Vertrag zwischen Landgraf Heinrich und den von Henneberg wegen Schmalkalden

Regest-Nr. 11569

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Meiningen, Gemeinschaftlich Hennebergisches Archiv.
Stückbeschreibung:	34 Zeilen, rechts am meisten Rand, große fette eckige Schrift mit feinen Schnörkeln, Komma überwiegend.
Siegel:	Beide runde Siegel an Pergamentstreifen: 1) schon ziemlich zerstört. 2) die Henne auf einem großen Hügel zwischen zwei Mauertürmen SECRETUM CIVITATEM SMALKALDEN.
Rückvermerke:	Reverszbrive uber Smalkalden und Scharffenberg als es am ersten gekauft ist, B und 1362.
Drucke:	Henneberg UB 3, S. 41 f. Nr. 63.
Regesten:	Henneberg UB 3, S. 41 Nr. 63.

Regest

Landgraf Heinrich von Hessen schließt mit den Grafen Heinrich und Berthold [von Henneberg] einen Vertrag wegen des gemeinschaftlichen Besitze von Schloß und Stadt Schmalkalden und Scharfenberg.

Wortlaut der Datierung

Der gegeben ist noch Christi geburd dryczen hundirt iar in dem zcwey und sesztigestin jare, an dem mittewochin vor sente Laurencii tage.

Originaltext

Wir Heinrich von gots gnadin lantgrafe zu Hessin Bekennen mid unsern erbin offinlich an diesem briefe, daz wir mid der edelin froywin seligin Elsebede grefynnen zu Hennenberg und mit Heinrich und Bertholde iren sonen und mit iren erbin erblich gekoyft habin uns, Otten unserme sone und unsern erbin dy slozze Smalkalden hus und stad daz hus halb zu Scharffinberg mid allen eren, rechtin, nuczin und mid allen iren zugehorin an kirchlenen, manlen, maschaf an clostirn, an gerichtin, an dorffin, an welden, an waszern, an weyde, an holcze und an felde irsucht und unirsucht, wy man das genennen mag in alle maze und rechtin, als der edile selege Albrecht burgrafe zu Nurenberg unser ohem und vor Sophye sin eliche werthin unser liebe mume dy ynne hatten biz uf dy zeit, daz unser selige mume von Hennenberg von ir, uns und unser beyder erbin wegin den koyf ted, also daz wir und unser erbin und unser ohmen von Hennenberg und ir erbin smalkalden hus und stad mid dem daz dorzu gehorit vorgeschriebin sted glich mid eynandir haben. Und an deme huse zu Scharffinberg und daz dor zugehorit sullen wir habin eyn vierteyl und unser ohmen vorgenante dry vierteyl, want daz hus ir vor halp was e deme koyfe. Ouch wullen wir und unser ohmen vorgenante dry vierteyl, want daz hus ir vor egenanten slozze und daz dor zugehorit getruwelich schuren, schirmen und vorteydingin glich als andirs unser slozze, land und lute, und ensal unser keyn den andern an denselben slozzin, land und lude und daz der zugehorit nicht verunrechtin noch keyn vorteyl suchtin, sunder wir sullen alle gefelle, nutze und gulde dor selb glich mid eynandir ufhebin noch deme als vorgeschriebin und undirscheyden ist. Were ouch, daz kryge odir uffloyfte zuschen unsern vorgenanten ohmen und uns oder zuschen unser beyder erbin entstunden, des god nicht vorhenge, so solden dy egenanten slozze und daz dor zugehorit stille sitzin und unser keyn ensolde sich wider den andirn von odir zu den selbnen slozzin nichtis behelffin noch dy sloz und daz dor zugehorit in keine wijs beschedigen. Were ouch, daz unser ohmen odir ir erbin odir uns und unser erbin von ymande andirs noyd und krige anstigin, dor zu sullen dy vorgenanten slozze, dy amptlude, burgman und burgere dor selbs unser yclichin und unser beyder erben getruwelich mid al irer macht behulffin sin zu allen unsern noyden krygin und sachin beydersiit ane alle widerrede und geverde. Were ouch, daz dy selben sloz buwes bedorffin, den solden wir und sie und unser beyder erbin glich mideynander tun und unser eyn solde dem andern getruwelich dor zu sin behulffin. Were ouch, daz wir odir sy eyn odir zcwene amptman seztin dor selbs, der oder dy solden uns und unsern erben beidersiit gelobin und sweren alle vorgeschrieben stucke und artykele stede und feste zuhalden ane geverde, und sal daz geschen als dicke des noyd ist. Ouch ist gered, werez daz uns odir unser erben nod antrede, daz wir unser teyl an den egenanten sloszin und daz dorzu gehorit vorsetzin odir verkoyfin wolden, daz solden wir odir unser erben unsern ohmen vorgenanten odir iren erben eyn vierteyl iares vor anebiedin und sy dor zu lazin komen. Muchtin odir enwolden sy odir ir erben dor zu nicht komen, so mogin wir odir unser erben unser teyl an den slozzin und daz dor zugehorit vorsetzin odir vorkeyffin eyme andern, also daz der und sin erben unsern ohmen vorgenanten und iren erben sulche gelobede und vorbuntnisse tun und ire briefe dor obir geben glicher wiis als wir beydersiit vorgetan haben und diese briefe sagin ane geverde, daz selbe mogin sy ouch widertun. Ouch ist gered, werez daz wir odir unser erben unser teyl an Scharffinberg, den wir da haben und daz dor zuegehorit, wolden widerkoyffin von den dy ez an phandeswiis von uns und unsern ohmen ynnehaben, daz solden wir und unser erben unsern egenanten ohmen undiren erben eyn vierteyl iares vor kunt tun mid unsern briefin odir kuntlichir botschaf, daz sy ir teyl dorselbs ouch von en lostin. Entedin sie des nicht, so mogin wir odir unser erben ir teyl mid unserme teyle von den selben losin, als ir briefe sagin, dy sy obir Scharfinberg haben, also daz wir und unser erben unsern egenanten ohmen und iren erben sten sullen zu eyn losunge ihres teyles an Scharffinberg, daz wir zu unserme teyle gelost hetten in alle der maze als Heinrich von Vleybin und Heinrich von Loycha rittere unsern ohmen und uns zu eyner losunge sten sullen mid deme egenanten slozze und daz dor zugehorit ane allirleye geverde. Alle diese vorgeschriebin stucke und artykel und ir iclichin besundern gelobin wir en mid guden truwin stete und feste zuhalden ane allirleye argelist und geverde. Dys zu orkunde gebin wir mid unserme und unser stad zu Smalkalden ingesigeln disen brief vorsigelt.
Und wir dy rademeistere und der rad zu Smalkalden Beken, daz uns dieser koyff wiszentlich ist und alle vorgeschriben stucke und artykel. Und habin des zu gezcugnisse und dorch bede willen unsers egenanten herren unser stad ingesigel zu sime an disen brief gehangin.
Der gegeben ist noch Christi geburd dryczen hundirt iar in dem zcwey und sesztigestin jare, an dem mittewochin vor sente Laurencii tage.

