Landesgeschichtliches Informationssystem Hessen

Regesten der Landgrafen von Hessen

1390 Juni 8

Heiratsversprechen für den Sohn Herzog Ottos des Quaden

Regest-Nr. 5812

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Gegenurkunde: Ausfertigung: Staatsarchiv Marburg, Verträge mit Braunschweig. Pergament, der untere Rand der Urkunde mit den Siegeln ist abgeschnitten.
Abschriften: Hauptstaatsarchiv Hannover, Copiar III, 5, fol. 67. (15. Jahrhundert).
Drucke: Urkundenbuch der Herzöge von Braunschweig 7, S. 19.
Regesten: Uslar-Gleichen, Familiengeschichte S. 420, Nr. 361; Urkunden der Markgrafen von Meissen Abt. B 1, S. 263 Nr. 340; Urkundenbuch der Herzöge von Braunschweig 7, S. 19 Nr. 16.
Literatur: Friedensburg, Hermann II., S. 222 f.; Küch, Hermann II, S. 63.
Regest
Landgraf Hermann [II.] von Hessen verspricht dem Herzog Otto dem Quaden von Braunschweig, seine Tochter Agnes mit dem ältesten Sohne des Letzteren, Otto (cocles), innerhalb der nächsten 6 Jahre zu vermählen, und gestattet ausser anderen, in der Urkunde näher angegebenen Bedingungen, dem Herzoge, sein Schloss Ziegenberg nebst Zubehör von den von Kolmatsch und von Usler einzulösen, vorbehältlich des Rechtes der Einlösung.
Originaltext
Wir Hermanne vonne gotes gnaden Lantgrabe czu hessin Bekennen vor uns unde unser Erben unde Nachkomen offinlichen an dieseme briefe Dasz wir uns dorch nocz unde beschurunge unser lande unde lude unde Nach rade unser hemelichen rede ubirkomen sin, und vore eyned haben mid deme hochgeboren forsten hern Otten hirczougen czu Bruns unserme lieben Omen unde synen Erben, dasz wir die hochgeboren Elsebecht unser Eldisten elichen tochtir bynnen dussen Neysten sehes Jaren die uff datum diesses briefes anghen sollen, unde neyst nacheynander folgende sin, gebin soln unde woln deme hochgeborn Otten hirczougen czu Bruns des vorgenanten unsers Ohemen Eldesten Elichin sone, Also dasz die vorgenante unser beyder kindere bijslofen soln bynnen den vorgenanten sechs Jaren, Unde soln wir der vorgenanten unser Tochter zu Brudschacze midde geben Czwelff thusind gulden gud vonne gulde unde Swere gnug vonne gewichte, unde deme vorgenanten unserme Ohemen unde synen erben die wol beczalen dasz en gnugit ane geverde bynnen eynem Jahre allir neyst dare nach also die vorgenante unser Tochtir bij gelouffen had Darvore soln wir en unser borgman unde Borgere der Stad czu aldendorff vonne Stund laszen huldigen unde Sweren, Also werez dasz wir en die vorgenanten Czwelff Tusend gulden nicht beczalten, adir die vorgenante unser Tochtir nicht lieszen biesloffen also vorgeschrieben sted, Wilche wijs dasz zuqueme adir voresumid worde vonne unser wegin uszgenomen ob die vorgenante unser Tochtir bynnen der vorgenantin czid vonne tode abeginge So seczen wir en da vore unser Stad Aldendorff vorgenant mid aller slchte nocze unde zubehorunge, die en mid der vorgenanten holdigunge behafft sin soln. unde den vorgenanten unsern Ohemen herczougen Otten unde sine Erben dan vonne stund czu aldendorff usz unde ynlaszen, Unde soln sich alles unsers rechten der vorgenanten Stad. mid alle eren czubehorungen besucht unde unbesucht, wij men dasz genennen mag gebruchen unde die ynne haben also lange bijs dasz wir adir unser Erben die vorgenanten CzwelffTusend gulden beczalen. Dar vore uns unde unsern Erben der vorgenante unser ome unde sine Erben Aldendorff mid syner zubehorunge czu losen geben soln wanne unde wilchczid uns des gelusted Also dasz wir en die losunge Eyn vyrteyl Jares vore laszen kuntliche wiszen Wanne daz vorgangen yst unde sie beczalid sin, der vorgenanten summe So soln sie uns dasz vorgenante unser Sloysz Aldendorff mid syner behorunge ledig unde loys widder antworten, unde wanne die losunge so geschicht, So soln Manne Burgmanne unde Burgere Eyde geloben unde holdigunge loysz sin die sie daruber getan hetten, were ouch dasz deme vorgenanten unserme Ohemen adir sinen Erben Aldendorff wurde vore die vorgenante Sume geldes So solde isz doch unser Erben offen sin, und blyben czu allen unsern Noden uff allirmenchen ane uff den vorgenanten unsern Ohemen sine Erben Ere lande unde lude unde die en vonne rechte czu vore anttworten geboren, Unde wanne wir adir unsere anptlude adir die unsern vonne unser wegen daryn yschen adir daryn legen wulden So solden wir deme Egenanten unserme ohemen adir sinen Erben bestellen dasz he sine