Bestätigung der Sühne zwischen den von Hutten und Ulrich von Hanau

Regest-Nr. 11999

Überlieferung | Regest | Originaltext | Nachweise | Textgrundlage | Zitierweise

Überlieferung

Drucke:	Landau, Ritter-Gesellschaften, S. 138/139 Nr. XXII.

Regest

Graf Gottfried von Rieneck stellt ein Zeugnis aus über die durch Bischof Adolph von Speyer zwischen den von Hutten und Ulrich Herrn von Hanau vermittelte Sühne und die darin getroffene Bestimmung hinsichtlich der Teilnahme Ulrichs am Sternerbunde.

Wortlaut der Datierung

Datum dni M.CCC.LXXtercio.

Originaltext

Ich Gotfrid Grefe zu Rineck bekenne offenlich an diesem briefe umb soliche sune als der Erwirdige in gote Vater und Here Her Adelff Byschoff zu Spyr und Vormunder des Stiftes zu Menze myn lieber gnediger Here nu leczest redte zu Urba zwischen dem Edeln myn lieben Oheim Ulrich Herren zu Hanaw uff eyn siten, und Her Conrat von Hutten und sins bruder kinden und den andern die in der sune begriffen sin, uff die andern siten, des sprechen ich uff mynen eyt, daz in derselben sune geredt und begriffen wart als verre als iches behalden han und niht anders: daz der vorgenant myn Oheim Ulrich von Hanaw den sternern nit behulffen solde sin wider die Hochgebornen fursten die Langgrefen in solichen krygen und missehellunge als sie izunt under eynander han und biz her gehabt han, war ez aber daz die Sterner den vorgenanten mynen Oheim von Hanaw nit zu der hulffe lazzen wolden wider die vorgenante myne Herren die Langgrafen, so sulde er zu stunt geyn Aschaffenburg in gefengniße ryden und nymmer von dannen kummen ez were dane mit des vorgenanten myne Heren von Spyr wissen und han nit behalden daz myn Oheim von Hanaw keynen verzieges brieff von den Sternern darüber brengen oder erwerben solde. Ez ist auch geredt wer ez daz der vorgenante eyn Here von Spyr von dem stiffte zu Menze queme, so solde myn Oheym von Hanaw des egenanten gefengnypes dem Heren der nach yme an den Stifft zu Mencze queme verbonden und gehorsam sin umb die vorgeschriben sache und nit anders glycher wyse als dem vorgenanten myn Heren von Spyr und auch nit lenger danne als lange als diß kryg zwischen den Langgrefen und der Sternern weret. Des zu orkunde ist myn insigel uff disen brieff gedrucket. Datum dni M.CCC.LXXtercio.

Sprache des Originaltextes

deutsch

Nachweise

Aussteller

Rieneck, Grafen, Gottfried

Empfänger

Hanau, Herren, Ulrich IV. · Hutten, Herren

Siegler

Rieneck, Grafen, Gottfried

Weitere Personen

Mainz, Erzbischöfe, Adolf I. von Nassau

Weitere Orte

Speyer, Bischöfe

Sachbegriffe

Grafen · Bischöfe · Streitigkeiten, Vermitteln in · Sternerkriege · Rittergesellschaften · Sühnen

Textgrundlage

Regest

Landau, Rittergesellschaften

Stückangaben

Landau, Rittergesellscahften

Original

Landau, Rittergesellschaften

Zitierweise

Landgrafen-Regesten online Nr. 11999 <https://www.lagis-hessen.de/de/subjects/idrec/sn/lgr/id/11999> (Stand: 24.04.2024)