Bündnis zwischen Hessen, Meißen und Braunschweig gegen Otto von Braunschweig

Regest-Nr. 12005

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 149-151 Nr. 29.
Regesten:	Landau, Ritter-Gesellschaften, S. 149 Nr. 29.

Regest

Die Landgrafen Heinrich und Hermann von Hessen, die Markgrafen Friedrich, Balthasar und Wilhelm von Meissen und der Herzog Albrecht von Braunschweig verbinden sich gegen den Herzog Otto von Braunschweig.

Originaltext

Wir Heinrich von gocz gnaden Lantgrave zcu Hessen, wir Friedrich, Balthazar und Wilhelm Marcgrave zcu Miszen, wir Albrecht Herczoge zcu Brunswig unde wir Herman von den selbin gnaden Lantgrave zcu Hessen bekennen unde tun kunt allen luten die disen geinwertigen bryf sehen horen oder lesen, daz wir uns mit eynandir voreynt, vorbunden unde vorstricket haben uf Herczogen Otten von Brunswig unde uf alle die eine die iczunt in syner hulfe syn unde die hir noch in syme hulfe kommen mugen, also daz unsir eyner den andern getruwelichen beholfen syn sal unde die hulfe zcu dem besten keren unde tun sal, unde sullen unde wullen wir Herczoge Albrecht in unser Slozze wa uns daz beidirsyt aller nuczlichs ist unde ouch eben komet zcu eyme tegelichen rytenden kryge sechczig mit glevenyen guter lute legin, do sullen und wullen wir Lantgraven Heinrich, Friderich, Balthazar und Wilhelm Marcgraven zcu Miszen unde Lantgrave Herman dryzzig mit glevenien guter lute by legin, was die von den vienden vordingen, das gedingczis sal uns Albrecht zcwey teil unde uns Heinrich, Friderich, Balthazar, Wilhelm unde Hermanne vorgenant eyn dritte teil gevallen, weriz ouch daz uns god glucke gebe, daz wir fromen nennen uf deme veilde odir daz unser eyner den andern eyne volge tete unde ab wir slozze mit eynander gewunnen, den fromen den wir also nehmen oder die slozze die wir also gewunnen, die sullen unde wullen wir teilen noch manczal der gewopinter reysiger lute, die unser iglicher denne uf dem veilde do hat, uzgenommen die Hindenborg, die sullen wir Herczoge Albrecht alleyne behalden ob wir die gewunnen, wan sie vor unser gewest ist und von uns zcu lehene gehet, ouch en sal sich unser dheyner der herren ane die anderen herren mit herczogen Otten odir mit synenen helfern die des kryges zcu schickene haben odir noch gewynnen nicht friden noch sunen, er entune ez danne mit der andern wiszen unde willen, waz auch wir Friderich, Balthazar, Wilhelm, Albrecht unde Herman vor disir zcyt bryfe undereynander gegebin habin, dy sullen by allir irer macht blyben undem it disen bryfe nicht gekrenket noch vorbrochen werden. Ouch ensullen noch enwollen wir Herczoge Albrecht unsir egenanten brudir ohem den Marcgrafen uf Byschofe Adolve von Spire nicht behulfin noch verbunden syn ez geluste uns deme, des zu urkunde und merer sicherheyt haben wir vorgenante Herren unser iglicher syn ingesigel an disen bryf lazzen hengen der gegeben ist zcu Cassele noch Cristi geburt dryczenhundert iar darnoch in dem vir unde sybinczigisten iare an dem dinstage noch sente michelstage.

Sprache des Originaltextes

deutsch

Nachweise

Weitere Personen

Hessen, Landgrafen, Heinrich II. · Hessen, Landgrafen, Hermann II. · Braunschweig-Grubenhagen, Herzöge, Albrecht I. · Thüringen, Landgrafen, Balthasar · Meißen, Markgrafen, Friedrich III. der Strenge · Meißen, Markgrafen, Wilhelm I. der Einäugige · Braunschweig-Göttingen, Herzöge, Otto der Quade · Mainz, Erzbischöfe, Adolf I. von Nassau

Weitere Orte

Braunschweig, Herzöge · Meißen, Markgrafen · Hünenburg (Gem. Badenhausen), Burg · Speyer, Bischöfe

Sachbegriffe

Bündnisse · Hilfe, militärische · Söldner · Beute, Aufteilen der · Markgrafen · Herzöge · Bischöfe

Textgrundlage

Stückangaben, Regest

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 12005 <https://www.lagis-hessen.de/de/subjects/idrec/sn/lgr/id/12005> (Stand: 19.04.2024)