Bündnis zwischen Braunschweig und Paderborn

Regest-Nr. 11866

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Münster, Fst. Paderborn, Urkunde Nr. 480. Das an Pergamentstreifen angehängte Siegel ist abgefallen.
Drucke:	Westfälisches UB 9, S. 969 f. Nr. 2020.
Regesten:	Westfälisches UB 9, S. 969 Nr. 2020.

Regest

Herzog Otto von Braunschweig verbündet sich mit Bischof Bernhard von Paderborn. [In einem Streit zwischen dem Herzog von Braunschweig und dem Landgrafen von Hessen soll der Bischof von Paderborn vermitteln].

Originaltext

Van der Godis gnaden wie Otto hertoge tů Brunswik, bekennet unde betugit opelken in desem jegenwordin brieve unde důn witlik alle den, die ene sehn unde horin, dat wie gedegedinget hebbin unde overenkomin sin mit deme ersamin herren biscop Bernhard tů Paleborne, gekorin unde stedeget, alse hirna gescrevin steit. Tu irst: wie enscholin sin viant nicht werdin van user vrowin dage, die nů negest was, vord over tvei jar unde en scholin sin arch nicht werven unde scolin ene schaden bewaren ut usen sloten unde ut useme lande, wie hebbin die slote ledich oder vorsat. Bi namin schole wie ene bewaren vor die van Plesse, vor die van Rostorp, vor die van Adelevessen unde vor hern Jane unde hern Hildebrande van Hardenberg unde vor usen mannen, die under us in ussen landen geseten sint. Were dat deme vorbenůmeden biscop oder den sinen jenich scade oder unrechte gesche van de nvorbenůmedin sloten oder ussen mannen, so scholde wie recht vor den biscop oder sine man bieden; mochte wie en nienes rechtis helpin, so scolde wie en helpin mit der hant. Wie scolin ok vor ene unde vor sine man tů anderen fursten oder herren oder wor in des not is biedin recht unde vor sie biddin mit allem vlite. Word ok jenich schelinge tuischen us unde unseme ome, deme lantgreven van Hassen, des Got nicht enwille, so scal die biscop dartů komin unde horin beiden sit use schelinge unde scal us vorminnen, of he mach; mochte he des nicht důn, so scolde sik user jewelk an rechte nůgen laten. Mochte aver us nien recht van dem lantgreven schen, so scal die biscop up us deme lantgreven umbehulpin sin. Vorsprieke wie ok recht, so en is et weder des biscopis brieve nicht, of he deme lantgreben will behulpin sin. Wie en scolin us ok in desin vorbenůmedin tven jaren mit nenen vorsten oder herren bededingen oder vorbindin, wi en hebbin den vorbenůmedin biscop mede bededinget als us sulven unde dat scole wie ome entbieden unde dat scal an eme stan weder, he wille in den degedingen wesin oder nicht. Were dat en schelinge under deme biscope unde under us oder under usen mannen beidensit worde binnen deser tit, dar hebbe wie tůsat hern Diethard von Rostorp, hern Ludolf van Stokhusen unde hern Ditmar van adelevessen, unde die vorbemůede biscop heft dartů gesat hern Arnold van Haversvorde, hern Herbolde van Papenhem unde hern Hinrik den Went. Die sesse hebbin dat en truwen gelovit, wanne ein schelinge an sie bracht wer, so scholin sie binnen vierteinachten darna inriden tů Helwerdishusen unde scolin dat entschiedin in minne oder in rechte; scheledin sie in deme rechte, so scolin sie endrechtliken einen overman kiesen, die scal dat recht binnen vierteinachten spreken. Tů welken dren die overman tůvelle, des scolden die andern volgen. Worde wie ok oder use man beseit, dat scole wie ok vormo^egin, dat dat gesche, des wie unde sie beseit werden. Alle dese vorbeschrevene ding hebbe wie deme vorbenůmedin biscoppe en truwen lovit, stede unde vast tů holdende, unde hebbin desen brief darover gevin besegelt mit useme ingesegele. Unde is geschen unde dese brief gegevin bi Beverungen up den Vorden na Godis bort dusint jar drihundert jar in deme ein unde tvintigesten jare des sunavendes vor user vrowendage der lateren.

Sprache des Originaltextes

deutsch

Nachweise

Weitere Personen

Braunschweig, Herzöge, Otto der Milde · Paderborn, Fürstbischöfe, Bernhard V. zur Lippe · Hessen, Landgrafen, Otto I. · Plesse, die von · Hardenberg, Johann [I.] von · Hardenberg, Hildebrand [I.] von · Rosdorf, Dethard von · Stockhausen, Ludolf von · Adelebsen, Dietmar von · Haversvorde, Arnold von, Ritter · Pappenheim, Herbold [I.] von · Went, Heinrich der

Weitere Orte

Hilwartshausen · Braunschweig, Herzöge · Paderborn, Bischöfe · Beverungen

Sachbegriffe

Bündnisse, zeitlich befristete · Schiedsrichter · Obermänner · Burgen · Öffnungsrechte · Herzöge · Bischöfe

Textgrundlage

Stückangaben, Regest

Westfälisches UB 9

Original

Westfälisches UB 9

Zitierweise

Landgrafen-Regesten online Nr. 11866 <https://www.lagis-hessen.de/de/subjects/idrec/sn/lgr/id/11866> (Stand: 20.04.2024)