Landesgeschichtliches Informationssystem Hessen

Regesten der Landgrafen von Hessen

1385 Oktober 31

Bündnis zwischen Mainz und Thüringen gegen Hessen

Regest-Nr. 11081

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Hauptstaatsarchiv Weimar, Reg. F pag. 159 E Nr. XXXVIII 3 (W). Pergament; Hauptstaatsarchiv München, Erzstift Mainz Fasc. 128. Die beiden Siegel an Pergamentstreifen.
Drucke: Urkunden der Markgrafen von Meissen Abt. B 1, S. 111-117 Nr. 154.
Regesten: UB Markgrafen von Meißen 1, S. 111 Nr. 154.
Regest
Erzbischof Adolf von Mainz und Landgraf Balthasar schließen ein Bündnis auf Lebenszeit, insbesondere gegen Landgraf Hermann II. von Hessen.
Originaltext
Wir Adolff von goczs gnaden dez heiligen stuls czu Mencze erczbisschof dez heiligen Romischen riches in Du^ezschen landen erczcanczeler und wir Balthazar von denselben gnaden lantgrafe czu Doringen und margrafe czu Missen bekennen und thun kunt offinlich mit diesem brife, daz wir durch nucz, freden und besten willen unser beider lande und lute czu Doringen, Sachsen, Westfaln, uf dem Eichsfelde, czu Franken und czu Hessyn biz gein Ameneburg und gein Battinburg uns mit eyn voreyntet und vorbunden han, voreynen und vorbinden uns mit craft diz brifes unser beider lebetage in alle der maße, als hirnach geschriben sted. Ouch nehmen wir in diese geinwertige eynung und bu^entniße die stifte Fulde und Hersfelde glich den vorgnanten unsern landen und lu^eten, wenne wir Adolff erczbisschoff vorgnante dieselben stifte yczund innehaben [...] (17) doch ist geredt und gevorwordt, daz unser eyner den andern wider lantgrafen Herman von Hessyn, alle sine lande und lu^ete, wo die gelegin syn, getruwelichin behulfen syn sal, wenne unser einer dez von dem andern gemant wirdet in allir maße, alz vor geschriben stet, und sullen diese vorgeschrieben uznemen und andere oben geschriben puncte und artikele daran nicht irren nach schaden. Und wanne wir alzo czu vientschaft quemen semptlich adir besundern, waz danne an sloßen, steten, vesten, gerichten, landen ader lu^eten lantgrafen Herman von Hessyn ader sinen helfern, wer die weren ader wu^erden, angewonnen adir erteidinget wurden ader die sich ergeben, wie daz queme ader gesche, eher die vientschaft gesu^enet wurde, die sullen wir mit iren czugehorungen mit einander haben, alzo daz sie unser igliches halb syn sullen, und sullen wir die mit iren czugehorungen danne darnach glich teylen nach rate unser beider fru^ende ane geverde. Wu^erde ouch der vorgnante lantgrafe Herman von Hessyn gefangen, der sulde unser beider herren syn. Waz ouch solicher gewonnen, erteidingiter ader ergebener sloße, stete, vesten, gerichte, lande ader lu^ete von dem stifte czu Mencze czu lehen ru^eren ader gehen, da sulden wir Balthasar und unser erben unsern teyl von unserm herren hern Adolfe, sinen nachkomen und dem stifte czu Mencze mit andern unsern lehen czu lehen haben und enphahen, alz so^elicher lehen recht und gewonheit ist, aner argelist und geverde. Diese vorgeschriben eynunge und bu^entniße mit allen stugken, puncten, artikeln und meynungen, wie die davore begriffen synt und geschryben sten, haben wir Adolf erczbischoff czu Mencze und wir Balthazar langrafe czu Doringen vorgnant geredt und gelobit, reden und geloben in guten truwen geinkertigklich in crafft diz brifes stete, veste und unvorbrochlich czu halden ane alle argelist und geverde. Dez czu urkunde sin unser beider ingesigele an diesen brif gehangen, der gegeben ist czu Vache uf aller heiligen abunde dez iars do man czalte nach gotis gebu^erde dryczen hundert und in dem funf und achczigistem iare.

Sprache des Originaltextes

deutsch

Nachweise

Weitere Personen

Mainz, Erzbischöfe, Adolf I. von Nassau · Hessen, Landgrafen, Hermann II. · Thüringen, Landgrafen, Balthasar

Weitere Orte

Mainz, Erzbischöfe · Meißen, Markgrafen · Thüringen, Landgrafen · Fulda, Stift · Hersfeld, Stift · Sachsen · Westfalen · Eichsfeld · Franken · Amöneburg

Sachbegriffe

Erzbischöfe · Bündnisse, lebenslängliche · Auseinandersetzungen, mit Mainz

Textgrundlage

Stückangaben, Regest

UB Markgrafen von Meißen 1

Original

UB Markgrafen von Meißen 1

Zitierweise
Landgrafen-Regesten online Nr. 11081 <https://www.lagis-hessen.de/de/subjects/idrec/sn/lgr/id/11081> (Stand: 28.03.2024)