Sprache des Originaltextes

deutsch

Nachweise

Aussteller

Hessen, Landgrafen, Heinrich II.

Empfänger

Henneberg-Schleusingen, Grafen, Heinrich V. (X.) · Henneberg-Schleusingen, Grafen, Berthold XII.

Siegler

Hessen, Landgrafen, Heinrich II. · Schmalkalden, Rat

Weitere Personen

Hessen, Landgrafen, Otto der Schütz · Henneberg-Schleusingen, Grafen, Elisabeth · Nürnberg, Burggrafen, Albrecht der Schöne · Nürnberg, Burggrafen, Sophie, Frau Albrechts des Schönen, geb. Gräfin von Henneberg · Vleybin, Heinrich von · Lorcha, Heinrich von, Ritter

Weitere Orte

Schmalkalden (Lkr. Schmalkalden-Meiningen/Thüringen), Burg · Scharfenburg (Gem. Thal/Gem. Ruhla/Wartburgkreis/Thüringen), Burg · Schmalkalden (Lkr. Schmalkalden-Meiningen/Thüringen), Rat

Sachbegriffe

Verträge · Burgen, Verkauf von · Städte, Kauf von · Besitz, gemeinschaftlicher · Ritter · Vorkaufsrechte

Textgrundlage

Stückangaben, Regest

Henneberg UB 3

Original

Henneberg UB 3

Zitierweise

Landgrafen-Regesten online Nr. 11569 <https://www.lagis-hessen.de/de/subjects/idrec/sn/lgr/id/11569> (Stand: 17.04.2024)