Verleihung des Brot- und Bierbanns an die Bürger zu Lichtenau

Regest-Nr. 8725

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Stadtarchiv Hessisch-Lichtenau. Pergament. Bruchstücke des Reitersiegels des Landgrafen.
Drucke:	Siegel, Lichtenau, S. 325 f., Nr. 14.

Regest

Hessisch Lichtenau. - Landgraf Heinrich II. und sein Sohn Otto verleihen den Bürgern Lichtenau den Brot- und Bierbann in den Gerichten zu Reichenbach und Lichtenau, bestimmen auch die stadt zum alleinigen Sitz der Handwerker in beiden Gerichten.

Originaltext

Wir Heinrich von gots gnadin lantgrebe tzu Hessin und wir Otte sin sun bekenin mit unsin erbin offinberliche an disem briefe und tun kunt allin ludin die yn sehin adir horin lesin, daz wir unsin liebin getruwin den burgern von der Lychtinowe ume die fruntschaft die sie uns tun tzu der losunge unses amptis tzu Gudinsberg dise genade wider getain habin und tun sie yn und erin nachkumende her nach mit disem brife, daz in den gerichtin tzu Richinbach und tzu der Lychtenawe nyman veyle backin addir bruwin sal, noch nyman kein fremede bir da schenkin sal, dan bir daz in der stad tzu der Lichtinawe gebruwin ist, daz mag man in den gerichtin wol schenkin und verkeufin. Ez in sal ouch kein hantwerkis man in denselbin gerichtin sitzin, dan ein smyd mag wol sitzin in dem dorfe tzu Richinbach. Wer ouch, daz der voyth von Richinbach und die burger von der Lichtenawe mit einandir tzu rade wurdin, daz ein schroter und ein schuchwarte in demselbin dorfe tzu Rychinbach sitzin soldin, so mochtin sie daz tun, werdin sie abir des nicht tzu rade, so sal ouch des nicht sin. Wer ouch, daz ez yman her ubir tede und dit unse gebod verbreche, der sal dru phunt pheninge Heschn were tzu buze gebin, dy da halb dem voythe und halb unsen burgern von der Lichtenawe gevallin sollin und darume sollin die selbin unse burger phendin wie dicke und an wilcher stad sie verbrochin wirt. Und dijs tzu Urkunde allir disir vorgeschribenin rede und daz dise genade ewecliche sten und werin sol so gebin wir lantgrebe Heinrich vorgenant den vorgeschribenin unsin burgern disin brief mit unsem insigel des wir Otte sin sun mit yme gebruchin vestlichin besigelt nach gots geburt drutze hundert jar dar nach in dem tzwei und vuftzegistin jare des nehistin fritages nach dem suntage Invocavit.

Nachweise

Weitere Personen

Hessen, Landgrafen, Heinrich II. · Hessen, Landgrafen, Otto der Schütz

Weitere Orte

Lichtenau, Bürger · Gudensberg, Amt, Lösung · Reichenbach, Gericht · Lichtenau, Gericht · Reichenbach, Dorf · Reichenbach, Vögte · Hessen, Währung

Sachbegriffe

Bürger · Städte · Ämter · Gerichte · Backen · Brauen · Backrechte · Braurechte · Bierausschank · Handwerker · Schmiede · Dörfer · Dorfhandwerk · Vögte · Schröder · Schuhmacher · Schuster · Währungen, Hessische · Landgrafenitinerar

Textgrundlage

Zitierweise

Landgrafen-Regesten online Nr. 8725 <https://www.lagis-hessen.de/de/subjects/idrec/sn/lgr/id/8725> (Stand: 20.04.2024)