Landesgeschichtliches Informationssystem Hessen

Regesten der Landgrafen von Hessen

1385 September 6

Otto von Hessberg bestätigt eine Seelstiftung des Grafen von Henneberg

Regest-Nr. 11080

Überlieferung | Regest | Originaltext | Nachweise | Textgrundlage | Zitierweise
Überlieferung
Drucke: Hennebergisches Urkundenbuch 5, S. 193 f. Nr. 333.
Regesten: Hennebergisches Urkundenbuch 5, S. 193 f. Nr. 333.
Regest
Otto von Hessberg, Comthur, bezeugt eine vom Grafen Heinrich von Henneberg an die Comthurei zu Schleusingen gemachte Schenkung und das dafür festgestellte Jahresgedächtnis des gräflichen Hauses durch drei Generationen samt dem von vier adeligen.
Originaltext
Ich Bruder otte von Hesseburg, Comethur tzu Kuendorff und tzu Slusungen, und wir der Convent gemeynlichen dez selben huses Slusungen ordens sancte Johans des heiligin Spitals von Jherusalem, Bekennen offinlich an disem offin brife und thun kunt allen den, dy in sehen, horen oder lesen, daz uns, alle unsern nachkumen, unserm vorgenanten husz Slusungen und dem vorgenanten orden hat gegeben hutterlichen durch got tzu ein rechtem bedekentnisse und ewigen sele gereth der edele herre herre Heinrich, grafe und herre von Hennenberg, und (die) edele frauwe frauwe Mechtihilt, Marggrefin von Badin, sin eliche husfrauwe, alle ir erben und nachkumen den nydern Sehe tzu slusungen, gelegin in dem vischbach, also bescheydelich, daz dy bruder dez vorgenanten husz Slusungen und alle ir nachkumen dez vorgenanten herren und frauwen, alle ir kinder, dy sy yczunt haben oder noch gewinnen, dez edeln herren grafen Wilhelmes, ihres sunes, frauwen Elsebethin und Frauen Annen, irre Tochter und der edeln hern und frauwen, dy hirnach geschriben sten, und dez vorgenanten grafen Heinrich dyner, die auch hir nach geschriben sten, eweglichen sullen gedencke in der kirchen uff dem letter, dy wile sy leben. Und wan sy so gestorben, so sal man ir auch ewiglichen gedencken und ir iare getziit begehe mit vigilien und mit messen, als sitlich und gewonlich ist ane geverde. Und darnach tzu dem ersten der edeln frauwen Elizabeth, furstinne tzu Anhalt, dez vorgenanten grafen Heinrich swester und der edeln frauwen frauwen Mechthilden, syner swiger, Marggrefin tzu Badin, daz sint dy vorgenanten sint, den got gnade, der man auch eweglich sal gedencke und ir iar getziit begehe, also vor geschriben stet, angeverde, dy edeln hern grafe Bertolde, dez vorgenanten grafen Heinrichs eldervather, dy edelen frauwen Santta Alheiden, lantgrafin von Hessin, syner eldermuther, dy edeln frauwen Annen von Hohenloch, synes eldervather eliche husfrauwe nach Santta Alheiden, dez edeln herren Grafen Heinrich, sines vethern, synes vather bruder, der edelen frauwen Jutten, Marggrafin von Brandenburg, syner elichen hausfrauwen, dem edeln herren Grafin Johans, sim vather, der edeln frauwen frauwen Elsebethin, lantgrafin von Lutenberge, syner Muther, frauwen Annen von Hohenloch, ir beyder tochter, Und dez edeln herren hern rudolfes, Marggrafen tzu Baden, dez vorgenanten Grafin Heinriches sweher, Und der vesten knechte, dez vorgenanten Grafin Heinriches dyner, dy da in sym dinste under synem baner schaden namen, den got gnade, Reynhard von Wechmar, Diczel und Symon von der Kere, gebruder, und Becze von Ostheim, der selben vier iar gecziit, sal, man eweglichen begehe in der karwachin an geverde, wan sy uff den dinstag darynne schaden namen. Daz alle diese vorgeschriben rede, vorbintnisse und artikel stete und gancz gehalden werden ane geverde, dez tzu urkunde und ganczer sicherheyd gebe ich vorgenanter bruder Otte von Hesseburg, Comethur tzu Kuendorff und tzu Slusungen, für mich, für den orden, für den Convent, fur dy bruder gemeynlich dez husz tzu Slusungen und fur alle unser nachkumen dem vorgenanten und den edeln hern Grafen Heinrich, herre tzu Hennenberg, der edeln frauwen Mechthilden, siner elichin husfrauwen, alle niren erben und nachkumen disen offin brieff vorsigilt mit myn eygin insigel, daz da tzu eym waren bekentnisse aller vorgeschriben rede ist gehangen an disen brieff.
Gegeben an der nestin mittewochin nach sente Egidii tage dez heiligin hern, Nach gotes geburt dryczehen hundert jare, darnach in dem funf und achczigesten jare.

Sprache des Originaltextes

deutsch

Nachweise

Weitere Personen

Hessberg, Otto von, Comthur · Henneberg-Schleusingen, Grafen, Heinrich V. (X.) · Henneberg-Schleusingen, Grafen, Berthold XII. · Henneberg-Schleusingen, Grafen, Adelheid, Frau Bertholds VII., geb. Landgräfin von Hessen · Henneberg-Schleusingen, Grafen, Anna, Frau Bertholds VII., geb. Gräfin von Hohenlohe · Henneberg-Schleusingen, Grafen, Heinrich IV. · Henneberg-Schleusingen, Grafen, Johann, Sohn Bertholds VII. · Henneberg-Schleusingen, Grafen, Jutta, Frau Heinrichs V., geb. Markgräfin von Brandenburg · Henneberg-Schleusingen, Grafen, Elisabeth, Frau des Johanns I., geb. Gräfin von Leuchtenberg · Anhalt-Zerbst, Fürsten, Elisabeth, Frau Johanns I., geb. Gräfin von Henneberg-Schleusingen · Hohenlohe, Grafen, Anna, Frau Gottfrieds III., geb. Gräfin von Henneberg-Schleusingen · Henneberg-Schleusingen, Grafen, Mathilde, Frau Heinrichs V., geb. Markgräfin von Baden · Henneberg-Schleusingen, Grafen, Wilhelm I. · Henneberg-Romhild, Grafen, Elisabeth, Frau Friedrichs III., geb. Gräfin von Henneberg-Schleusingen · Heydeck, Grafen, Anna, Frau Johanns II., geb. Gräfin von Henneberg-Schleusingen · Wechmar, Reynhard von · Kere, Diczel von der · Kere, Simon von der · Ostheim, Becze von

Weitere Orte

Schleusingen

Sachbegriffe

Grafen · Seelstiftungen · Jahrgedächtnisse · Komtureien · Schenkungen · Töchter · Söhne · Ehefrauen · Verwandte · Heiratsbeziehungen

Textgrundlage

Stückangaben, Regest

Henneberg UB 5

Original

Henneberg UB 5

Zitierweise
Landgrafen-Regesten online Nr. 11080 <https://www.lagis-hessen.de/de/subjects/idrec/sn/lgr/id/11080> (Stand: 28.03.2024)