Liutgart von Boventen verkauft ihre Morgengabe an Landgraf Hermann

Regest-Nr. 11535

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, A I t Bischhausen 1399 Januar 9. Pergament, 34,7 br : 25,0 h cm; Plica 3,5 cm - 3 runde Siegel an Pergamentstreifen: 1) Durchmesser 2,5 cm, Bild: Schild gespalten, rechts aufgerichteter Löwe, links aufrechter abgewandter Schlüssel mit dreiteiligem Bart und rundem Schließblatt, Legende (beschädigt): S. (...)TI DE BOVENTEN; 2) Durchmesse 2,4 cm, Bild: Schild gespalten, rechts aufrechter abgewandter Schlüssel mit dreiteiligem Bart und rundem Schließblatt, links ein nach links aufgerichteter Löwe, Legende: S. GHUNTERI DE BOVENTEN; 3) Durchmesser 2,4 cm, Bild: wie 1, Legende (am Rand beschädigt): S. HANS VON BOVENT(...). Rückvermerk (16. Jahrhundert): Wie Lughart Rabin von Kanstein, Albrechts von Boventen hußfrauw, ire lypzucht und morgengabe, so sie von irem vorigen hußwirt, hern Hanße seliger von Berleibschen, ist versehen gewest, hern Herman verkouft hait.
Drucke:	Urkundenbuch der Herren von Boventen, S. 193-195 Nr. 217.
Regesten:	Urkundenbuch der Herren von Boventen, S. 193 f. Nr. 217.

Regest

Liutgard von Boventen, geborene Rabe von Canstein, verkauft dem Landgrafen Hermann von Hessen für 400 fl. rh. ihre Morgengabe, bestehend aus 3 Fischweiden, 2 Kothöfen, 1 Weingarten und 1 Baumgarten zu Bischhausen, 2 Vorwerken zu Gertenbach, 14 Mark Gülte daselbst und 28 Malter Korn zu Albshausen, die von ihrem verstorbenen Ehemann Hans von Berlepsch erhalten hat.

