Landesgeschichtliches Informationssystem Hessen

Regesten der Landgrafen von Hessen

1332 Oktober 5

Friedensschluß zwischen den von Salbach und Wetzlar

Regest-Nr. 7080

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Stadtarchiv Wetzlar. Pergament. Ursprünglich hingen sechzehn Siegel, erst die der fünf Aussteller in angegebener Reihenfolge, dann ebenso die der fünf anderen Ritter und Knappen, zuletzt die der Fürsten in obiger Reihenfolge. Jetzt fehlt das fünfte Siegel (Volprecht von Selbach); das neunte (Johann von Selbach) und zwölfte (Johann von Sayn) sind beschädigt; das letzte (Bernhrad von Solms) ist zerbrochen. Die sieben ersten erhaltenen Siegel zeigen deutlich das gleiche Wappen, doch weichen die Siegel Wilhelms von Selbach und Friedrich von der Hube doch etwas voneinander ab, auch unter sich.
Regesten: Urkundenbuch der Stadt Wetzlar 1, S. 490 Nr. 1204.
Regest
Ritter Dietrich von Salbach und andre von Salbach schließen für sich und ihre Verbündeten Frieden mit der Stadt Wetzlar, Graf Philipp von Solms, Ritter Konrad gen. Setzepfand und deren Verbündeten.
Originaltext
Wir Thederich von Selbach, ritter, unde Thederich Wolf und Cůne, mine sůne, wepelinge, unde her her Wylhelm von Selbach, ritter, unse vedere, unde Volpracht von Selbach wepelinc, du kunt allen, dy geynwordlich ader zůkunftdich syn, dy dusin breib sehin ader horin lesin, daz wir mit den wysen luden, den ... Schefnen und deme ... Rade unde mit der stat gemenliche von Wetslar unde mit namen mit den edelin manne grebin Phylips von Solmeze unde mit dem strengen ritter her Conrat genant zecepant, unde mit allin den, dy des dages uf deme velde warin, dů Thederich Wolf, mit sůn unde unse mach, wart gevangen, han unde gebin eyne gance, stede, veste sůne vor uns unde vor alle unse vrůnt, dy in deme cryge bevangen warin, den wir hattin gein der stat von Wetslar und mit namen vor alle Schonhelse unde vor Gerharten von Widerbach unde vor alle, dy mit uns uf dem velde warin, dů Wolf wart gevangen, daz wir in truwen gelobet han unde zů den heylgen gesworn, dy sůne stede unde veste zů haldene ane allerleyge argelist. Ouch bekennen wir uns dy vorgescrebin fůnfe uffenberliche in disme briebe, daz wir burger sin wordin der stat von Wetslar unde mit uns her Frederich von der Hube, ritter, Henrich Colbe von Willingesdorf, min eydin, unde unser swager, Wylhelm von Amelungsdorf, Johan von Selbach, Johan von Sasenrade, wepelinge. Wir dy vorgenanten funfe mit namen Frederich unde dy andren, dy darnoch gescrebin sten, bekennen uns, daz wir burger sin wordin der stat mit her Thederiche unde mit den andren, dy da vorgenant unde gescrebin sten, daz wir cehene getruweliche, fruntliche unde vestliche unse burgerschaft sůllin haldin also lange, als wir gelebin, unde ny^ete zů begebene, alz wir in truwen han gelobet unde zů den heylgen han gesworn, unde daz wir der stede bestes sullin werbin, erin schaden sůllin warnen unde sůllin der stat sin holt unde getruwe. Vorbaz me verjehin unde bekennen ich mich , her Thederich unde mine sůne unde dy andren mit uns burger wordin sin der stat von Wetslar, daz wir cehene sollin dinen der stat mit cehin ritterin und knechten mit helmen erberer lůde veir jar, y^e in deme jare eynen mant, uf der stede cost unde uf unse verlust unde uf unser schadin; dy veir jar geyngen ane uf sente Michelis dach, der nů waz (1332 September 19). Unde wanne wir, ader ander cehene mit helmen erberer ude, dy wir der stat senten, abe sy uns umme dinst meneten ader zůsprechin, so sollin sy uns achte dage vore zůsprechin unde lan wißen, want zů wilcher zit wir ader dy wir in zů dinste senten, in die stat quemen, so solde der mant unsis dinstes gan ane. Unde were ouch daz sache, daz wir mit der stat uf daz velt quemen unde ys sich zů stride, unde zu stendin dingen gezoge, unde got der stat unde uns gehůlfe, daz wir der vigende mechtich wůrden und nůtz von in nehmen, waz daz were, dez solde man uns gebin unse deil ader den cehenin, dy wir der stat senten noch marzal, alz wir adir dy wir in senten, lude hettin; verlore aber dy stat daz velt unde wir mit in ader dy wir in sendin unde wůrde wir gevangen ader dy wir der stat sendin, so sollin sy mit sůne uns helfen, ader den, dy wir in sendin, abe sy mogen ane geverde; mogen sy yz aber ny^et gedůn unde werde wir geschast, der schade sal uns geschehin ader den, dy wir yn sendin , unde ny^et der stat. Ouch bekennen wir uns vestliche in disme briebe, daz dy burger von Wetslar, sy syn riche ader arm, wo sy cummen in unse gerichte, unde sy gedrungen wůrden von erin vigendin, daz wir sy beschirmen sullin zů allin erin bestin, wo wir mogen unde us unsen vestin sich behelfin sůllin, zů wylcher zyt yz in nǒt důt ader nǒt geschehe. Unde wir grebe Johan von Seyne unde grebe Syfrid von Widechinsten bekennen uns ouch in disme briebe, daz wir umme dy gunst unde umme dy gnade, dy dy stat von Wetslar geyn Thederich Wolf, unsen knecht durch unser bede hat gedan, ere burger sollin bescirmen unde befredin unde behudin, alz wir in truwen han gelobet, wo sy cummen in unse lant ader uf den strazen, dy durch unse lant gan, unde wo wir ummer mogen. In wilcher dinge gezuchnisse unde zů eyner merin vestekeit gebin wir cehene dusin brieb der vorgenanten stat mit unsin ingesegelin unde mit der herrin ingesegele, dy her nach gescrebin sten, zů dem ersten des edelin fursten ingesegele, lantgrebin Henriches, dez landes zů Hessin herre, grebin Johannes von Seyne, grebin Ottin von Nassauwe, grebe Syfridis von Widechinsten, grebin Johannis von Solmeze, grebin Bernhartis von Solmeze, dy durch unser bede willen mit uns han dusen brieb besigelt. Unde wir lantgrebe Henrich von Hessin, grebe Johan von Seyne, grebe Otte von Nassouwe, grebe Syfrid von Widechinsten, grebe Johan von Solmeze und grebe Bernhart von Solmeze bekennen uns, daz durch bede willen hern Thederiches unde siner sone unde der andren han dusen brieb mit unsen ingesegelen besigelt, unde wollin wir dy vorgescriben herrin der stat gesegelen besigelt, unde wollin wir dy vorgescriben herrin der stat von Wetslar, daz sy genedechg geyn unsen knecht hand gedan unde unse bede erhort han, also lange alz wir gelebin, gerne wollin dancken. Durre brieb wart gegebin, du ô man screib zů latine anno domini 1332, feria secunda post festum Michaelis.

