ertbyschofs ze Mentz in Dewschen landen, Friderichs ertzbyschofs ze Colne in Italien des heiligen Romischen reiches ertzcanczler, der hochgeboren Ruprechts des eltern pfalntzgraven by Reyne des heiligen Ro^emischen reiches obersten truchsezzen und hertzogen in Beyern, Wentzlaw hertzogen ze Sachssen des heiligen Romischen reichs ertzmarschalken, der erwirdigen Lamprehts ze Bamberg, Gerhards ze Wirtzpurg, Rabno ze Eystet, Dyttrichs ze Regenspurg, Burkhards ze augspu^erg byschofe, der hochgeborn Leupolts hertzogen ze Osterreich ze Steyr und ze Kernden etc. Stephans Friderichs Johans und Ruprehts des ju^engsten aller pfaltzgraven by Reyn und hertzogen in Beyern, Wilhelms markgraven ze Meyssen, Friderichs burkgraven ze Nuremberg, und des edeln Eberhard graven ze Wirtemberg, und ander unser und des reiches fursten graven herren und getrawen. Daru^emb gebiten wir und manen kraft ditz brifs allen obgenanten ... ku^erfursten ... fursten ... graven freyen ... herren und getrawen, dy itzund mit uns in dieser eynunge sein oder hernach darein ku^emen werden, by den eyden und trawen als sy uns und demreiche verpunden und pflichtig sein: daz sy in dieser eynu^enge by uns und wir by in sein und bliben und auch alle artikel und eynunge vestiglich und getrawlich halden und volfuren su^ellen nach irer aller und ir iglichs vermugen in der forme als hernach geschriben stet.
(1) Zu dem ersten wollen wir und setzen auch als ein Romischer kunig, und auch besunder als wir diese eynunge durch frides willen gemachet haben, daz alle mort brant teglich und nechtiglich und unreht widersagen gar und gentzlich absein sullen, und alle leute pfaffen leyen und kau^efleut ieder fu^erst grave herre stet ritter und kneht von unserm gebot in iren landen und gebiten schirmen sullen vor aller gewalt und unreht on alle geverd. Wer daz uberfure und des niht hilte, so sol der fu^erste grave herre stat ritter oder kenht, in des lande oder gebite daz geschehe, darzu^e getrewlich beholffen sein, daz das abgetan und widerkeret werde in aller maz als ob es in selber anginge, on alle geverde.
(2) Es sol auch in der fu^ersten graven herren stet ritter oder kneht dieser eynu^eng slozzen und landen kein schedlich manne, oder wer mit gewalt on reht angriffe schaden tete oder ir dheines der in dieser eynu^eng ist oder hernach darein kome veynde weren, keynen frid oder geleit haben, noch sy oder ir amptleute in auch dy niht geben sullen und sy niht hau^esen halten fu^erdern oder in zulegen sullen in keyne weys on geverde, und ir iglicher sol dy angreiffen und mit in gebaren als reht ist.
(3) Auch sullen alle fursten graven herren ritter kneht und stet, dy in dieser eynu^eng sein oder in kunftigen zeiten dorein kumen werden, einer dem andern in guten trewen meinen, und vestiglich by einander bliben, und einer dem andern getrewlich geraten bygestendig und ungeverlich beholffen sein wider allermeniglich und einen iglichen der sy an herscheften slozzen landen leuten freiheiten oder rechten schedigte dru^enge irrte oder beswerte.
(4) Were auch daz dy vorgeschriben fursten graven oder herren r manne burkmanne dyner unterdanen oder stet, dy by in in dieser eynu^enge sein und bliben, mit herskraft besezzen oder uberzogen wu^erden: daz dann dy fu^ersten graven herren ritterkneht und stet dieser eynu^eng darzu^e sullen beholfen sein iglicher mit seiner maht on geverde, desselben land und dy seinen als vor geschriben stet zu^e entreden, nach gelegenheit iglichs fursten graven herren ritters knehts oder stete, als schir sy des ermanet werden von dem oder den der oder dy also besezzen oder u^eberzogen werden und sol daz ir einer uf den andern niht verzihen on alles geverde..
(5) Item ob der fu^ersten graven herren ... ritter kneht oder stet dheiner oder dy iren, als vor geschriben stet, su^est angriffen oder beschediget wu^erden frevelichen wider reht, von weme daz wer: daz dann dy fu^ersten graven herren ritter kneht und stet dieser eynu^enge, dy itzund darinne sein oder in zeiten darein kumen werden, so sy des von dem oder den, dy oder den daz anget, ku^entlich ermant werden, den oder demselben ze stu^end sullen beholffen sein, und vestiglich dy und ire helffer angreiffen dy ir iglichem gelegen und gesezzen sein, und den veyntlichen tu^en, gleicher weyse als ob es ir iglichen selber und su^enderlichen anginge, getrewlich on alle geverde. [...]
(22) Wir wollen auch, daz in allen kriegen herferten und zu^egen alle gotsheuser geistlich personen und ire gu^eter frid haben sullen.
(23) Auch so man uf daz velt zeuhet, daz man denn der fru^ende hofen und guten keyn frevellich gewalt noch schaden tu^en sol, beheltnusse doch daz man sich mit der fu^eterunge und mit speyse behelffen mu^ege zu^e bescheidener weyse.
(24) Dys sein dy partey dieser eynung: daz ku^enigreich ze Beheim und was zu^e der cronen desselben ku^enigreichs mit allen fursten graven herren landen oder leuten gehoret, dy marck ze Brandenburg, dy hertzogentum ze Sachssen und ze Lewnemburg; item dy ander partey; dy ertzbyschofe von Mentz, von Trier und von Coln, hertzog Rupreht der elter, hertzog Rupreht der ju^enger, der landgraf von Hessen, und dy markgraven von Baden; item dy dritte partey: hertzog Albreht und hertzog Leupolt von Osterreich, Stephan Fridrich und Johan gebruder hertzogen von Beyern, der hertzog von Luttringen, dy byschoff von Strazpurg, von Augspurg, und von Regenspurg, grave Eberhard und graf Ulrich von Wirtemberg; item dy virde parteye: dy byschofe von Bamber, von Wirtzpurg, von Eystet, Balthazar Wilhelm und ir vetter markgrafen ze Meyhssen und lantgraven ze Du^eringen, hertzog Rupreht der ju^engste, und Fridrich burkgraf ze Nu^eremberg. Und was fu^erbaz fu^ersten graven herren ritter kneht oder stet in diese eynunge ku^emen, dy sullen ie by der nehsten partey bliben, der synehst gelegen sein. [...]

