Hermann II. verspricht, den Waffenstillstand mit Thüringen bis Juni 17 zu halten

Regest-Nr. 11800

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Hauptstaatsarchiv Weimar, Reg. F pag. 238a F Nr. 2b.
Stückbeschreibung:	Pergament.
Siegel:	16 Siegel unter Papierdecke hängen an.
Drucke:	Urkunden der Markgrafen von Meissen Abt. B 1, S. 96 Nr. 100.
Regesten:	Eckhardt, Rechtsgeschichte der Stadt Eschwege 1, S. 96 Nr. 100.

Regest

Niederhone. - Landgraf Hermann II. von Hessen verspricht, den von Markgräfin Katharina von Meißen zwischen ihm und Landgraf Balthasar von Thüringen vermittelten Waffenstillstand bis Juni 17 zu halten.
Wie [Eckhardt, Eschwege 1] Nr. 99 [= Landgrafen-Regesten ID 11092] mit den dort angegebenen Abweichungen.
Siegler: der Aussteller und 16 genannte Bürgen.

Wortlaut der Datierung

Haynde 1386 ame sonabinde nach dem sontage als man singet Misericordia domini.

Originaltext

Wir Herman von gots gnadin lantgrave czu^e Hessen bekennen - : als dy^e hochgeborn furstynne Katherine marcgravynne czu^e Missen unser liebe mu^eme ein gu^etlich sten gemacht unde getedinget hat czu^eschen dem hochgeborn Balthazar marcgraven czu^e Missen unde uns, unsir beydir mannen, landen unde luden, allen unser beydir helffern und die durch uns beydersiit tu^en und laßen soln, ane geverde biis uff den sontag trinitatis nest komende unde den tag allen, haben wir gelobt (u.s.w. wie [UB Markgrafen von Meißen 1] Nr. 169 Nr. 1-5 [...] bis auf die dort angegebenen Abweichungen). (6) Ouch ist geredt, ob uff unser siiten daz gu^etlich sten in keyne wiis virbrochen worde, wan wir ader unser amptlude von unser wegen des von dem egnantin marcgraven Balthazar ader von sinen amptluden von siner wegen virmanit worden, so solden wir von stund bynnen achtagen nest folginde nach der manunge die unsern gein sine reten gein Haynde uff einen tag schicken die broche czu^e keren und uffczu^erichten an allirley hindernisse und soln daz tu^en, also dicke dez nod geschee, ane geverde. (7) Gescheen ouch wonden ader totslege von uns ader den unsern, da god vor sii, die wir und die unsern doch ane geverde bewaren soln, dy solden man richten nach gnaden und dez landis gewonheit, da die geschen weren, ouch bynnen acht tagen uff eyme tage czu^e Haynde nach solchir virmanunge, als vor geschrebin stet. (8) Daz alle vorgeschrebin redde, stucke und artikele und er yglicher besundirn stede, gancz und unverbrochlich gehalden werden an allirley argelist und geverde, darvor haben wir czu^e burgen gesast und seczen in dissem brybe seßczehen die hirnach geschrebin sten, mit namen den ediln Burghardin von Schonenberg, Dietma von Glymenhain, hern Eckebrachten von Griffte ritter, Ludolff Groppen den alden, hern Albrachten von Hoimberg ritter, hern Rorich von Eysenbach ritter, Gotfreden von Sweinsperg, Hans von Falkinberg czu^e der Tenspurg, Otten Groppen, Wigand von gilse, Heinczen von Hoimberg den iungen, Friczschen von Velsperg, Rudolff Koidel, Tielin Wolff, Iohan von Eysenbach und Syman von Waldenstein, die mit uns unde vor uns gelobt haben. (9) Were, obe broche geschen, die den vorgnantin marcgraven Balthazar nicht uffgerichtit unde gekart worden, alse vor geschrebin stet, so solden dieselben unser burgen czu^e stund inriden er iglicher mit czwein knechten unde mit drin pherden, alsebalde sie des von dem obgenantin marcgraven Balthazar von Missen ader von sinen amptluden von sinen wegen gemanet worden, gein Isenache, die dar dannen und in der leistunge geleide haben soln von dem vorgnantin marcgraven Balthazar von Missen unde allen, die durch en tun unde laßen, ane geverde, unde soln ouch die in derselbin stad in einer gemeynen herburge, darin sie gemanet werden, inleger halden, als inlegirs recht ist, unde von dannen nicht komen, die vorgeschreben broche worden dan genczlichen gekart unde uffgerichtit, unde ensal sich ouch derselbin unser burgen keyner mit den andern entschuldigen noch uffhalden, sundern wilcher von irsten wirt gemaint, der sal von irsten und von stund halden unde die andern ouch alle unvorczoginlichen, alsebalde iglichir dez virmanet wirt, ane geverde. (10) Ouch mogen wir beidersiit manunge tu^en umbe broche, die uns in dem gu^etlich sten, daz nu^e czu^e sente Walpurge uzgegangen ist, geschen sin ader noch mochten geschen, unde ensolde daz an dissem gu^etlich sten nicht schaden. (11) Unde wir vorgeschrebin burgen bekennen, daz wir alle vorgeschrebin redde, stugke und artikele unde er iglichen besundern semptlichen gelobt haben unde globin mit dissem selben bry^ebe vor den vorgnantin unsern gnedigen iunghern iunghern Herman lantgraven czu^e Hessen unde mit eme stede, gancz unde unvorbrochlichen czu^e halden ane argelist. (12) (wie [UB Markgrafen von Meißen 1] Nr. 169 § 12 [...] bis auf die dort notierten Abweichungen). Unde daz wir Herman lantgrave czu^e Hessen vorgnant alle obingeschrebin redde, stucke und artikele stede, gancz, unvorbrochlich unde an alle arg nude geverde halden soln, han wir dez czu^e orkunde unser ingesigel an dissen brieb laßen hengken. Unde wir Burghard edel von Schonenberg, Dietmar von Glimenhain, Eckebracht von Griffede ritter, Ludolff Groppe der alde, Albracht von Homberg ritter, Rorich von Eysenbach ritter, Godefred von Sweinsperg, Hans von Falkenberg czu^e der Tenspurg, Otte Groppe, Wigand von Gilse, Heincze von Homberg der iunge, Friczsche von Velsperg, Rudolff Koidel, Tiele Wolff, Iohan von Eysenbach und Syman von Waldenstein vorgenantin burgen haben ouch unser iglichir sin ingesigel czu^e geczu^egnisse der warheid allir vorgeschrebin redde, stugke und artikele bii des egnantin unses iunghern ingesigel wißintlichin an dissen brieb gehangen. Gegebin czu^e Haynde nach gots geburd driczen hundirt iar darnach in dem seß unde achczigistem iare ame sonabinde nach dem sontage als man singet misericordia domini.

