Bündnis mit Herzog Otto von Braunschweig

Regest-Nr. 1358

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Urk., daran noch die beiden wohlerhaltenen Siegel (Landau).
Drucke:	Landau, Ritter-Gesellschaften Nr. II, S. 101-103.

Regest

Landgraf Heinrich II. schließt mit Herzog Otto von Braunschweig ein Bündnis.

Originaltext

Wir Heinrich von gots gnadin Lantgrauen tzu Hessen, unde wir Otte von der selbin gnade Hertzoge tzu Brzunswyg Bekennen uffinliche in diesem briue, daz wir miteynandir ubirkumen syn unde unsir .. frunde tzusschin uns beidersyt, geredt unde begriffin habin, dorch frides, nutzis und gudir dinge willin, unsir beider lande, lude unde .. undirtanen, Also daz wir uffe beide syten unser frunde drye gekorin habin, mit namen wir Heinrich, Arnolden von Berleibischen unde wir Otte, Erenfriden v. Bouenten tzu Radluden, unde wir beide Stefenee von Scharfenberg ritter, tzu eyme obirmanne in sulchir masze, weriz daz dheynirleye ufleufte, tweyunge odir gebrechin, tzuschin uns, unsirn .. Amptluden .. borgmanen .. mannen .. borgirn odir andeirs unsern .. undortanen entstunden, daz nicht geschee, von wilchin sachin odir wilchirleye die werin, da soldin wir, noch die .. unsorn uf beide syden, nicht tzu tun, dan unsir eyns .. Amptman, wen duchte daz iz eme nod wer, solde dez andirn .. Amptman mit deme dor ume geborite tzu redene, daz vorstehn lazzin unde eme tage dar ume ane heischin tzu bescheidene, die tage solde der .. Amptman der dor ume gemant worde deme andern bescheidin und die leistin binnen den nehstin firtzen tagin dor noch alse her dor ume gemant wer, uf die tage solden ouch die egen. tzwene .. Radlude dir wir beidersyt dor ubir gekorin habin kumen, und ouch der .. obirman ob dez nod were, alse man sie dor tzu vorbodte, unde solden da uf deme selbin tage sulche stucke unde gebrechlichkeit, dor ume die tage, dare bescheidin wordin, undfortzogliche richtin unde scheidin, mit fruntschaf ador mit rechte, unde soldin die selbin drye fruntschaf unde rechtis uffe beide syden volligliche mechtig syn, dez selbin solden die tzwene .. Radlude ab man dez .. obiormans dor tzu nicht endorfte, ouch mechtig syn, Weriz ouch daz der .. Radlude eyner odir sie beide abe gingin von todis wegin, odir vir suchede odir andir eehaftir nod wegin, wilchirley dir were, dor tzu nicht kumen muchtin, so sulde unsir iglichir weme eyn .. Rat man also abe ginge eynen andirn an dez odir der stat schicken, Ginge oich der .. Obirman abe, so soldin wir beide eynen andirn .. Obirman an syne stat kisen unde setzin unde soldin daz tun wane alse dicke alse dez nod geschee die selbin .. Radlude unde .. Obirman, die wir dan alse sestin, die soldin die selbin macht habin uns tzuscheidene alse die andin vor gehat hettin in alle der masze alse vor geschribin stet, ane geferde. Ouch en sal unsir keyn dez andirn .. vyenden in syne slozze, noch keyner unsir amptlude in syne .. Herrin slozze, geleide gebin izr enwer dan, daz sie mit unsir eyme dor in riden, unsir eyn sal ouch detz andern .. lande .. lude unde undertanen schutzen, schuren unde schermen, ane geferde. Dez tzu orkunde haben wir unsir iglich syn ingesigel hir ane lazzin henken. Disir brif ist gegebin unde geteidingt tzu Cassele noch xpi geburd dritzenhundirt Jar dornoch in deme sibbinundesestzigisten Jahre an dem nehstin dinstage, noch unsir frowin tage Assumpcien.

Sprache des Originaltextes

deutsch

Nachweise

Weitere Personen

Hessen, Landgrafen, Heinrich II. · Braunschweig-Göttingen, Herzöge, Otto der Quade · Berlepsch, Arnold von · Boventen, Erenfried von · Scharfenberg, Stefan von, Ritter

Weitere Orte

Kassel · Braunschweig, Herzöge

Sachbegriffe

Bündnisse · Ratleute · Schiedsleute · Ritter · Amtmänner · Burgmannen · Lehensmänner · Bürger · Untertanen · Schiedstage · Burgen · Geleit

Textgrundlage

Stückangaben, Regest

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 1358 <https://www.lagis-hessen.de/de/subjects/idrec/sn/lgr/id/1358> (Stand: 16.04.2024)