Bündnis zwischen der Stadt Hersfeld und den Landgrafen von Thüringen

Regest-Nr. 12000

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 143-146 Nr. XXV.

Regest

Die Landgrafen von Thüringen und Markgrafen von Meißen schließen mit der Stadt Hersfeld ein Bündnis. [Die Landgrafen von Thüringen nehmen die Landgrafen von Hessen von ihrem Bündnis aus]

Wortlaut der Datierung

der gegebin ist noch goz geburt dryzenhundert iar dornoch in deme dry und sybinzigisten iare an sente symonis und iude tage der heiligen Zwelfboten

Originaltext

Wir Friderich, Balthazar und wilhelm von goz gnaden Lantgraven in Duringen und Marcgraven zu Mißen in deme Ostirlande und zcu Landisperg Graven zcu Orlamünde und Herren des Landes zcu Plizzen bekennen uffinlichen an diseme geinwertigen bryfe daz wir uns mit den wissen luten den Ratimeystern deme Rate und der Stad gemeynlichen zcu Hersfelde durch kriges und unfrides willen den wir, unsir land lute undirtanen und die vorgenanten Burgere und Stad zcu Hersfelde habin, verbunden vorstricket und voreynet die wile wir alle dry oder unsir eyner lebin und sint eyner were und eyner hülfe mit yn ubirkomen in alle der mazze als hernoch geschriben stehet, also daz wir yn unde sie uns wider mit der Stad Hersfelde getruwelichen helfin sullen uf alle unse viende ane geverde und ensullen wir uns noch sie sich mit unsen vienden nicht driden noch sunen unß eyne ane die andern und sullen die egenanten Stad Hersfelt uffin und uns und unsirn dienern und undirtanen doryn und doruz lazzen zcu allen unsen noten und geschefften unvorzoglichen wie dicke und wenne wir odir die unsen daz von yn heischen so mogen wir denne unsen Amptmann mit unsen Dinern sechzigen mit gleverien mynner odir mer do hene senden die sullen do zcu Hersfelde legen uff unse koste schaden und fromen und ensullen die selbin unse amptmann und dinern die wir also do hene gesant hetten mit der kost von dannen zcumale nicht en weg ryten der kryg sy danne von erst gefrid odir gesunet, derselbe unser Amptman sol ouch den egenanten burgern bestellen daz sie und die iren von yme und sinen gesellen die mit yme do legen unfuge vorhaben werden daz selbe sullen die vorbenanten burgern yme und unsirn dinern wider bestellen daz sie vor yn und den iren ouch unfuge vorhaben werden, weriz abir daz uzzwendig adir in der Stad Hersfelde zwischen unsirn undirtanen und dinern und den vorgenanten burgern odir iren undirtanen ufloufte geschen des Gott nicht wulle da ensal man von beiden syten verwert nicht zcutun danne daz beste die ufloufte zcuscheidene biz an die vire der wir zcwene und die vorgenanten burgere zcwene dar ubir kysen sullen, die vire sullen ganze macht habin die ufloufte die also geschen weren gutlichen zcurichten und zcuscheiden zcu stunt odir bynnen den nesten achtagen darnoch. Weriz ouch daz unsir amptman mit den egenanten burgern zcu Hersfelde odir mit irme houptmanne eyns rites ubirquemen daz sullen sie halden wie sie daz beidir sye mit eynandir geredten. Wer es ouch daz die egenanten Burgern und Stad zcu Hersfelde hirnoch wanne disir kryg gesunet wurde ymand reden wolden ez weren Herren Stede odir beslozte lute so solden wir ihres rechtes mechtig sin, wolde man denn nicht rrecht von ihn neme, wanne sie uns denne umb hülfe zcusprechen und manten, so sullen wir yn bynnen virzentagen noch der manunge eyn unsirn amptmann mit zcwenzigen mit glevenien mynner oder mer, wie das not were, senden, die sollen mit yn zcu Hersfelde legin und yn beholfin syn uf ire viende die wile ir kryg weret uf unsir kost schaden und fromen. Ouch ist mit namen gered, wes unse amptman mit den egenanten burgern odir irme houptmanne umb ryten odir eyne wer gein unse vienden ubirkomen noch deme als vorbeschriben sthet; daz sal die hulfe syn die uns die egenanten burgere zcu Hersfelde tun sullen; ouch ensullen wir noch die egnanten burgern hirnoch mit hern noch mit steten odirm it andirs ymande uns nicht vorbinden unsir eyn sulle danne die andern uznemen und unse iglich deme andern syne bryfe halden, die wir beidirsyt undereynander gegebin habin, ouch nehmen wir zu dieseme vorbuntnizze daz heilige Romesche Rich und die Krone zu Beheme, den erwerdigen in gotte Vatir unsirn Herren von Hersfelde, die hochgeborn fursten ern Heinrich und Herman Lantgraven zcu Hessen unsirn liebin swagir ohemen und brudere und die erbern Hern in deme Stifte zcu Hersfelde, den erwirdigen in gote Vatir und Hern unsirn bruder ern Ludewigen Bischofen zcu Bamberg, den edeln Friderichen Purcgraven zcu Nurenberg unsern liebin swagir und alle andern mit den wir vor diseme vorbuntnizze vorbunden sint widir die wir uns keyner hulfe vorbinden. Werez ouch daz unsir Here von Hersfelt odir die Herren in deme Stifte do selbins die egenanten burgere und stad hirumb beteidingen wolden, des wolde wir sie vorantworten. Ouch wullen wir die burgern und stad zcu Hersfelde getruwelichen vorteidigen und verantworten glicher wys als andere unsir eygen sloz burger land und lute, hetten ouch unsir manne und undirtanen den egenanten burgern umb ich zcuzusprechene dorumb sullen sie yn fruntschaft odir rechte lazzen widirfaren, daz selbe sullen unsir man und undirtanen yn ouch widirtun. Alle diese vorbeschriben rede, stucke und artikele mit eynandir und iren iglichen reden wir den egenanten burgern zcu Hersfelde stete und veste zcuhaldene ane allirleye argelist und geverde, des zcu urkunde haben wir unsere ingesigele an disen bryf lazzen hengen der gegebin ist noch goz geburt dryzenhundert iar dornoch in deme dry und sybinzigisten iare an sente symonis und iude tage der heiligen Zwelfboten.

