Ruprecht von Nassau tritt in die Dienste des Landgrafen Hermann von Hessen

Regest-Nr. 1549

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften Nr. XIV, S. 121-123.

Regest

Ruprecht von Nassau tritt in die Dienste des Landgrafen Hermann von Hessen.

Originaltext

Wir Rupracht grave czu Nassaw bekennen uffenlich an diesen briefe allen den dy yn sehin, horen lesen adir lesen, daz wir oberkommen syn mit dem irluchten Fursten unserm lieben Jungher und Swager Jungherr Hermanne Lantgrave czu Hessen also dat wir yn dit nehste vierteyl jaris helffen sullen czu syme crige mit unsir selbis liebe mit unsen sloßen mit unserm lande und luden und sullen ym halden vierczig mit gleven guder lude und dar umbe sal er uns Annen unser elichen Frawen und unsen erben geben und gutlich beczalen uff disen nestin sente walpurge tag vierde halbtusent und driessig gulden gut von gulde und swere von gewichte Frankinfurter were vor den solt und dy kust dy wir geben und von syner wegin beczalin sullen den egenanntin vierczigen mit gleven, und weris sache daz wir adir unse dyne dy wir von unsers Jungherr und Swagirs wegin vorgenannt hilden schaden nehmen an gefengniße adir an perden, den schaden sulde er uns gutliche intlegin noch kuntlichir und mogelichir rechnunge, were auch daz wir frommen nehmen an gefangen waz wir dan von Reysenern fingen is weren Herren Hoibtlude adir andere Reysenerne der sulde unse Jungherre [Edition S. 121/122] und Swager und syne erben mechtig syn und sulde wir yn dy antwurten, fingen wir abir Burger adir Gebur dy sulde uns und unsern erben czu nucze sten und yn nicht, were auch daz wir und unse dyner dy wir von unsers Jungherr und Swagirs wegen hilden niderlegin und gefangen wurden daz Got spare hetten wir dan gefangene von Reysenern dy er weren und wulden gebin eynen geyn dem andern ob sich daz also geborete des sulden sy uns gunnen, also daz wir ire frunde den sy das bevelhen dar by nehmen sulden und eyntrechtig mit den werden noch mogelichkeyt, was auch wir adir unse dyner vorgenant nehmen von vehe dingeczal adir geburen, das sulde uns czu nucze sten, is in were dan daz unser Jungherre und Swager vorgenant adir syne frund mit uns uff dem felde weren, so sulden wir nehmen noch marczal der lude, auch ist geredt ob wir byn dirre czyad eyn sloß vorloren adir me so sulde sich unse Jungherre und Swager vorgnant nich sunen adir friden wir in hetten unse sloß wider adir tedins mit unsen willen, gewinen wir aber sloß by sullen wir yn antwurten, vord me ist geredit alz manchen Ritter alz wir undir unsern dynern in unsers Jungherrn und Swagirs dinste han alz menchir lodige marg sal er uns me geben pobin dy vorgschriben summe geldis, me ist geredt ob unse Jungherre und Swager vorgenant ab ginge von todes wegen, e dieser vorgeschriben geldczyt, daz Got spare, so sulde der hochgeborne Fürste unse Herre Her henrich Lantgrave czu Hessen unsers vorgenanten Jungherrn und Swagirs Veter uns und unsern erben virbunden syn mit der vorgeschriben summe geldes und mit allen artikeln vorgeschriben glicher wyß alz unser Jungherre und Swager vorgnant, were auch daz unsers Jungherr und Swagirs crieg vorgnant nicht gesunet wurden bin der vorgeschriben czyd und bliben wir in synir hulffe und virloren eyn sloß adir me alz vorgeschriben sted, dy wiele wir in synir hulffe weren, so in sulde er sich nicht friden adir sunen wir in hetten dan unse sloß wider adir tede is mit unsen willen. Auch ist geredit geben he adir syne erben uns adir unsen erben nicht [122/123] dy vorgeschriben summe geldes uff dy egenante czyt, so moge wir sy dar vor penden und mit den panden gebaren alz pandes recht und gewanheyt ist, zu gescheyden iren lyb ire sloße ire manne und burgmannen dar an wir sy nicht schedigen sullen, das wir alle diese vorgeschriben stucke und artykele stede und veste halden an alle argelist und geverde. Des han wir czu urkunde unser ingesigel an disen brieff lazen henckin der gegeben ist nach Christi geburte driezenhondirt iar in dem czwey und sibinzigestin iare an sent Symon und Juden Abinde der heylgin appostlen.

Nachweise

Aussteller

Nassau-Sonnenberg, Grafen, Ruprecht VII.

Empfänger

Hessen, Landgrafen, Hermann II.

Siegler

Nassau-Sonnenberg, Grafen, Ruprecht VII.

Weitere Personen

Katzenelnbogen, Grafen, Anna, Frau Diethers VIII., verw. Gräfin von Nassau-Sonnenberg, geb. Gräfin von Nassau-Hadamar · Hessen, Landgrafen, Heinrich II.

Weitere Orte

Nassau · Frankfurt a.M. (Stadt Frankfurt a.M.), Gewicht

Sachbegriffe

Dienste, Eintritt in · Schwäger · Schlösser · Burgen · Erben · Ehefrauen · Goldgulden · Währungen, Goldgulden · Maße, Frankfurter · Gefängnisse · Gefangene · Lösegelder, Teilen von · Pferdeschäden · Schadensersatzleistungen · Hilfe, militärische · Rechnungslegungen · Reisige · Hauptleute · Ritter · Kriege, Sühnen von · Pfandschaften · Burgmannen

Textgrundlage

Stückangaben, Regest

OV

Original

Landau, Rittergesellschaften

Zitierweise

Landgrafen-Regesten online Nr. 1549 <https://www.lagis-hessen.de/de/subjects/idrec/sn/lgr/id/1549> (Stand: 16.04.2024)