Landgraf Hermann II. schlichtet Streitigkeiten der Stadt Kirchhain

Regest-Nr. 11138

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Staatsarchiv Marburg, Deutschorden. Pergament, das kleine runde Siegel mit dem landgräflichen Helm beschädigt.
Drucke:	Wyss, Urkundenbuch der Deutschordens-Ballei 3, S. 189-191 Nr. 1227.
Regesten:	Wyss, Urkundenbuch der Deutschordens-Ballei 3, S. 189 Nr. 1227.

Regest

Landgraf Hermann von Hessen schlichtet Streitigkeiten zwischen dem deutschen Haus bei Marburg und der Stadt Kirchhain.

Originaltext

Wir Herman von gots gnaden lantgrave tzu Hessen bekennen offinlichen an dissem brybe, daz wir dy erbern geitslichen den comthur unde dy Tutschen herrin des Tutschen huses bij Marpurg unser lieben andechtigen uff eyn sijten, unde dy burgermeistere scheffen unde burgere gemeynlichen unser stad tzu dem Kirchen unser lyben getruwen uff dy andern sijten umme alle ansprache unde czweytracht dy sich tzuschen en uff beidesijten erlouffen han unde sie under eynander gehat haben bijs uff dissen hudigen tag, gutlichen gescheiden unde geeynet haben mit erir fruntschaff unde wissen uff beydersijt unde eyne wesselunge funden unde gemacht haben mit den drißig morgen wesen dy genand sin der Hellewolff, gelegen vor unserm sloze Kirchen, dy der egnantin Tutschen herrin gewest sin. Unde soln dy egnantin unser burgere zu dem Kirchen dy egnantin drißig morgen daz der Hellewolff heißet, eweklichen unde erplichen haben unde behalden zu allen erme nucze gein den viertzig morgen wesen uff dem werfflo, dy der egnantin unser burgere unde stad zum Kirchen gemeynde gewest sin, dy dy vorgnantin Dutschen herrin gein dy drißig morgen wesen der Hellewolff genand egnant eygen eweglichen fredeliche unde getruweliche haben besitzen befreden unde behalden soln unde sich der gebruchen zu allen erme nutze alse anders erir wesen unde erir eygen gude unde als sy dy bijs her brocht han. Unde ensoln dy egnantin unser burgere zu dem Kirchen noch nymant von erir wegen dy vorgnantin Tutschen herrin an den egnantin viertzig morgen wesen uff dem Werfflo nicht hindern noch drangen in keyne wijs. Ouch soln dy vorgnantin unse burgere zum Kirchen dy egnantin viertzig morgen wesen uff dem Werfflo hegen von ostern ane bijs uff Michaelis. Ouch so haben wir geredt, daz dy egnantin unse burgere zum Kirchen den vorgnantin Tutschen herrin geben solln y vor eyne gans czwenczig hellir unde vor eyn herbisthun achte hellir, unde soln en er faßnacht hunere geben als bijs her. Gelustet aber dy egnantin unse burgere zum Kirchen mit gensen und herbsthunern zu betzalne, daz mogen sie tun. Ouch so soln dy egnantin unse burgere zum Kirchen den vorgnantin Tutschen herrin er gulde mit Marpurger maße weren und beczalen alse daz maß iczund ist unde als sy bijs her getan haben, unde sal man daz nicht kleyner ader großer machen. Ouch alle brybe dy dy vorgnantin Tutschen herrin von uns unde von der herschaff zu Hessen unde von unser stad unde burgern zum Kirchen gemeynlichen haben, soln in alle erir macht bliben. Ouch bekennen wir, daz disse vorgeschriben wesselunge mit unserm unde der egnantin unser stad zum kirchen burgermeistere scheffen unde burgere gemeynlichen wissen guden willen unde gehengnisse ist geschen, alse dy vorgnantin Tutschen herrin unde unser burgere zum Kirchen egnant daz uff beidesijten ouch under eynander daruber brybe gegeben haben. Dijs zu orkunde han wir unser ingesigel an dissen briff laßen henken uff den jars abind anno domini millesimo trecentesimo octuagesimo nono.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II.

Weitere Orte

Kirchhain · Marburg, Deutscher Orden · Kirchhain, Hellewolfwiese · Marburg, Maße

Sachbegriffe

Deutscher Orden · Streitigkeiten, Vermitteln in · Städte · Bürgermeister · Schöffen · Wiesen · Flurnamen · Besitzstreitigkeiten · Abgaben, Geflügel · Herbsthühner · Maße, Marburger

Textgrundlage

Stückangaben, Regest

Wyss, UB Deutscher Orden 1.3

Original

Wyss, UB Deutscher Orden 1.3

Zitierweise

Landgrafen-Regesten online Nr. 11138 <https://www.lagis-hessen.de/de/subjects/idrec/sn/lgr/id/11138> (Stand: 24.04.2024)