Erben die Eren Burgmanne unde borgere darynnen schadens unde ungefuges vorwarit worden Ouch sal danne der Egenante unser Oheme adir sine Erben die vorgenante stad aldendorff Manne Burgmanne unde burgere mid erer czubehorunge bij rechte laszen unde behalden Also wir die gehad unde herbracht han, Ouch sal unde mag der vorgenante unser ome hirczouge Otte unser Sloesz Czegenberge mid siner czubehorunge losen vonne den vonne Colmacz unde vonne usler unde he unde syne Erben dasz ynne haben unde sich dez gebruchen unde uns unde unsern Erben czu losen geben, und Ez da midde halden unde tun soln yn alle der masze also die briefe uszwisen die wir unde die vorgenanten vonne Colmacz unde vonne usler wir en unde sie uns darubir geben han Were ouch dasz wy abegingen vonne todes wegen unde keyne Eliche sone lieszen So solde unser Tochter Elsebeht Egenant mid anders unsern Elichen Tochtern die werntlich bleben zu glicher teylunge gehen ane deme lande czu hessin ane alle geverde Ouch had der vorgenante unser Ome hirczouge Otte zu eyner liepczocht gemacht unde gegeben, der Egenanten Elsebeht unser Tochter sin Sloysz usler hus unde Stad mid aller siner czubehorunge dareczu uns Burgmanne unde burgere zu usler vonne stund huldigen globen und Sweren soln czu unser Tochter hand Unde ouch ob der vorgenante unser Ome den Egenanten synen sone nicht liesze bieSloffen bynnen dussen vorgenanten sehes Jaren also vorgeschrebin sted, wilche wijs dasz czu queme adir vore sumid wurde vonne dez Egenanten unsers ohemen wegin, uzgenomen ob der Egenante sin sone bynnen der czid vonne tode abeginge So seczd he uns darvor syn Sloysz usler vorgenant mid aller slachte nocz unde zubehorunge die uns unde unsern Erben mid der vorgenanten holdigunge behafft sin solen, unde uns unde unsern Erben dan vonne stund zu uslar usz unde yn laszen unde soln uns Alle dez vorgenanten unsers ohemen rechtis der vorgenanten Sloyszes mid aller czugehorunge besucht unde unbesucht wij man daz genennen mag gebruchen unde die ynne haben, also lange bijs dasz der vorgenante unser ome unde sine Erben uns unde unsern Erben gegeben unde bezaln Czwelff Tusend gulden gud vonne guld unde Swere vonne gewichte, Da vor wir unde unser Erben deme vorgenanten unserme Ohemen unde sinen Erben usser mid siner czugehorunge zu losen geben soln wanne unde wilchczid sie des gelusted. Also dasz sie und die losunge ein vierteyl Jares vore laszen kuntlich wiszen Wanne dasz voregangen yst unde we bezald sin der vorgenanten summe, So solen wir en dasz vorgenante Sloysz usler mid siner czugehoringe ledig unde loys anttworten unde wanne die losunge so geschid So soln Manne Burgmanne unde burgere eyde globede unde holdigunge losz sin die sie darubir getan hetten Were ouch dasz uns adir unsern Erben usler wurde vore die vorgenante Sume geldes So solde esz doch des Egenanten unsers Ohemen unde siner Erben offen sin unde blieben czu alle eren noden uff allermenchen ane uff uns unser Erben lande unde lude unde die uns vonne rechte zu voreantwertten geborn. Adir wanne der vorgenante unser ome adir sine amptlude adir die sinen vonne siner wegen daryn yschen adir daryn legen wulden So solde he adir sine Erben uns adir unsern erben bestellen dasz wir unser Erben die unsen borgmanne unde borgeren darynne schaden unde gefuges beward wurden. Ouch soln danne wir adir unse erben dasz vorgenante sloz usler Manne Borgman unde Borgere mid erir czugehorunge bie rechte laszen, unde behalden, also der vorgenante unser ome die gehad unde herebracht hat, Ouch yst gereid dasz uns der vorgenante unser Ome hirczouge Otte getruwelichen sal Raden unde helffen wo he mid eren mag dasz uns die stede Rodenberg Milsungen unde Nydensteyn mid erin czugehorungen widder werden unde uns dasz ouch czu gude kerin sal ane geverde unde wanne he uns also gehilffed adir wis wir anders da czukomen, dasz wij die vorgenanten stede also yngewynnen unde der mechtig weren So soln wir eme unde sinen erben darvore geben unde beczalen vunff Dusend gulden gud vonne gulde unde Swere gnug vonne gewichte vore die vierdenteyle der Egenanten stede also der Egenande unser ome die yczund ynne had, Teden wir des nicht So soln wir deme Egenanten unserme ohemen unde sinen erben die vorgenanten vierdenteyle der vorgenanten stede davore ynnelaszen adir ander unser Slosze da vore seczen die en gelegen sin darane en gnuglich yst, also