Landesgeschichtliches Informationssystem Hessen

Regesten der Landgrafen von Hessen

1428 November 30 - 1429 März 10

Auseinandersetzung um das Erbe des Hans Struz von Gladebeck

Regest-Nr. 8971

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Hauptstaatsarchiv Hannover, 81a, Nr. 296. 2 Blätter, 21,6 br : 30,2 h cm; Riß mit Japanpapier geklebt.
Drucke: Urkundenbuch der Herren von Boventen, S. 280-284 Nr. 393.
Regesten: Urkundenbuch der Herren von Boventen, S. 280 Nr. 393.
Regest
Protokoll der Edelherren von Plesse über den Verlauf ihrer Auseinandersetzungen mit Burkhard von Boventen um das Erbe des Hans Struz von Gladebeck.
Originaltext
Hirna anno domini millesimo quadringentesimo vicesimo octavo an des hilgen apostelen dage sintte Andree, do hadde unse gnedige juncher, hertogk Otte, hertoge to Brunswig, Borcharde von Boventen unde uns vor sek bescheiden to Munden, to vorsokende, eff he uns konde hebben fruntliken gerichtet umme Gladebeke unde andere schelinghe. Dar quam Borchard von boventen myd hern Egharde von Rornfurte, Bernde von dem berghe, Reynharde von Dalewich et cetera, unde we hadden myd und Diderike von Stoghusen unde Diderike von Hardenberge. Dar vorsochten unser beider frund umme fruntlike richtenunghe unde konde des neynen ende twischen uns gefinden. Darsulves ward eyn ander tyd oversproken, dat we scholden to Gottingen to beiden syden myd unsern frunden komen uppe den dinsdach na Lucie unde darup beiden syden vor unser beider frunde vorleggen breve, registere, kuntscop, wat denne eymme jowolkeme to syner duchte nu^ette sin to besende, eff de an oren scrifften unde inges(egelen) gerecht weren, unde dar unser eyn jowelk der partigen to der degedingen schicken der syner frunt unde eynen ut deme rade to Gottingen unde de aver vorsoken laten eyne gutlike eynunghe unde fruntschop, unde Borchord scholde mechtich sin der rechten erven Hanses Struczes, wat dar endes gedegedinghet worde, dat se dat gancz unde stede holden wolde. Darsulves in der berveten clostere in der kleynen dornczen leggede we unse breve unde registere uppe eynen disch vor unser beider frund, de beseyn mochten unde beseygen, dat de an ingesigelen unde scrifften recht weren. Dar leyd Borchard lesen sodanne breve myd namen eynen breff hertogen Magnus over dat slot Gladebeke unde eynen breff over eyne kemmenaden to Gladebeke, de her Heyse Hanse von Boventen vortyden anne unsern fulbrod vorsad hadde, der breve copien hirvor gescreven stad unde to Northeym uppe deme dage ok rede gelesen weren unde rede von unserme junchern, hertogen Otten, recht darup gescheiden is, und leid ok lesen twene breve over eyne mark geldes Hanses Struczes suster unde susterdochter, closterjuncvruwen to Wenden, ut der borchmolen unde twen hoffen to Gladebeke to oren liven unde meynden, darmede eighenschop der molen unde der hoffe to bewisende, des we doch so nicht tostan.
Darna schickede we unsern degedingen Ernste von Uslere, Lampbrechte unde diderike von Stoghusen unde Hanse Swanenflogele, unde Borchard schickede uppe syne syden hern Hildebrande von Hardenberghe, Herman von Usler, Bernde von deme Berghe unde den langhen Giselere. De achte vorsochten aver umme fruntschop mer deme uppe eyne wise unde konden des doch to ende nicht gedrepen se vele, dat Borchardes frunde unsern frunden (...)tten dusse wise also, alsze we meynden recht to hebbende an deme slote to Gladebeke unde mer guder, das se doch nicht bestunden, unde alse we meynden, dat we twolff hoven unde faste hoffe to Gladebeke hebben scholden myd oren tobehoringen, so hadde Hans Stucz under synem ploge gehad XIIII hove. Alsus so weren dar rede boven twolff ho^eve twu^e hove overich.