Sprache des Originaltextes

deutsch

Nachweise

Weitere Personen

Seelbach, Thederich von, Ritter · Wolf, Thederich · Seelbach, Kuno von, Sohn des Thederich · Seelbach, Wilhelm von, Ritter · Seelbach, Volprecht [I.] von · Solms-Königsberg, Grafen, Philipp · Zecepant, Konrad, Ritter · Widerbach, Gerhard von · Hessen, Landgrafen, Heinrich II. · Hube, Friedrich von der, Ritter · Colbe, Heinrich, aus Willingsdorf · Amelungesdorf, Wilhelm · Sasenrade, Johann von · Widechinstein, Siegfried von · Sayn, Grafen, Johann II. · Nassau-Dillenburg, Grafen, Otto II. · Solms-Braunfels, Grafen, Bernhard I.

Weitere Orte

Wetzlar

Sachbegriffe

Brüder · Vettern · Söhne · Schwäger · Bürger, Aufnahme als · Gefangene · Lösegeldzahlungen · Schadensersatzleistungen · Ritter · Behelmte · Wehrpflicht · Bürgerpflichten · Grafen · Verwandte · Fehden · Feinde · Kriege

Textgrundlage

Stückangaben, Regest

UB Wetzlar 1

Original

UB Wetzlar 1

Zitierweise
Landgrafen-Regesten online Nr. 7080 <https://www.lagis-hessen.de/de/subjects/idrec/sn/lgr/id/7080> (Stand: 28.03.2024)