Heinrich III. erhält das Kreuz Kaiser Heinrich II. als Reliquie für die Schlacht

Regest-Nr. 9802

Überlieferung | Regest | Originaltext | Nachweise | Textgrundlage | Zitierweise

Überlieferung

Abschriften:	Murhardtsche Landesbibliothek Kassel, Ms. Hass., fol. 109, Bd. 9, Bl. 215 f. (18. Jahrhundert). Zwar ist die vorliegende mit Ex orig. arch. Aulae Cassel bezeichnet, doch befindet sich das Original nicht mehr im Staatsarchiv Marburg.
Drucke:	UB Kaufungen, S. 115-117 Nr. 518.
Regesten:	Diemar, Hessen und Köln, S. 82 f. Nr. 212 Anm.; UB Kaufungen, S. 115 Nr. 518.

Regest

Decan Konrad Volghard sendet dem Landgrafen Heinrich III. zu Hessen-Marburg durch Heinrich von Immenhausen das zu Kaufungen aufbewahrte Kreuz Kaiser Heinrich II. zur Mitnahme ins Feld.
vielleicht war in diesem ein Stück der großen Kreuzpartikel eingelassen, die Kaiserin Kunigunde bei ihrem Eintritt in das Kloster Kaufungen der Kirche schenkte.

Originaltext

Hochgeborner fürste und here. Myne gebete und schuldigen, willigen diensten ewir fürstlichen gnaden allezeyt bevor. Gnediger fürste und libir here. Uwer gnaden schigken ich bie dießem geinwortigen hern Heinrich von Immenhausen daz lobeliche, werde, heilge crutze keyser Heinrich, inmaeßen uwer gnade von mir begerid haid. Abir daz banir sannt Mauricii kan ich uwere gnaden zu dießir zyt nicht geschicken, so ich gerne thede, dan mich myn frauwe von Couffunge hoech berichted haid, es sy besloßen uff dem thorne und habe Henne von Biedenfeld die slüßil bie sich, und hette sie daz konnen krygen, sie wulde es uwern gnaden williglich und gerne gesand han. Und haid mir daby warlich gesaget, si wiße, daz uwer gnade deßelben banirs eyn stügke gereide habe. Sonderlich haid myn frauwe mich bilerd und geheißen, uwer gnaden dieß zu bitten, solich heilige, werde + lobelich ehirlich und wirdiglich zu halten und zu virwaren und y bie uch, abe es, da God vor sy, zu stryde und zu groeßem wergke qweme, daz dan uwer gnade daz y bie uch habe, dan keyser Heinrich damitde groeße wunderwergke durch die gnade des almechtigen und sines heiligen + in fünff houbtstryden getryben und die undir demselben + hoechlich und mochtlich erwonnen haid. So haid s. Mauricius auch dry houbtstryde undir synen banire gewonnen, darumb uwer gnade solich + und banir gerne bie sich haben mag uff dem houbte uwers helmes adir ysenhudis, so es zu solichir beswerunge des kryges kommen worde. Gnediger, liebir here. Da ist auch eyn besondir stügke bie dem +, daz keyser Heinrich in sinen stryden in synen barte adir busen gefürd haid, daz wulle uwer gnade auch eren und bie uch in uwerm busem und wammese haben. Dieselbe myn frauwe von Couffungen haid mir befolen zu schreiben, daz uwer gnaden bruder, selger l(andgraf) Ludewig, hette eyne frauwe gein Rome geschickt, die dan mit dem teuffel beseßen were. Dieselbe frauwe hette man hier und auch den beseßen dueffil gebanned zu offinbaren, aber unser here mit der Paderbornschen fehde gewynnen adir verliesen sulte, hette die frauwe und der dueffil gesagit, er müste virliesen, abir wulte sine gnade sie ungebanned und unbeswerit laessen, sie wulten sinen gnaden sagen, daz er nicht verliesen sulte. Daruff hette sine gnade ya gesagit, du were sinen gnaden zu antworte worden, zu Kouffen were keyser Heinrichs +. Wann er daz bie sich hette, so sulte er alle syne fyhende obirwynnen. Und daz habe myn here seliger iren gnaden selbirs in geinwortikeid zweyer frommen auch gesagit und daruff daz + auch bie sich genommen und nicht verloren. Gnedige, liebir here. Dwiel nu uwer gnade geschriben haid, daz + zu schigken, so hette ich daz uwir gnaden gerne selbirs bracht und darinn bescheid gethan. Abir nach solichen schrifftne und begerungen han ich mich, als billich ist, gerichtid. Und womitde uwern gnaden ich mit lybe und gute zu willen und dienste gesin konde, thede ich von grunde mynes hertzen gerne. Geschrieben uff mittwochin nach Jubilate, anno etc. lxx. quinto .
Uwer gnaden gantz williger diener
Conradus Volghard dechand etc.
(Adresse): Dem hoichgebornen fürsten und herren herren Heinrichen lantgraffen zu Heßen, graffen zu Cziegenhain und zcu Nidde etc., mynen gnedigen, lieben herren zu siner gnade hande selbirs.

Sprache des Originaltextes

deutsch

Nachweise

Weitere Personen

Volkhard, Konrad [II.] · Hessen, Landgrafen, Heinrich III. · Kaufungen, Dekane, Konrad Volkhard · Immenhausen, Heinrich von · Heinrich II., Kaiser · Biedenfeld, Henne von · Hessen, Landgrafen, Ludwig III. · Kunigunde, Kaiserin

Weitere Orte

Kaufungen, Dekan · Kaufungen, Kreuz Heinrich II. · Kaufungen, Kloster · Rom

Sachbegriffe

Dekane · Reliquien, Mitnahme von · Amulette · Kaiserinnen · Helme · Eisenhüte · Rüstungen · Reliquien, Trageweisen von · Wämser

Textgrundlage

Stückangaben, Regest

UB Kaufungen

Original

UB Kaufungen

Zitierweise

Landgrafen-Regesten online Nr. 9802 <https://www.lagis-hessen.de/de/subjects/idrec/sn/lgr/id/9802> (Stand: 26.04.2024)