So hedde Hans Strucz dar gehad theynne edder elfftehalve hove, dede mennere to Gladebeke von ome to lehene gehad hedden, unde dat Rischennau^ewe unde den Heymberch, dede rodet weren, unde XXIX hove unde mer, dede lehen unde gelthafftich weren, dar we de erven Hanses Struczes anne behindern scholden. Wolden we nu^e de gude alle beholden unde den erven gheven XX hundert gulden, so wolden se Borcharde reden, eff se konden, so mate finden.
Dar we unsern frunden up antworden, alse se sechten von twey hǒven unde theyn ho^even, de de mennere hebben scholden, unde gerodet land unde so vele ho^eve lehen unde tinschafftich, des en bestunden we on so nicht. We meynden ok, dat men des so nicht befinden scholde, unde uppe dat men horde, dat we alles dinghes gerne to ende weren, so wolden we de knechte unde mennre to Gladebeke, de Hanse sin land gegkard unde beward hebben unde de de kuntschop in deme dorpe unde felde wusten, besegghen unde kuntschoppen laten, was Hans strucz dar hedde to syner borch gehad an lande unde hoffen unde wat darto horde unde wat ok de bur to lehene hedden, wat denne uns angeborde, dat dat uns bleve; wor dar denne vele eyghens overich, dat der erven wesen scholde, dar toge we uns nicht to sunder so vele, we sek des gudes alse eyn erve underwu^ende, myd deme wolden we reden umme sodanne unse vorlegen gude, alse her Heyse unde Hans Strucz vorsad geeyghent unde vor eyghen vorkofft hadden, dat in unse were von erveschop weghen wedder to bringen de alse des en deil ore besegelden breve utwisen, unde jo dat er also vorkuntschoppet unde to ende komen konde jo uns dat le^ever were; unde dar schal unser eyn jowelk to mechtich sin unde wolden darto ylen. Unde unse meynunghe is, dat we on hiranne glik unde overich geboden hebben laten.
Darup Borchardes frunde uns weder seggen let(e)n, Borchard hedde geantwordet, he hedde den dach so gerne holden na deme alse one wedder stunde, dat wolde he an syne frund bringhen unde scheiden also von deme dage.
Hir anne unde over weren myd uns de vorgenanten veire unse degedingeslude unde her Locze, Diderik unde Herman von Hardenberge, her Johan von Scheiden, her Johan Adelevessen, Bertold von Adelevessen, Otte von Kerstligenrode unde mer unse frunde in der dornczen to den berveten.
Copia recessus de Cassell.
Czu wissen, daz uff hute, frietag nach datum diess briefs geteidinget is cz(w)yschen den edelen Godeschalke unde Johanne van Plesse, gebruderen, uff eyne, hern Eghard van Rorenfort unde Borchard van Bovenczen uff die anderen syten, als umme nagelasszenen guter her Heisen und Hans Struses von Gladebeke seligen, zcu Gladebeke unde anderswo gelegen, darumme Henninge unde Diderik van Reden, gebrodere, Herman unde Lippolt Windolt, gebrudere, die van Plesse auch anlanghen, also daz Borchard van Bovenczen vorgenant in des hochgeborn fursten, hern Otten hertogen zcu Brunsw(ig) geleide zcu stund ryten sall zu den van Reden unde den Windolden vorgenant unde sich getruwelich myd den bearbeiden unde vorfughen, daz sie unde irer helffer unde nemelich Lippold, Heyse und Lippold van Gladebeke, gebruder, Hans Schorfhagen, Hinr(ich) Seger unde Hans Oygemans mid den egenanten van Plesse, der fiend sie sin, eyne frede lyden unde halten bysz uff den suntag nach Ostern nest kunftig unde irer sache dar bynnen myd den van Plesse dickegenant zcu gutlichin usztrage in fruntschafft adir in rechte kommen. Unde wanne danne die van Plesse unde die vorgenanten van Reden, die Wynolde unde irer helffere irer sache entrichtig wurden sin, so han die egenanten van Plesse, her Eghard von Rorenford unde Borchard von Bovenczen ire sache, als sie dan umme die egenanten guter undirein haben gestalt, an die hochgeborn fursten unde furstynnen, hern Lodewige lantgraven zu Hessin unde vrauwen Angnes van Hessen, zu Brunswig hertoginnen, wie die sie darumme entscheiden, daz esz daby blibe. Datum sabbato ante dominicam Invocavit anno domini M°CCCC°XXIX.
