Landesgeschichtliches Informationssystem Hessen

Regesten der Landgrafen von Hessen

1385 Juli 22

Erzbischof Friedrich von Köln vermittelt zwischen Mainz und Hessen

Regest-Nr. 11075

Überlieferung | Regest | Originaltext | Nachweise | Textgrundlage | Zitierweise
Überlieferung
Ausfertigung: Staatsarchiv Marburg, Urk. 1, Nr. 3873 ⟨Altsignatur: Staatsarchiv Marburg, Samtarchiv, Schublade 46, Nr. 32⟩.
Stückbeschreibung: Membran stark beschädigt, Schrift größtenteils verblaßt (lt. Findbuch).
Siegel: Von den ursprünglich unten aufgedrückten drei Siegeln nur noch eines vorhanden (lt. Findbuch).
Abschriften: Hauptstaatsarchiv München, Mainz, Erzstift VII 2/6, f. 128a.
Drucke: Koch, Beurkundete Nachricht Schiffenberg, Beilage 2, S. 49 Nr. 204 (Anfang, bis § 4); Friedensburg, Hermann II., S. 251-256 Nr. 10.
Regesten: Friedensburg, Hermann II., S. 251 Nr. 10.
Regest
Immenhausen. - Erzbischof Friedrich von Köln sühnt Erzbischof Adolf von Mainz samt dessen gen. Anhängern mit Landgraf Hermann von Hessen.

Wortlaut der Datierung

der geben ist uff sante Marien Magdalenen tag nach Crists geburte dru^eczehenhundert und in deme funffe und achtczigestem jare.

