Bündnis zwischen Braunschweig und Hessen

Regest-Nr. 12004

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 147-149 Nr. 28.
Regesten:	Landau, Ritter-Gesellschaften, S. 147 Nr. 28.

Regest

Albrecht Herzog von Braunschweig verbündet sich mit dem Landgrafen Hermann von Hessen.

Wortlaut der Datierung

Gegeben nach xpi geburd dryzenhundert iar darnoch in deme virundsebintzigestin iare an dem mantage nest noch sente michaelis tage.

Originaltext

Wir Albrecht von Goz gnadin, Herzoge czu Brunswig, bekennen uffinliche an dysem brive, allen den dy en sehin horin adir lesin, daz wir uns geeynit und vorbunden habin, mit unserm libinoymen Lantgrafin Hermanne zu Hessin, dy wyle daz wir lebin, unde sullin und wollin eme getruwelich behulffin sin mit landin unde ludin, dy wir yzunt han unde noch gewinnen mugin, unde mit alle deme daz wir vormugin, unde en sal unsir keyn des ander fient werdin in keyne wys, unde sullin und wollin daz haldin in alle der masze, als hir noch geschrebin sted, verd mer sullin wir unsen vorgenanten Oymen behulfin sin, gein alle die lebin, uß genummen daz Ryche, dy Margreven von Myssin, Margreven Frederiche, Margreven Balthazar und Margreven Wilhelme, dy yzunt Margreven sint, Grebin Henrich von Waldeckin unde Grebin Ottin von Teckilnborg, mit deme undirscheyde, werz daz die Margreven von Myssin vorgenant uns hulffe zu heyschin uff unsern vorgenanten Oymen von Hessin, wan sy uns daz heyschin, den muchten wir helffin, dar midde sulde dirre bryff unvorbrochin sin, unde by alle siner macht blybin, werz ouch daz uns, unsere vorgenante Oyme hulffe, adir dinst zu heyssche, wan he daz an uns mudete, so suldin wir eme dornoch bin den nestin vir wochin, in ein sin sloß, wor he daz heyssche sendin unde legin zehin mit hunib, gudir lude, uff unsir eygin kost und schadin, und waz man da irworbe, daz sal man teylin, noch anzal der lude, und darzu sullin wir eme folgin mit landin und ludin, und mit alle deme daz wir virmugin, getruwelichin ane alle geverde, werz ouch daz wir hettin borgmanne adir mane undir uns sizende, uff sloszin dy er eygin werin, adir da sy er gelt ane hettin, in welchir maße daz were, dy unsirm Oymen fyent werdin, gein dy sullin und wollin wir unsrer Oymen mechtig sin zu rechte, werz nu daz sy uns des nicht gehorsam woldin sin so sullin wir und wollin unsirm Oymen vorgenant behulffin sin uff dy, in alle der maße, als hir vorgeschrebin sted, vord mer were unse vorgenante Oyme, unsern mannen adir dinern icht schuldig, da sy en ume phendin woldin, dy wyle sy da phentlich midde furen, so mochten wir unde suldene en gunnen, werz ouch daz in der phandunge wondin adir totslage gevylen daz sulde unsir ein dem andirn gutlich kerin unde ane geverde haldin, werz abir daz sy nicht phentlich dar midde furin, unde unsin vorgenanten Oymen anegriffin, mit brande adir mit roybe, daz suldin wir und woldin helffin werin ane argelis. Alle dyse vorgeschrebin stocke und artickele und yclichin besundern globin wir Albrecht Herzoge zu Brunswig deme vorgenanten Lantgr. Hermann unsern Oymen gudin truwin, stede und veste zu haldin ane geverde und argelist und habin des zu mehrer sicherheyt unde vestenunge, unsir ingesigel an dysin bryff lassin henckin. Gegeben nach xpi geburd dryzenhundert iar darnoch in deme virundsebintzigestin iare an dem mantage nest noch sente michaelis tage.

Sprache des Originaltextes

deutsch

Nachweise

Aussteller

Braunschweig-Grubenhagen, Herzöge, Albrecht I. · Hessen, Landgrafen, Hermann II.

Empfänger

Braunschweig-Grubenhagen, Herzöge, Albrecht I. · Hessen, Landgrafen, Hermann II.

Weitere Personen

Thüringen, Landgrafen, Balthasar · Meißen, Markgrafen, Friedrich III. der Strenge · Meißen, Markgrafen, Wilhelm I. der Einäugige · Waldeck, Grafen, Heinrich VI. · Tecklenburg, Grafen, Otto VI.

Weitere Orte

Braunschweig, Herzöge · Thüringen, Landgrafen · Meißen, Markgrafen · Waldeck, Grafen · Tecklenburg, Grafen

Sachbegriffe

Bündnisse · Bündnisse, Ausnahme von · Herzöge · Markgrafen · Grafen · Burgmannen · Diener · Hilfe, militärische

Textgrundlage

Stückangaben, Regest

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 12004 <https://www.lagis-hessen.de/de/subjects/idrec/sn/lgr/id/12004> (Stand: 18.04.2024)