Alse nu^v dusses vorgenanten recesses inholt, dat men vorsoken scholde umme eyne richtenunge myd den Windolden unde den von Reden, darumme ward geredet uppe eymme dage to Gernrode, dar Borchard von Boventen de von Reden hadde hen gebrocht, dat eyn fruntlik dach geholden wart darna to Northeym des middewekens vor Palmen, dar de von Plesse, Diderike von Stochusen, Dider(ike) von Hardenberge, Arnde von Wetberge, Bertolde von Adelevessen, hern Johanne Adelevessen unde twene ut deme rade to Gottingen, Swanenflogele unde Lemmershusen, unde Gunczele von Grone, der von Gottingen hovetmanne, weren. So was dar ok uppe der von Reden und Windolde syden her Hildebrant von Hardenberge, Herman von Uszler unde Ev^erd von Zaldere, de vorsochten orer beider frunde umme eyne fruntlike richtenunge unde, alse men der nicht gefinden konde, do lete we dar beden, alse men darvon gescheiden was vor unsern gnedigen herren, den lantgreven unde vrouwen von Brunszwig to Cassele, so scholde men unser jo mechtich sin, dat we don wolden unde wedder umme nehmen, wat erkand worde, des men von ere unde rechte wegen plichtich weren; dar her Hildebrand, Herman von Uszler unde Everd von Zaldere up antworden, se wolden den Winolden unde den von Reden des so nicht seggen. Do bede we den rad von Northeym; de sanden umme unsern willen Hanse Recken, Bertolde Tristramme und Wressinghe to den von Reden unde Windolden in or herberghe, de on von unser weghen seden, se unde eyn jowelk bedderve^e man scholde user mechtich si to rechte, unde wolden myd on kesen schedeslude unde eynen overman unde sek myd rechte scheden laten na schulden unde antworden. Dar de von Reden unde Windolden antworden, se enkerden sek dar nicht an. Alsus rede we wedder to hus, unde du^et was des middewekens vor Palmen anno domini M°CCCC°XXIX.
Darna so bescheidede unse egenante gnedige vrouwe eynen fruntliken dach to Munden, dar unses gnedigen herren, des lantgraven, rede mede uppe kemen, unde vorbodede dar Borcharde von Boventen unde bescheidede do uns over eynen fruntliken dach to Herste, dar Borchard, Heysen und Lippolde unse vigende hinbringhen wolden uppe eynen veligen dach unde dar vorsoken, gutlike richtinnge twyschen on unde uns, unde vor den frede stunt unse egenante gnedige vruwe. Alse we to deme daghe reden, so worden unse knechte von ungeschicht rennende myd en deil der vorgenanten knechten unde oren frunden, unde der wart en deil gewundet in der renninghe, dar or eyn von starff, dat uns doch leyt unde anne unse schulde was. Umme de fredbrake worden we von Borcharde angesproken; darumme so ward aver eyn dach to Mu^enden bescheiden uppe dat slot. Dar wart so vele getegedinget, dat we vor sodanne ungericht, dat unse knechte ghedan hadden sundern unsern willen, vor se gheven anderhalff hundert gulden, der Borcharde hundert, des doden frunden vertich unde deme groten Lippolde theyne worden, dar de vorgenanten knechte eyne urfede upleiden. Unde dar ward do sodanne gheschicht umme den dotslach, wunden et cetera genczliken gerichtet, unde we ledighen uns darmyd unsern eyde, dat we an den wunden unde dotslage rades unde dades unschuldich weren, des glyk Jan, unse broder, vor deme rade to Gottingen ok don scholde, des he von Borcharde vorsehen ward. Unde we scholden de knechte Ludigere Yselvar unde Sandere Kloyte von uns laten unde der nicht lengk holden, deme we ok so deden. Unde alsus steit unse sake myd Borcharde, Henrike synem brodere unde synen frunden uppe unsin egenanten gnedigen herren, deme lantgr(even), unde vrouwen von Brunszwig na inholde des recesses to Kassele gegeven.