Originaltext
Wir Friederich von gots gnaden erczbisschof czu Colne des heilgen Romeschen riches in Italien erczecanczeler bekennen offenlich mit diesem briefe unde tun kunt allen den die yn sehen oder horent lesen daz wir tzwischen dem erwirdigen unserm lieben herren und nefen hern Adolfe erczebischofe czu Mencze des heilgen Romeschen riches in Dutschen landen erczecanczeler und uns Fryderich erczebisschofe czu Colne obgenant, allen unsers obgenanten nefen von Mencze und unsern mannen burgmannen steden sloßen landen und luden, den von Liesperg von Buchenauwe von Eysenbach von Baymbach von Sledese von Beymelbu^erg von Bapperg von der Malsburg und Cunrad Spegel rittere allen unsern und yren helfern unser und yrer helfer dynere unde mydderidern und allen den die in diesen kriegen begriffen sint und der kriege czu schicken haben uff eyne syten und dem hochgebornen Herman lantgrafen czu Hessen allen sinen steten sloßen landen und luten allen sinen helfern siner helfer helfer dienern und midderydern und allen den die in diesen kriegen begriffen sin und derczu schicken haben uff die andern siten eyne ganze su^ene und riechtu^enge gemacht beredt und begriffen haben als hernach geschrieben stet: (1) tzum ersten daz der lantgrefe von Hessen vorgenant genczlich und czu^emal vercziegen hat fur sich sine erben und nachkommen an dem lande czu Hessen sine helfer diener midderider underseßen und die sinen uff unsen nefen den erczebischoff czu Mencze vorgenant sine nachkomen und den stift czu^e Mencze, uff uns Friederich erczebisschoff czu Colne vorgenant alle unser beider helfer und unser beider helfer helfer dynere midderider underseßen und auch uff die von Liesperg von Buchenauwe von Eysenbach von Baymbach von Sledese von Beymelburg uff Cunrad Spiegel ritter uff die von der Malspurg uff die von Bapperg und uff alle die die vor und nach vient worden und domidde begriffen sint oder des czu^e schicken haben, und uff alle name brant dotslege raub schaden und ander sache wye die in diesen obgenanten veheden und kriegen oder dovor erstanden und geschehen sint, also daz daz allez genczlich und gru^entlich gesu^enet ist und sin sal. (2) und wer ez sache daz unserm nefen dem erczbisschofe von Mencze obgenant und uns Friederich erczebisschoff vorgenant den sinen oder den unsern oder den die domidde begriffen sin ymand darumbe zuspreche, die solde der lantgrefe nyt husen noch halden, und sal auch der lantgrefe von Hessen vorgenant und die sinen unsern nefen dem erczebisschofe czu Mencze sinen helfern und den sinen und uns und den unsern widder die beholfen sin ane geverde; und sal auch der lantgrafe von Hessen vergenant siner manne burgmanne diener und undertane mechtig sin die vehede abeczutu^en, wo sie die gein unserm nefen dem erczebisschofe von Mencze vorgenant und gein uns erczebisschof Friedereich vorgenant und allen den obgenanten geslechten yren helfern dienern und midderidern und alle die die vor und nach vient worden und in diesen sachen und kriegen begriffen sin, bizher gehabt han. (3) Item daz der lantgrefe von Hessen sine erben und nachkommen an dem lande czu Hessen und die sinen unsern nefen und stift czu Mencze alle sine phaffen epte closter prelaten und ander phafheit geistlich und werntlich zu Fritzlar und anderswo, und auch alle unsers vorgenanten nefen des erczebisschofes siner nachkomen und stiftes czu Mencze manne burgmanne diener burger und ander yre undertane by yren eygen erben friheiden rechten guten czinsen gulten zehenden fruchten renten und andern gevellen, wie man die genennen mag und wo die gelegen sin, furbaz ungehindert unbesweret und ungedranget sal laßen bliben noch verhengen oder gestaden daz daz von ymande der sinen geschehe in dheyne wijs ane alle geverde. (4) item sal der lantgrefe von Hessen vorgenant sine erben und nachkomen an dem lande czu Hessen unsern nefen den erczebisschof czu Mencze sine nachkommen und stift zu Mencze an yren geistlichen gerychten und an yre phafheit geistlich und werntlich furbaz ungedranget und ungehindert laßen bliben und sie auch by yren friheiden undrechten allen yren gulten renten und gevellen wo die gelegen sin ungehindert bliben und yn die volgen laßen. (5) item sal lantgrafe Herman von Hessen vorgenant sine erben und nachkomen an dem lande zu Hessen unserm nefen dem erczebisschofe sinen nachkomen und stifte czu^e Mencze fructus biennales von siner phafheit, die verseßen sin oder furbaz gefallen mogen, ungehindert laßen volgen, also daz unser nefe der erczbisschof sine nachkomen und stift czu Mencze die ynnemen und vordern mogen geistlich und werntlich, und sollen daran von dem lantgrefen sinen erben und nachkomen an dem lande czu Hessen und den yren ungehindert bliben. (6) item sollen alle personen geistlichin und werntlichen manne und burgmanne dyner burger undertane und knechte, die unserm nefen dem erczbisschofe von Mencze und sime stifte czu versprechen und czu verantwerten stent, die der lantgreve von Hessen gevangen hat oder die dem lantgrefen versworn hant widder yn und die sinen nit czu tu^en, ledig und lois sin und soliche eyde und globede genczlich abesin, die auch der lantgrefe czu stunt ledig sagen sal und yn yre briefe widdergeben, die er von yn daruber hat. (7) item sal der lantgrefe von Hessen vorgenant die gevangen ledig sagen die in vorfeheden gevangen sint worden, daz wir au^ech vormals gesu^enet haben. (8) wer auch gevangen ist von der von Liesperg und Buchenau^ew von Sledese von Eisenbach von Bymbach und von der von Baymelburg wegen, die sollen auch ledig sin uff eyn alt orfede . Item sollen alle gevangen ledig sin die den von der Malsburg abegevangen sint, uff ein alt orfede. (9) item sollen wir Fryderich erczbisschof czu Colne vorgenant unserm nefen dem erczbisschofe czu^e Mencze obgenant czusagen waz ime der lantgrefe von Hessen halden und vollencziehen sal von solicher sune wegen die vormals czwisschen erczbisschof Gerlach selgen und lantgrefe Heinrich und lantgrefe Otten begriffen ist, und waz wir unserm nefen dem erczebisschof von Mencze vorgenant und sime stifte czu Mencze zusagen und czuwisen, das sal yme der lantgrefe halden und vollenziehen ane hindernisse und verczog nach inhalde der briefe die daruber geben sin, und daz tu^en und ende geben czwisschen hie und sante Michelstage nestkommet. (10) item sal der lantgrefe von Hessen vorgenant unserme nefen dem erczbisschofe von Mencze vorgenant und sime stifte die sundern an dem Reynhardeswalde widdergeben und furbaz daran ungehindert laßen. (11) auch sal der lantgrefe vorgenant unsers obgenanten nefen des erczbisschofs czu Mencze dorfer, die umbe den Reinhardeswalt gelegen sin, an yr achtwarde furbaz ungehindert laßen. (12) auch sal der lantgrefe vorgenant unserm nefen von Mencze und sime stifte Halsen und Gepchindorff mit allen yren czugehorungen widdergeben und antwerten und sie furbaz daran ungehindert laßen bliben. (13) item daz man der phafheit czu Friczlar yre fruchte und gulte von diesen geinwertigen jare, sie sin genomen oder ungenomen, sal laßen werden und volgen ungehindert. (14) item sollen alle manne burgmanne und underseße von beiden siten widder belehent sin, wer das begert, und czu dem yren widder kommen ane geverde. (15) item sal der lantgrefe von Hessen vorgenant sine erben und nachkomen an dem lande czu Hessen unsers vorgenanten nefen des erczbischofs siner nachkomen und stiftes czu Mencze manne und burgmanne by rechte und friheiden ungehindet bliben laßen. (16) item sollen alle gevangen von beiden siten ledig und lois sin uff eyn alt orfede. (17) waz auch von brantschatzunge gedingetzen schenken oder andern sachen noch vorhanden und umbezalt ist, daz sal uff beide siten abesin. (18) item sal der lantgrefe von Hessen vorgenant sine lehen von unserm nefen dem erczbisschofe von Mencze vorgenant entphaen als solicher lehen recht und gewonheit ist. (19) item sollen die epte und convente der stifte Fulde und Hersfelden mit allen den yren in dieser sune sin. Des zu urku^ende so han wir Friederich erczebisschoff czu^e Colne obgenant unser ingesigel an diesen brief gehangen und wir Adolff von gotts gnaden des heilgen stules czu^e Mencze erczbisschoff des heilgen Romeschen riches in Dutschen landen erczcanczeler und wir Herman von gots gnaden lantgrefe czu^e Hessen vorgenant bekennen offenlich an diesem briefe daz diese vorgenant su^ene und riechtunge mit unser beider gutem willen wißen und verhengnisse geschehen beredt und gemacht ist, und haben gelobet und globen sementlich und besu^ender by guden truwen an eydes stad und by unsern furstenlichen eren geinwertlich in craft dieses briefes fur uns und die unsern die vorgeschrieben su^ene und riechtu^enge mit allen yren pu^encten stucken und artickeln genczlich czu^e halden zu tu^en und czu vollenfuren unverczogenlichen in alle der maße als vor geschrieben stet; und des zu urkunde und ganczer sicherheit so hat unser yglicher sin eygen ingesigel zu des obgenanten unsers herren von Colne ingesigel an diesen brieff gehangen der geben ist uff sante Marien Magdalenen tag nach Crists geburte dru^eczehenhundert und in deme funffe und achtczigestem jare.