lange bijs wir adir unser erben die widder gelosen vore die vorgenante sume geldes dasz wir thun mogin wilch czid uns dez gelusted also daz wir en ein vierteyl Jares die losunge vore laszen kuntlich wiszen Dasz soln sie ouch vonne uns Nehmen unde uns dan die vorgenanten vierteyle adir wasz wie en anders davor gesast hetten, also voregeschrebin sted, ledig unde loys widder antworten Unde wan wir adir ymand uns czu gude der vorgenanten stede Mechtig werden ane die anderen, weris dan Rodenberg so solden wir davore geben drettehalp Tusend gulden, weris abir Milsungen anderhalb tusend gulden Geberte sich’s ouch dasz esz Nydensteyn were So solden wir da vore geben tusend gulden unde es mid ygklichme besundern halden unde tun nach anczal in alle der Masze also vonne den vorgenanten steden semplich geschrebin sted Unde wasz abir also Stende blebe adir voresast wurde daruber sulden wir uff beydesijten unde unser Amptlude under eyn andern burghude unde burgfrede thun, globin unde Sweren also gewonlich ist Ouch han wir gered wanne wir der vorgenanten stede Rodenberg Milsungen unde Nydensteyn er ein teyl mechtig werden, dasz wir danne die Burgmanne Burgere adir gebure ez sin Manne adir wyp nicht soln voredengken beschuldigen noch keynerley leyd adir schaden darumbe tun laszen heymelich adir offinbare, dasz sie sich ane den bischoff unde den sticht zu Mencze Ane den Margraven vonne Mieszen unde an unsern omen den hirczougen vorgenant gehalden unde geloszen han unde wasz sich sich seder der czid irlouffen hette unde sal daz allis an argelist gehalden werden Ouch also davore vonne den vonne Aldendorff sted geschrebin umbe er holdiunge die sie unserme omen deme hirczougen unde sinen Erben vorgenant vore Czwelff Tusend gulden tun soln, der Artykel yst also czu vorestende weris dasz wir deme vorgenanten unserme ohemen adir sinen erben die vorgenanten Czwelff Tusent gulden nicht beczalten dasz en gnugede bynnen eyme Jahre aller neyst darnach alse die vorgenante unse Tochtir bijgesloffen hette So sulden en die vonne aldendorff vorgenant mid der vorgenanten huldigunge vore czwelff Tusend gulden czu brudschacze behafft sin ane geverde, Weris abir dasz wir die vorgenante unser Tochtir nicht lieszen biesloffen also voregeschrebin sted wilche wir dasz zuqueme adir voresumid worde vonne unser wegen So solden en die vonne Aldendorff vorgenant mid der vorgenanten huldigunge vore czwelff Tusend gulden glichewol behafft sin Zu genomen ob die egenante unser Tochtir bynnen der vorgenanten czid vonne tode abeginge ane alle geverde, Unde sal ouch der vorgenante unser Oheme unde sine Erben uns unde unsen Erben aldendorff mid siner czugehorunge czu losen gebin yn alle der masze also dasz vore mid sunderlichen worten vonne losunge begriffen ist unde geschrebin sted Alle vorgeschreben stucke unde article semptlich unde ygklich besyndern sal der Egenante unser ome hirczouge Otte unde sine erben und unde unsern erben czu gude halden unde zu deme besten keren unde tun wo he dasz mid eren getun mag ane geverde Also wir hermanne von gotes gnaden lantgrave czu hessen vorgenant ouch alle vorgeschrebene Rede stucke unde article semptlich unde iglich besundern In truwen globet unde liplich mid uffgerichten fingern zu den heiligen gesworn han vore uns unde unser Erben stede veste unde unvorbrochnlich zu halden yn alle der masze also vorgeschrebin sted ane alle geverde unde ane argelist, dijs zu Orkunde han wir unser Ing wyszenlich ane dissin brieff laszen hengen, Der gegeben yst Nach godes gebord Dryczenhundert unde yn deme Nunczigesten Jahre uff dem Mittewochen Neyst nach sente Bonifacij tage des heiligin bischoffes
Datum Per Copiam.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II. · Braunschweig-Göttingen, Herzöge, Otto der Quade · Braunschweig-Göttingen, Herzöge, Otto der Einäugige · Braunschweig-Göttingen, Herzöge, Agnes, Frau Otto des Einäugigen, geb. Landgräfin von Hessen · Kolmatsch, von · Uslar, die von

Weitere Orte

Ziegenberg, Burg

Sachbegriffe

Eheversprechen · Burgen · Verpfändungen · Töchter · Eheabsprachen · Schlösser · Söhne · Pfänder, Auslösen von

Textgrundlage

Stückangaben, Regest

Familien-Geschichte Uslar-Gleichen

Original

Sudendorf, UB Herzöge von Braunschweig 7

Zitierweise
Landgrafen-Regesten online Nr. 5812 <https://www.lagis-hessen.de/de/subjects/idrec/sn/lgr/id/5812> (Stand: 29.03.2024)