Originaltext

Ich Lugkard Rabin vonme Kansteyn, Albrachtes von Baventen eliche husfrauwe, bekennen uffintlichin in diesme brieve vor mich unde vor alle myne erbin vor allin den, die yn ansehin, horin adir lesin, daz ich von hern Hans von Berleyvessin ritter, myne huswerte seligin, belipczuchtet unde bemorgingabit bin mit diesin nachgeschrebin gudin, korngulde, czinsen, renthin, nuczen unde gefellin mit namen mit dryn fischweidin gelegin zu Bischoffeshusin unde darby mit czwen kothobin, mit eyme wingartin unde mit eyme boymgartin darane, daselbes gelegin, mit czwen vorwergkin gelegin zu Girtinbech, mit fierczenhin lodigin marg geldes Gottingischir were daselbes fallinde, mit achtundczwenczig maldirn fruchtin, halb korn unde halb habirn, Wiczinhusches masses, darselbes fallinde zu Albeshusin usz allin hubin unde guten darselbes, unde han ich Lugkard vorgenant mit gudem willin dy egenantin myne lipczucht unde morgingabe an allin vorgeschrebin guten, czinsen, renthen, nuczen und gefellin mit fischweydin, mit kothoffin unde mit allem deme, als vorgerurt ist, mit allin iren rechten unde nuczin, als ich dy gehabt unde beseszin han, unde andirs alle gude unde rechte, darmidde ich belipczuchtet unde bemorgingabit bin, von deme egenanten hern Hanse von Berlyvessin, myme huswerthe seligin, rechtlich und reddelich virkouffin in dieseme brieve deme hochgeborn fursten myme liebin junchern, junchern Hermanne lantgrave zu Hessin unde sinen erbin unde wer eyn furste des landes Hessin ist umme fierhundirt rinsche guldin, darvore mir gnug geschen ist, unde seczin den egenantin mynen junchern, sine erbin unde nachkummen yn alle vorgeschrebin gude, korngulde, czinse, rente, fischweyde, nucze unde gefelle, wy sie dar vorebenand sin, unde andirs yn alle ding, als voregerurt ist, als ewige ware besiczere unde mich unde myne erbin darusz unde han vorczegin unde vorczahin lutirlichin mit halme unde mit munde in diesin brieve alles mynes rechtin darane glichirwys, als ab diet geinwortig vor gericht geschee unde geschen were, unde enwullin nach ensollin ich unde myne erbin nach nymand von myner unde myner erbin wegin zu allin vorgeschrebin gude unde zu alleme deme, als vorgerurt ist, keyirley recht ansprache nach vorderunge nummer gehabin, getun nach gewynnen geistlich nach werntlich in deheyne wys. Unde ich unde myne erbin uszern uns und han uns geuszert genczlichin unde gar mit follem rechtin aller gude, gulde, czinse, rente, fischweyde, korngulde, nucze unde gefelle, wy sie darvore benant sin, unde andirs allez des, als vorgerurt ist, ane alle geverde unde ane argelist. Ouch enwullin nach ensollin ich unde myne erbin widdir diesin vorgeschrebin vorkouff unde vorczecht unde widdir alle vor unde nachgeschrebin redde unde widir iglich wert besundirn uns nicht behelffin mit deheynen geistlichin nach werntlichin rechtin nach mit wolthad nach mit wolthadin der rechtin, wilches namen dy genand sin, glicherwys, als ab sie von worten zu wortin hirynne geschrebin stundin oder auch nicht, vor uns nemen, darmidde wir widdir diesin vorgeschrebin vorkouff unde voirzeht nach widdir allin ynhalt dieses brieves gesprechin, gekrengkin, stundin adir getun mugen in keynir handewys ane alle geverde unde ane argelist. Ouch sollin alle brieffe, dy ubir diese vorgeschrebin gude, morgingabe unde lipczucht gegebin sin, von grunde tod unde vornichtiget sin unde keyne macht mee han, dieselbin brieve alle ich ouch todin unde vornichtigin mit crafft diesses brieves, unde will unde sal ich alle dy brieve, dy ubir die vorgeschrebin lipczucht unde morgingabe haldin unde uszwisin, deme hochgeborn fursten, myme gnedigin junchern vorgenant, unde sinen erbin widdirgebin unde andelogin. Ouch bekenne ich Lugkard egenant, abe dy vomme Hagin waz rechtes hettin an allin vorgeschrebin guden, daz ich daz deme obgenanten myme junchern unde sinen erbin nicht vorkoufft han, unde ensal sich der egenante myn junchern widdir dy vomme Hagin mit dieseme brieve nicht behelffin, unde han ich Lugkard egenant diesin vorgenanten vorkouff unde vorczecht unde andirs alle vorgerurte ding mit guden willin unbetwinglichin ane alle betrognisse liplichin zu den heiligen gesworn und sweren in crafft dieses brieves stede, veste unde unvorbruchlich zu halden ane alles widdirruffen myn, myner erbin unde allirmenliches ane alle geverde unde ane argelist. Dieses zu orkunde unde ganczir stedekeid han ich Lugkart egenant gebedin Albracht von Baventen, mynen huswert, daz er sin ingesigel vor mich zu geczugnisse an diesin brieff hat gehangin, des ich mich hirane gebruchin, wante ich iczunt eigins ingesigels nicht enhan, des ich mich Albracht, iczunt genant, umme ire bede willin hir ane irkennen. Unde zu mereme geczugnisse han ich Lugkard egenant gebedin Gunther unde Hansen von Baventen, myne swegere, daz sie ire ingesigele zu ganczer bestedinge allir eegeschrebin dinge by mynes huswertes ingesegil an diesin brieff han gehangin, des wir, Gunther unde Hans egenant, bekennen, daz wir unser ingesigele durch bede willin Lugkardes, unser suster obgenant, an diesin brieff han gehangin zu wareme geczugnisse allir vorgeschrebin dinge. Datum anno domini millesimo trecentesimo nonagesimo feria quinta proxima post festum Epiphanie domini.

Sprache des Originaltextes

deutsch

Nachweise

Weitere Personen

Boventen, Liutgart von, Frau Albrechts [I.], verw. von Berlepsch, geb. Rabe von Canstein · Hessen, Landgrafen, Hermann II. · Berlepsch, Hans von · Boventen, Albrecht [I.] von · Boventen, Hans von · Boventen, Günter [I.] von

Weitere Orte

Bischhausen, Fischweiden · Bischhausen, Weingärten · Bischhausen, Baumgärten · Bischhausen, Kothöfe · Gertenbach, Vorwerke · Gertenbach, Abgaben · Albshausen (Gem. Witzenhausen) · Göttingen, Währungen · Witzenhausen, Maß

Sachbegriffe

Verkäufe · Morgengaben, Verkauf von · Witwen, erneute Heirat von · Fischweiden · Höfe · Weingärten · Baumgärten · Vorwerke · Gülten · Abgaben, Getreide · Korn · Währungen, Rheinische Gulden · Währungen, Göttingische · Maße, Witzenhäuser

Textgrundlage

Stückangaben, Regest

UB Boventen

Original

UB Boventen

Zitierweise

Landgrafen-Regesten online Nr. 11535 <https://www.lagis-hessen.de/de/subjects/idrec/sn/lgr/id/11535> (Stand: 20.04.2024)