Landesgeschichtliches Informationssystem Hessen

Regesten der Landgrafen von Hessen

1412 Juni 14

Landgraf Hermann erhält Unterstützung der Kirche gegen die Schismatiker

Regest-Nr. 11359

Überlieferung | Regest | Originaltext | Nachweise | Textgrundlage | Zitierweise
Überlieferung
Abschriften: Vatikan, Reg. Vat. 338, fol. 26r sqq.
Drucke: Tellenbach, Politik Hermanns des Gelehrten, S. 179-181 Nr. III.
Regesten: Tellenbach, Politik Hermanns des Gelehrten, S. 179 Nr. III.
Regest
Gaeta. - Papst Gregor XII. weist den Dekan der Kasseler Martinkirche an, den Landgrafen Hermann von Hessen gegen alle Schismatiker in Schutz zu nehmen und gegen diese das Kreuz zu predigen.
Originaltext
Gregorius etc. Dilecto filio decano ecclesie s. Martini Cassellen. Maguntin. dioc. Salutem etc. Redemptoris nostri sola clemencia disponente curam animarum gerentes cetus fidelium universi ex debito iniuncti nobis officii excitamur, ut, ne a pestifero scismaticorum fermento, quod prochdolor modernis temporibus tantum crescit, massa catholica corrumpatur, potestatis apostolice remediis obviemus (Folgen einige Sätze über den Abfall der Kardinäle, ihr Schisma und ihre Verdammung. Trotzdem verharren sie bei ihrem Verbrechen) Ne igitur tot et tantorum facinorum ac scelerum in divine maiestatis offensam et dicte Romane ecclesie matris cunctorum Christi fidelium et magistre contumeliam et contemptum fideique catholice ac utilitatis rei publice detrimentum nequiter patratorum persecucio et pena, quamquam non sufficientes respectu criminis, tamen possibiles obmittantur, et ne prefati nequissimi viri per nos, ut prefertur, dampnati et a deo reprobati, qui excessus excessibus in suis heresibus persistendo et inter Christi fideles scismata dissensiones et scandala cumulare cultumque Christiane fidei, sine qua quispiam deo placere nequit, quantum in eis est, depravare conantur, suos pravos et dampnandos conceptus in partum producere queant, sed pocius dextera domini faciente virtutem eorum perversis conatibus viriliter obsistatur et ipsorum iniqui propositi execucio elidatur, oportunis, quantum a divina pietate conceditur, providere remediis cupientes, quia in hiis die et predicte Romane ecclesie causam agi conspicimus, illam devote prosequentibus decrevimus etiam spiritualibus auxiliis et presidiis assistendum, ut causam ipsam eo fervencius prosequantur, quo exinde maioris retribucionis merita se speraverint adepturos. Ideoque nos cupientes, quantum cum deo possumus, infructuosos palmites de vinea domini extirpare de sinceritate fidei et devocionis perseverancia, quibus erga nos et dictam ecclesiam clarere dignosceris, sumentes in altissimo fiduciam singularem tibi contra quoscumque scismaticos dilectum filium nostrum Hermannum lantgravius Hassie Maguntin. dioc. Occasione prefati eorundem scismatis quomodolibet infestantes seu molestantes, cuiuscumque status gradus preeminencie dignitatis vel sexus existant, predicionis filiis Baldasarri Cossa apostatico olim S. Eustachii diaconi cardinali, qui se ausu sacrilego Iohannem XXIII. Appellat, et alliis olim cardinalibus supradictis per huiusmodi processus condemnatis et privatis adherentes fautores complices et sequaces seu eundem Baldasarrem Romanum pontificem esse asserentes confitentes aut occulte vel publice predicantes auctoritate nostra proceddendi agendi inquirendi eosque capiendi incarcerandi puniendi sentenciandi et condempnandi processus quoque aggravandi et reaggravandi contra eos et ipsorum quemlibet iuxta et secundum formam et tenorem apostolicorum processuum et canonicas sancciones invocato ad hoc, quociens opus fuerit, auxilio brachii secularis. Insuper omnibus et singulis vere penitentibus et confessis, qui prefatos Baldasarrem et alios dampnatos ipsorumque complices sequaces fautores receptatores atque credentes huiusmodi, quamdiu in scismate et extra nostram et Romane ecclesie graciam perstiterint, in personis et sumptibus propriis ac etiam hiis, qui in personis propriis alienis tamen expensis expugnabunt, dum eo tempore et quando tua discrecio bellum contra eosdem scismatis labe contractos duxerit ordinandum et in expugnacione huiusmodi laborabunt ecclesie sequendo vexillum et tuis super premissis parendo mandatis tam clericis quam laicis et eis insuper, qui suis dumtaxat expensis iuxta quantitates et facultates suas alios destinabunt aut tibi seu alteri per te deputando sufficiencia stipendia ministrabunt, ut destinare valeas ydoneas bellatores, illam concedendi veniam peccatorum, que concedi per eandem sedem proficiscentibus in terre sancte subsidium consuevit, plenam et liberam auctoritate apostolica tenore presencium concedimus facultatem. Quocirca discrecioni tue per apostolica scripta mandamus, quatenus per te vel alium seu alios huiusmodi concessionem nostram in ecclesiis et locis civitatis et diocesis ac provincie Maguntin., quando et quociens expedire cognoveris sollempniter publicans et exponens ac per alios ydoneos publicari et exponi faciens, ut melius et clarius intelligatur ab omnibus in vulgari fideles Christi instancius et efficacius per verbum predicacionis et alias prout expediens exiterit iuducere non postponas, ut suscipientes cum reverencia signum crucis ipsumque suis humeris et cordibus affigentes ad prosequendum huiusmodi causam die et Romane ecclesie ipsorum matris properent viriliter et intrepidi. Tu igitur circa premissa sic sollicite te habeas et exerceas diligenter, quod fructus exinde sperati proveniant, et ultra divine retribucionis premia nostram et dicte sedis benediccionem et graciam uberius consequi merearis.
Datum Gaiete XVIII. kal. Iulii pont. nostri anno sexto.
Iohannes de Montepuliciano de curia A. Birqueti

Sprache des Originaltextes

lateinisch

Nachweise

Weitere Personen

Gregor XII., Papst · Hessen, Landgrafen, Hermann II.

Weitere Orte

Kassel, St. Martin · Gaeta

Sachbegriffe

Päpste · Gegenpäpste · Papstschismen · Dekane · Exkommunikationen · Strafen, kirchliche

Textgrundlage

Stückangaben, Regest

Tellenbach, Hermann der Gelehrte

Original

Tellenbach, Hermann der Gelehrte

Zitierweise
Landgrafen-Regesten online Nr. 11359 <https://www.lagis-hessen.de/de/subjects/idrec/sn/lgr/id/11359> (Stand: 29.03.2024)