Landesgeschichtliches Informationssystem Hessen

Regesten der Landgrafen von Hessen

1399 September 19

Bündnis zwischen den Kurfürsten und u.a. Hessen zwecks Wahlabsprache

Regest-Nr. 11544

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Hauptstaatsarchiv Weimar, Reg. F fol. 141 E Nr. XXVII 2. 10 Siegel, wovon abgefallen sind: 1) Stephan von Bayern, 6) Friedrich von Nürnberg, 8) und 9) Wilhelm und Georg Söhn Friedrichs des Strengen, 10) Friedrich von Meißen Sohn Balthasars, während noch hängen 2) Balthasar von Meißen 3) Wilhelm von Meißen Bruder Balthasars, 4) Ludwig von Bayern, 5) Hermann von Hessen, 7) Friedrich von Meißen, Sohn Friedrichs des Strengen; Vom ersten Siegel ist der Pergamentstreifen noch vorhanden, fehlt aber vom 6., 8., 9. und 10. Siegel. Auf der Rückseite von einer Hand aus der Mitte des 15. Jahrhunderts Wie sich etlich fursten zu den drien geistlichen kurfursten verbunden (durch einen Flecken unleserliche Lücke hier, dann) 1399; Registrata nicht mehr vorhanden, von einem rückseitig aufgedrückten Siegel oder davon herrührenden beim Verschluß gemachten Schnitten im Pergament ist nichts wahrzunehmen.
Drucke: Deutsche Reichstagsakten 3, S. 105-107 Nr. 59.
Regesten: Deutsche Reichstagsakten 3, S. 105 Nr. 59; Urkunden der Markgrafen von Meissen Abt. B 2, S. 172 f. Nr. 261; Monumenta Zollerana 8, S. 311.
Regest
Mainz. - Zehn gen. Fürsten [Herzog Stephan von Bayern, Markgraf Wilhelm I. von Meißen, Landgraf Balthasar von Thüringen, Herzog Ludwig von Bayern, Landgraf Hermann von Hessen, Burggraf Friedrich von Nürnberg, Markgraf Wilhelm II. von Meißen, Markgraf Georg von Meißen, Kurfürst Friedrich I. von Sachsen, Landgraf Friedrich von Thüringen] verbinden sich mit den vier rheinischen Kurfürsten und Kursachsen, wenn diese einen neuen König aus den fünf Häusern Bayern, Meißen, Hessen, Nürnberg oder Württemberg wählen, denselben zu unterstützen, jeder anderen dawider sich erhebenden Reichsprätendentschaft aber entgegenzutreten.
Originaltext
Wir van gotz gnaden Stephain phaltzgreve by Ryne und hertzoghe in Beyeren etc., Balthasar und wilhelm gebruedere margraven zo Mijssen und lantgraven in Duringen, Lodowech phaltzgreve by Ryne und hertzoghe in Beyeren etc., Herman lantgrave zo Hessen, burchgrave Friderich van nuremberg, Friderich Wilhelm Georg gebrudere und Friderich margrave Balthasar egenanten son alle margraven zu Mijssen und lantgraven in doringen, bekennen und tun kunt mit disme brieve: wann in deme heilghen Roymsschen rijche lange zijt her viele groisser und treffliger gebreche misshel und irronge ufferstanden und komen sijnt, den zo wedersteen und umb daz daz heilghe Roymssche rijch in synen wirden und eren und by synen reichten gehanthabet werde und lijven muege, so haben wir, gote zu lobe der heilghen kirchen und deme heilghen Roymsschen rijche zo eren und zo fromen und unsern und den gemeynen landen zo nutze und zo troiste, uns samentlich und unser yglicher van uns besunder verbunden ind verbinden uns mit crafte dis brieves zo den erwirdigen und hochgeboiren fursten van goicz gnaden heren Johanne des heilgen stoils zo Mentze ertzebusschoff des heilghen Roymsschen rijchs in Duytschen landen ertzecancellere, heren Friederich der heilgher kirchen zo Colne ertzebusschoff des heilghen Roymsschen rijchs in Italien ertzecanceller hertzoghen van Westfalen etc., heren Wernher ertzebusschof zo Triere des heilghen Roymsschen rijchs durch Welschland ertzcanceller, heren Roprechte phaltzgreven by Ryne des heilghen Roymsschen rijchs obirsten drosseß und hertzoghe in Beyeren, und hern Rodolffe hertzogen zo Sachssen und zu Lunemburg unde grave zo Brene des heilghen Roymsschen rijchs ertzmarschalck, alle des heilghen Roymsschen rijchs kurfursten unsern lieben herren vetteren oehemen und neven, in den stucken und artikelen hernach geschreven. (1) zo deme yrsten umb eynen anderen Roymsschen konyngh zo erweilen und zo setzen: und willent sij dan eynen zo eyme Roymsschen konynge uyss den gesleichten und geborten van den wapen van Beyern van Mijssen van Hessen van den burchgraven van Nuremberg oder den graven van Wirtenberg, so sullen wir und yglicher van uns vurgenanten herre by der kur und by deme, den sij also nennen uffnemen und zo eyme Roymsschen konynge weilen, getruwelich und vesteclich blyben, und denselben ouch und nyeman anders vur eynen gewairen reichten Roymsschen konyngh und vur unsern reichten herren nehmen halden und haben in allen den reichten eren und wirden as eynem reichten und gewaren Romschen konynge van reichte und gewonheide zogehueret und gebueret, und damede by yeme und unsern vurgenanten herren den kurfursten ouch blyven, und in getruwelichen beholffen sijn den by deme rijche als eynen Roymsschen konyngh zo behalden und zo hanthaben mit lyve und gude und mit alle deme daz wir vermuegen, und davan nyt vallen noch in abesteen in eyncherhande wyse noch umb eyncherhande sache willen die geschien sint oder geschien muechten, sunder alle argelist und geverde. (2) und wulde heroeber und darweder yeman, wer der were, nach deme heilghen rijche stehen und sich daz underwinden, ez were mit vykariate oder anders in wilcher wyse daz were, darweder sullen wir obgenanten herren samentlich und unser yglicher besunder mit unsern obgenanten herren den kurfursten getruwelich und vestenclichen sijn und deme wedersteen, ind sullen in darzo helffen daz zo keren und zo weyren mit lyve mit gute mit slossen landen und luten und unser gantzer macht, daz daz nyet geschie oder vurganck have in eynche wyse, aen alle geverde und argelist. (3) und wer ez daz umb diese vurgeschriben sachen willen yemant, wer der were, syne ungunst ungenade und argen willen, ez were mit vyentschaffte oder anders wie daz zugienge, an die obgenanten herren die ... kurfursten samentlich oder besunder leigen wulde oder keerte, daz sal uns obgenante herren samentlich und unser yglichen van uns besunder mit in samentlichen und yrre yglichem besunder glijch antreffen, und wir sullen uns van den obgenanten herren noch eynchem van in darynne nyet scheiden, und iglicher van uns sal by den obgenanten herren und by irre yglichme besunder blyven und in sunder vurtzoch darynne und darweder bystain raden und helffen mit lyve und mit gute mit unsern slossen landen und luten und unser gantzer macht getruwelich und vesteclich aslange des noyt geschiet, aen alreleye indrach wederreide hinderniss und geverde. (4) were aber daz die obgenanten herren ... die ... kurfursten eynen anderen zo eyme Roymsschen konynge nenten uffinemen oder kueren, der nyet van den geburten oder uyss den gesleichten were die da vur synt benant, so sullen wir van diesser verbuntniss weigen nyet verbunden sijn by denselben, den sij also kueren und nyet van den vurschreven gesleichten were, zo belyben alz vur geschreven ist, wir entwulten dan daz gerne tun oder derselbe enrette dan vur as vruntlich mit uns oder dede uns as liebe daz wir daz gerne detten. Alle und ygliche diese vurgeschreven punte stucke und artikele haben wir obgenante herren und yglicher van uns den egenanten herren den ... kufursten und yrre yglichem besunder gelobt vy unsern furstlichen truwen und eren, und hain die ouch lijblich zo den heilghen geswoiren, geloben sicheren und sweyren in crafte diss brieves die wyr veste stede und unverbruchlichen zo halden zo doin und zo follenfueren und darweder nicht zo ton noch zu suechen geistlich oder werentlich in eyncherleye wyse, sunder alle argeliste und geverde. Und aller diesser vurgeschreven sachen und vereynonge zo gewairem orkonde und gantzer stedicheid hait yglicher van uns obgenanten herren sijn ingesiegel van synre reichter wist und willen an diesen brief doin henken, der geben ist zo Mentze uff den vrijdagh nach des heilghen cruces dage den man schrijvet zo latyne exaltacio sancte crucis do man zalte nach Cristi geburte druytzienhundert und in deme nuynundnuyntzichstem jare.

