Die Landgrafen Heinrich und Hermann bestätigen die Rechte des Deutschen Ordens

Regest-Nr. 11664

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Deutschorden. Pergament, Siegel 1: Reitersiegel des Landgrafen Heinrich beschädigt, 2. abgefallen; Staatsarchiv Marburg, Deutschorden, Pergament, beschädigt, Siegel 1. abgefallen, 2. Wappensiegel des Landgrafen Hermann, beschädigt.
Drucke:	Koch, Beurkundete Nachricht Schiffenberg 1, S. 38 Nr. 47; Wyss, Urkundenbuch der Deutschordens-Ballei 3, Neudruck, S. 108-110 Nr. 1111.
Regesten:	Wyss, Urkundenbuch der Deutschordens-Ballei 3, Neudruck, S. 108 Nr. 1111.

Regest

Kassel. - Die Landgrafen Heinrich und Hermann von Hessen versprechen, das Deutsche Haus bei Marburg in seinen Gütern und Rechten im Gericht Kirchhain nicht zu beeinträchtigen.

Originaltext

Wir Heinrich von gots gnaden lantgrafe tzu Hessen unde wir lantgrafe Herman syn vettere bekennen uffinliche in diesem brive vor uns unde vor unsir erben, das wir noch nymand von unser wegin die geistlichin lude den commendur unde brudere dez Tutschen husis bie Martpurg, unser liebin andechtigin, nicht drangin wullin noch sullin an iren guden in unserme sloße unde gerichte tzu Kirchayn noch uzwendig dez sloßis, mit namen an iren hoben, husen, hobesteden, tzinsen, gulden, molen, ackern, wissen, an waßere unde anders gemeynlichin an allin deme, daz sie da von alder bis her gehat habin adir da noch gewynnen mugen. Ouch sullin sie unde eyn pherrer tzum Kirchayn der gemeynen weyde mit irme vehe unde der holtzmarke sich gebruchin tzu allin irme nutze mit unsern burgmannen, burgern unde stad Kirchayn, als sy von alder biz her getan habin. Wir adir unsir burgere tzum Kirchayn adir andirs nymand von unser wegin sullin sie ouch an iren ledigen guden daselbis nicht drangin mit bede, mit sture adir mit ander schatzunge, wie man die genennen mag adir funden muchten werden von nymande. Weris ouch, daz sich die egenanten brudere adir eyn pherrer tzum Kirchayn mit unsern burgmannen adir unsern burgern daselbis gemeynlichen adir mit ymande besundern umbe etzliche sache, wilcherley die werin, tzweyende wurden, dor tzu solde keyne partye widdir die andern nicht tun, dan sie solden dor umbe, ab sie sich anders selbin mit eynander dor umbe nicht geeynen noch gerichten kunden, vor uns kummen unde wir solden sie dor umbe richten mit eyner fruntschaft, ab wir die mit irer beider willin unde wißin tzuschin yn finden kunden. Muchten wir sie abir nicht gerichten mit fruntschaft, so solden wir sy scheiden mit deme rechten. Sie mugin ouch ire wissen daselbis hegin, halden unde da mide tun unde schaffen noch alle irme nutze, wie tzijtlich sie wullen, als sie daz biz her getan habin. Wir gewunnen yn ouch wol, daz sie in unserme sloße vorgnant umbe ire tzinse unde pochte mugin phenden, als sy daz biz her getan habin. Ouch wullin wir adir nymand von unser wegin den commendur unde brudere vorgenant nicht hindern noch drangin an iren waßern, an vischeryen, dy sie da han unde von alder gehat habin, uf der Amen, uf der Glene unde uf der Wara, noch an deme waßers gange uf ire molen tzu gende, ymme staden adir zu me staden. Iz sal ouch nymand in den selbin iren waßern fischen widder iren willin. Ouch sullin die geistlichin lude vorgenant dinsts fry syn unde sitzen in unserme vorgenanten sloße Kirchayn unde unbedrangit. Wir wullin sie ouch nicht drangin tzu machene stege noch brucken. Ouch sullin die vom Nidernwalde geruwelichin blybin by der gemeynen weyde, alse sy biz her gewest syn unde noch syn. Wir wullin ouch, wer der egenanten brudere geildende gud da keuffit adir wie iz an yn kummet, daz yn der daz virtzinsen unde virgeilden sal, als yn daz vor virtzinsit unde virgulden ist. Wir redden ouch vor uns unde vor unsir erben, daz wir noch nymant wullin noch ensullin keynerley buw buwin noch machen uff die waßere der vorgenanten dez commendurs unde brudere, die yn schaden adir sie hindern mugen an der vorgenantin irer mulen in keyner hande wys, unde sullin unde mugin sie an der vorgenanten molen unde andern iren guden da buwin unde machin waz sie dunket daz yn nutzlich sie, wanne adir wilche tzijd sie wullin, ane geferde. Des tzu orkunde han wir unsir iglicher syn ingesigel an diesin brief lazzin hanken.
Der gegebin ist tzu Cassele, noch Cristi geburd drytzenhundert jar dor noch in dem sibintzigistin jare, an allir heiligin abinde.

Sprache des Originaltextes

deutsch

Nachweise

Weitere Personen

Hessen, Landgrafen, Heinrich II. · Hessen, Landgrafen, Hermann II.

Weitere Orte

Marburg, Deutscher Orden · Kirchhain, Gericht · Kassel · Kirchhain, Burg · Ohm · Werra

Sachbegriffe

Privilegien, Bestätigung der · Deutscher Orden · Rechte · Güter · Landgrafenitinerar · Burgen · Mühlen · Äcker · Wiesen · Weiderechte · Vieh · Allmende · Steuern, Befreien von · Pfarrer · Flurzwänge, Aufheben von · Fischereien · Brücken, Bau von

Textgrundlage

Stückangaben, Regest

Wyss, UB Deutscher Orden 3

Original

Wyss, UB Deutscher Orden 3

Zitierweise

Landgrafen-Regesten online Nr. 11664 <https://www.lagis-hessen.de/de/subjects/idrec/sn/lgr/id/11664> (Stand: 24.04.2024)