Sprache des Originaltextes

deutsch

Nachweise

Aussteller

Hessen, Landgrafen, Hermann II.

Empfänger

Meißen, Markgrafen, Katharina, Frau Friedrichs III., geb. Gräfin von Henneberg

Siegler

Hessen, Landgrafen, Hermann II. · Schönberg, Burkhard von · Gliemenhain, Dietmar von · Grifte, Eckebrecht [II.] von · Groppe von Gudenberg, Ludolf [I.] · Homberg, Albrecht von · Eisenbach, Rörich II. von · Schweinsberg, Gottfried von · Falkenberg zur Densburg, Johann [I.] von · Groppe von Gudenberg, Otto · Gilsa, Wiegand von · Hoimberg, Heinrich [I.] von · Felsberg, Fritz von · Keudel, Rudolf · Wolff von Gudenberg, Thiele [III.] · Eisenbach, Johann III. von · Waldenstein, Simon von

Weitere Personen

Thüringen, Landgrafen, Balthasar

Weitere Orte

Niederhone · Meißen, Markgrafen · Thüringen, Landgrafen · Eisenach

Sachbegriffe

Markgrafen · Waffenstillstand · Fehden, Beilegen von · Streitigkeiten, Vermitteln in · Bürgen · Ritter · Herbergen · Knechte

Textgrundlage

Stückangaben, Regest

Eckhardt, Eschwege 1

Original

UB Markgrafen von Meißen 1

Zitierweise

Landgrafen-Regesten online Nr. 11800 <https://www.lagis-hessen.de/de/subjects/idrec/sn/lgr/id/11800> (Stand: 20.04.2024)