Sprache des Originaltextes

deutsch

Nachweise

Weitere Personen

Bayern, Herzöge, Stephan III., der Kneißl · Meißen, Markgrafen, Wilhelm I. der Einäugige · Thüringen, Landgrafen, Balthasar · Bayern-Ingolstadt, Herzöge, Ludwig VII. · Hessen, Landgrafen, Hermann II. · Nürnberg, Burggrafen, Friedrich V. · Meißen, Markgrafen, Wilhelm II. der Reiche · Meißen, Markgrafen, Georg · Sachsen, Kurfürsten, Friedrich I. der Streitbare · Thüringen, Landgrafen, Friedrich IV. der Friedfertige · Sachsen- Wittenberg, Herzöge, Rudolf III. · Mainz, Erzbischöfe, Johann II. von Nassau · Trier, Erzbischöfe, Werner von Falkenstein · Köln, Erzbischöfe, Friedrich III. von Saarwerden · Ruprecht I., König

Weitere Orte

Mainz · Thüringen, Landgrafen · Meißen, Markgrafen · Sachsen, Kurfürsten · Bayern, Herzöge · Pfalz, Kurfürsten · Nürnberg · Württemberg · Mainz, Erzbischöfe · Trier, Erzbischöfe · Köln, Erzbischöfe

Sachbegriffe

Herzöge · Markgrafen · Burggrafen · Bündnisse · Wahlen, Verhandlungen über · Königswahlen, abgesprochene

Textgrundlage

Stückangaben, Regest

RTA 3

Original

RTA 3

Zitierweise
Landgrafen-Regesten online Nr. 11544 <https://www.lagis-hessen.de/de/subjects/idrec/sn/lgr/id/11544> (Stand: 28.03.2024)