Sprache des Originaltextes

deutsch

Nachweise

Aussteller

Thüringen, Landgrafen, Balthasar · Meißen, Markgrafen, Wilhelm I. der Einäugige · Meißen, Markgrafen, Friedrich III. der Strenge

Empfänger

Hersfeld, Stadt

Siegler

Thüringen, Landgrafen, Balthasar · Meißen, Markgrafen, Wilhelm I. der Einäugige · Meißen, Markgrafen, Friedrich III. der Strenge

Weitere Personen

Hessen, Landgrafen, Heinrich II. · Hessen, Landgrafen, Hermann II. · Bamberg, Fürstbischöfe, Ludwig von Meißen · Hersfeld, Äbte, Berthold II. von Völkershausen · Nürnberg, Burggrafen, Friedrich V.

Weitere Orte

Meißen, Markgrafen · Thüringen, Landgrafen · Hersfeld · Böhmen, Könige · Bamberg, Bischöfe · Hersfeld, Äbte · Nürnberg, Burggrafen

Sachbegriffe

Markgrafen · Bündnisse · Sternerkriege · Rittergesellschaften · Räte · Amtmänner · Diener · Öffnungsverträge · Söldner · Truppen, Einquartieren von · Könige

Textgrundlage

Regest

Landau, Rittergesellscahften

Stückangaben

Landau, Rittergesellschaften

Original

Landau, Rittergesellschaften

Zitierweise

Landgrafen-Regesten online Nr. 12000 <https://www.lagis-hessen.de/de/subjects/idrec/sn/lgr/id/12000> (Stand: 18.04.2024)