Sprache des Originaltextes

deutsch

Nachweise

Weitere Personen

Boventen, Burkhard II. von · Struß von Gladebecke, Hans · Braunschweig-Göttingen, Herzöge, Otto der Einäugige · Röhrenfurth, Eckhard [II.] von · Berge, Bernd [I.] von dem · Dalwigk, Reinhard [III.] von · Stockhausen, Dietrich von · Hardenberg, Dietrich [III.] von · Uslar, Ernst [II.] von · Stockhausen, Lamprecht [II.] von · Schwanenflügel, Hans · Hardenberg, Hildebrand [IV.] von · Uslar, Hermann [I.] von · Giseler, der lange · Hardenberg, Hermann von · Hardenberg, Lotze von · Scheiden, Johann von · Adelebsen, Johann von · Adelebsen, Berthold [III.] von · Kerstlingerode, Otto [I.] von · Plesse, Johann von · Plesse, Gottschalk [II.] von · Struz, Heise · Schorfhagen, Hans · Gladebecke, Lippold von · Gladebecke, Heise von · Gladebecke, Lippold von, Bruder des Lippold · Seger, Heinrich · Oygemans, Hans · Hessen, Landgrafen, Ludwig I. · Braunschweig-Göttingen, Herzöge, Agnes, Frau Otto des Einäugigen, geb. Landgräfin von Hessen · Wetberge, Arnd von · Grone, Guntzel von · Zaldere, Everd von · Recke, Hans · Tristramme, Bertold, Rat in Northeim · Yselvar, Ludger · Kloyte, Sandere

Weitere Orte

Gladebeck · Göttingen · Göttingen, Rat · Gladebeck, Burg · Gladebek, Kemenaten · Northeim · Gladebeke, Burgmühle · Rischenau, unter den Heimberch · Kassel · Northeim, Rat · Münden

Sachbegriffe

Protokolle · Erbschaftsstreitigkeiten · Edelherren · Schiedsgerichte · Streitigkeiten, Schlichten von · Urkunden, als Beweismittel · Einungen, gütliche · Erben, rechtmäßige · Klöster · Nonnen · Burgen · Schlösser · Kemenaten · Schwestern · Nichten · Verwandte · Mühlen · Höfe · Flurnamen · Rechte · Pflüge · Lehen · Rodungen · Knechte · Weistümer · Dörfer · Felder · Burgen, zugehöriges Land · Bauern · Verkäufe · Eigengüter · Brüder · Feinde · Fehden · Herbergen · Schiedsleute · Obmänner · Friedebrüche · Urfehden · Straftaten, Straftaten, Straftaten, Totschlag · Verbrechen, Mord

Textgrundlage

Stückangaben, Regest

UB Boventen

Original

UB Boventen

Zitierweise
Landgrafen-Regesten online Nr. 8971 <https://www.lagis-hessen.de/de/subjects/idrec/sn/lgr/id/8971> (Stand: 02.04.2020)
 
Hessisches Landesamt für Geschichtliche Landeskunde