Sprache des Originaltextes

deutsch

Nachweise

Ausstellungsort

Immenhausen

Aussteller

Köln, Erzbischöfe, Friedrich III. von Saarwerden

Empfänger

Mainz, Erzbischöfe, Adolf I. von Nassau · Hessen, Landgrafen, Hermann II.

Siegler

Köln, Erzbischöfe, Friedrich III. von Saarwerden

Weitere Personen

Lißberg, die von · Buchenau, die von · Eisenbach, die von · Baumbach, die von · Sledese, die von · Boyneburg, die von · Bapperg, die von · Malsburg, die von der · Spiegel, Konrad

Weitere Orte

Mainz, Erzbischöfe · Köln, Erzbischöfe · Fritzlar · Malsburg · Fulda · Hersfeld

Sachbegriffe

Streitigkeiten, Vermitteln in · Auseinandersetzungen, mit Mainz · Erzbischöfe · Ritter · Überfälle · Fehden · Diener · Schlösser · Burgen · Stifte · Burgmannen · Renten · Gefälle · Gefangene · Urfehden

Textgrundlage

Stückangaben, Regest

Friedensburg, Hermann II.

Original

Friedensburg, Hermann II.

Zitierweise
Landgrafen-Regesten online Nr. 11075 <https://www.lagis-hessen.de/de/subjects/idrec/sn/lgr/id/11075> (Stand: 29.03.2024)