Language of the Original Text

deutsch

References

Other Persons

Wenzel, König · Mainz, Erzbischöfe, Adolf I. von Nassau · Köln, Erzbischöfe, Friedrich III. von Saarwerden · Pfalz, Kurfürsten, Ruprecht I., der Rote · Sachsen-Wittenberg, Herzöge, Wenzel I. · Bamberg, Fürstbischöfe, Lamprecht von Brunn · Würzburg, Bischöfe, Gerhard von Schwarzburg · Echstätt, Bischöfe, Rabno · Regensburg, Bischöfe, Theoderich von Abensberg · Augsburg, Bischöfe, Burkhard · Österreich, Herzöge, Leopold III. · Bayern, Herzöge, Stephan III., der Kneißl · Bayern-Landshut, Herzöge, Friedrich der Weise · Pfalz, Kurfürsten, Ruprecht II. · Meißen, Markgrafen, Wilhelm I. der Einäugige · Nürnberg, Burggrafen, Friedrich V. · Württemberg, Grafen, Eberhard II.

Other Places

Pfalz, Kurfürsten · Köln, Erzbischöfe · Mainz, Erzbischöfe · Sachsen, Herzöge · Bamberg, Bischöfe · Würzburg, Bischöfe · Eichstätt, Bischöfe · Regensburg, Bischöfe · Augsburg, Bischöfe · Meißen, Markgrafen

Keywords

Kurfürsten · Landfrieden · Könige · Erzbischöfe · Bischöfe

Text Basis

Document Particulars, Regestum

RTA 1

Original

RTA 1

Citation
Landgrafen-Regesten online Nr. 11005 <https://www.lagis-hessen.de/en/subjects/idrec/sn/lgr/id/11005> (Stand: 28.03.2024)