Bestimmungen über die Zusammensetzung des Gießener Rates

Regest-Nr. 8732

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Ebel, Archiv Gießen, S. 109 ff., Nr. 3.
Regesten:	Ebel, Archiv Gießen, S. 101, Nr. 4.

Regest

Landgraf Ludwig [I.] trifft neue Bestimmungen über den Rat der Stadt Gießen.

Originaltext

Wir Ludewig von gots gnaden lantgrave zu Hessen bekennen vor uns und unsir erben uffintlich in diesem briefe: als wir deme rate und den gemeinen burgern zu den Giessen, unsern lieben getruwen, bestetiged und confirmeret han ire alden briefe, gnade, frieheid, gute gewonheid und herkomen, als sie bie unsern voraldern und furstendum zu Hessen herbracht han, also han wir mit biiwesen des hochgeborn fursten herren Heinrichs, herczogen zu Brunswig und Luneburg, unsers lieben swagers, der unsir rechter vormunder ist, und anders unsir rete und frunde von Hessen und bii der Loyne ire alden briefe und gesetze und auch nuwe briefe und saczunge, die unsir vater, lantgrave Herman seliger gedechtnisse, in gegeben had, geho^erd, und nachdeme als es iczund in allen unsern steten hie diessiit des Spieszs in mannicherhande gebrechen gelegen ist, so han wir zu besserunge und durch gemeins nucz willen unsir lande und lute soliche gnade getan und tun in diesem briefe als hernach geschreben stehit.
(1.) Czum ersten, daz in der vorgenanten unsir stad zu den Giessen ein gancz follenkommen rait furbassir sin und blieben sal, als daz von alder gewest, gehalten und herkommen ist, und der rait sal es auch damitde furbassir also halten. Und die viere, die die gemeinde bii den rait gegeben und gesaczt hait, daz sal furbassir me abe sin, die wir auch also abetun in und mit craft diess briefs. (2.) Auch sal der rait in der vorgenanten unsir stad zu den Giessen alle ire bete, geschosz, sture und hulfe, als digke des nod ist, seczen uff ire eyde, als gliech und redelich ist deme armen als dem riechen. (3.) Waz auch guts und erbis zu den Giessen bii unsirs vatirs, lantgrafen Hermans seligen, gecziiten usgegeben und mit den zcinsen gemynnert sin, und waz sache der egenante unsir vater seliger zcuschen unsern burgern daselbs zu den Giessen gescheiden und gerichtit hait, dabii sal es blieben, doch uszgenommen soliche briefe, die den rait und gancze gemeinde vorgerurt antreffen, die unsir herre vater seliger besundern zcuschen in gegeben had und die saczunge von den vieren usz der gemeinde antreffen, die man uns widdergeben sal ane widderrede. (4.) Auch woln wir, daz der rait zu den Giessen vorgenant keine schult furbassir uff sich und die egenante unsir stad machen, virbriefen, virkouffen adir virseczen soln zu liben adir anders hinder uns bii iren eiden. Die sie uns getan han. Ane unsern wissen und fulburt. (5.) Es sal auch der egenante rait allecziit, wann sie rechen woln zu meyge und zu herbiste, uns daz lassen wissen in iren biefen; dabii woln wir, als digke des nod ist, einen adir zcwene usz unserm rate senden, die dabii sin soln, und wen dieselben usz der gemeinde dazu nehmen, die sie duncket dazu gud sin, vor den soln sie rechen, daz ydermann gliech gesche, und daz tun in allen sachen, die die stad von rechnunge wegen antreffen. (6.) Auch soln scheffen und rait, die an gerichte plegen zu siczende, orteil sprechen und an gerichte gehin deme armen als deme riechen und daz nymande virhalten, ane alle geverde. (7.) Der vorgenante rait, gemeine burgere und stad soln auch, abe wir lantgrave Ludewig und unsir erben sture und hulffe bedurften, uns zulegen nach irer virmuge, als getruwe burgere irem rechten herren plichtig sin, auch ane geverde. (8.) Es sal auch vorgenante unsir stadt bii deme ungelde und winczappen blieben, ire schult zu beczalende vorgenant woln, daz hiemitde der egenante rait und gemeinde derselben stat umb alle zcweyunge, missehelle und spenne abe der, waz umb diesir vorgeschriebenen sache willen zcuschen in gewest weren, genczlich und gruntlich gerichtet und gancz abe sin und diese vorgeschriebene artikele furbassir von in stede und feste gehalten werden bii iren eiden, die sie uns getan han. Hiebii ubir und an sin gewest die edeln Johan grafe zu Solms und Heinrich herre von Schonenberg; herre Dieterich von Winterszhusen, kummerthur (!) des Duczschenhuszs bii Marcpurg, herre Gerlach und herre Johann von Breidenbach gebrudere, her Herman Trotte, her Dietrich Rode, her Wigand von Haczfelt, her Reinhard von Swalbach, rittere, Tiele von Elben, Hartmud und Philipps Milchelinge gebrudere, wulf von Wulffirszhusen, Eghard von Rornfurd, Hans von Eysenbach, Ebirhard Schencke der junge, Godefrid von Haczfelt genant der Ruwe, unsir lieben heimlichen amptlute und getruwen, und anders vil erbarer lute, unsir manne und burgman. Diess zu urkund han wir unsir ingesigil an diesen brief tun hencken. Datum sabato post beatorum Viti et Modesti martirum, sub anno domini millesimo quadrigentesimo quartodecimo.

Sprache des Originaltextes

deutsch

Nachweise

Weitere Personen

Hessen, Landgrafen, Ludwig I. · Braunschweig-Lüneburg, Herzöge, Heinrich der Milde · Hessen, Landgrafen, Hermann II. · Solms-Burgsolms, Grafen, Johann IV. · Schöneberg, Heinrich [II.] von · Weitershausen, Dietrich von · Breidenbach, Gerlach [I.] von · Breidenbach, Johann [II.] von · Trott, Hermann [II.] · Hatzfeld, Wiegand [I.] von · Schwalbach, Reinhard [II.] von · Rode, Dietrich · Elben, Thiele d.Ä. von · Milchling, Hartmut · Milchling, Philipp · Wulffirszhusen, Wulf von · Röhrenfurth, Eckhard [II.] von · Eisenbach, Johann III. von · Schenk zu Schweinsberg, Eberhard [IV.] · Hatzfeld, Gottfried [IV.] von

Weitere Orte

Gießen, Rat · Gießen, Bürger · Spieß · Marburg, Deutscher Orden

Sachbegriffe

Räte · Bürger, gemeine · Gewohnheiten, alte · Freiheiten, Bestätigen von · Schwäger · Vormünder · Vierer · Bede · Geschosse · Steuern · Abgaben · Güter · Erbe · Zinsen · Gemeindesatzungen · Schulden · Rechnungslegungen, städtische · Schöffen · Gerichte, Zusammensetzung von · Streitigkeiten · Burgmannen · Zeugenlisten · Ritter · Deutscher Orden

Textgrundlage

Stückangaben, Regest

Ebel, Archiv Gießen

Original

Ebel, Archiv Gießen

Zitierweise

Landgrafen-Regesten online Nr. 8732 <https://www.lagis-hessen.de/de/subjects/idrec/sn/lgr/id/8732> (Stand: 18.04.2024)