Landgraf Hermann II. nimmt Erfurt auf 10 Jahre in seinen Schutz

Regest-Nr. 11041

Überlieferung | Regest | Originaltext | Nachweise | Textgrundlage | Zitierweise

Überlieferung

Ausfertigung:	Landeshauptarchiv Magdeburg. Mit dem Siegel.
Drucke:	Urkundenbuch der Stadt Erfurt 2, S. 651 f. Nr. 893.
Regesten:	Urkundenbuch der Stadt Erfurt 2, S. 651 Nr. 893.

Regest

Hermann, Landgraf zu Hessen, bekennt, daß er sich mit der Stadt Erfurt ausgesöhnt und dieselbe auf 10 Jahre in seinen Schutz genommen habe.

Originaltext

Wir Herman, von Gots gnaden lantgrefe zcu Hessin, bekennen und thun kunt uffintlichin an desem brive, daz wir und die unsern mit den ersamen luten dem rate, den burgern und der stad Erforto und den yren umb alle schelunge, uffloufte und zcugriffe, die sich undir uns uff beide sieten biz hute uff datum desis brives irloufin und irstanden sin, genczlich und gar gesunet und gerichtet sin ane geverde. Und als nu die genanten rad, burgere und stad unsern landen und luten und bisundirn unsern libin vettern seliger gedechtnisse, etwanne lantgrefin zcu Hessin, vil dinstes und willin bewiset und gethan habin, und uns und den unsern in zcu^ekunftigen zcieten tuen mogen, hirumme so habin wir von sundirn gnaden und guten willin die selbin rad, burgere und stat Erforte und die yren und yre gute und habe yn unsern schucz und schur gnamen und en gered und gereden mit kraft deses brives, daz wir sie und die yren zcen gancze iar, die noch gift deses brives nest noch eynandir volgen, in unsern landen, steten und uff unsern strassen getruwelich ane geverde schuczen und vorteidingen sullin und wullin kegin allirmenlichem als unser eygin diner und manne, und ouch darvor sein und nicht gestaten, daz man sie adir keynen der yren adir yre gutere in unsirn landen, steten adir uff unsern strassin bynnen desin egenanten zcen iaren bekummere, hindere, adir uffhalde von der stad Erforte wegen adir sust eynen vor den andirn, ez enwere danne, daz ymand dem andirn selbis waz schuldig were, darumme er en adir sin gut mit gerichte und rechte wol kummern mag; desselbin glich sie den unsern ouch also in der stad Erforte und gebite thun und halden sullen. So sullin adir wullin wir ouch bynnen der egenanten zciet yre viende nicht husen, schuczen adir vorteidingen ane geverde; desselbin glich sie kegin uns diewile ouch nicht thuen sullin, uzgeslossin den erczebischoff und den stift zcu^e Mencze und die, mit den wir beidirsiet in vorbuntnisse sin. Were ouch, daz sie adir die yren noch gift desis brives zcu^e den unsen schulde adir zcusprache gewunnen, so sullin wir der unsern mechtig sin, daz sie ynnewendig vier wochin, noch dem als wir darumme vormand werden, kegin en adir kegin den yren uff tage zcu^e Molhusen in die stad riten, darzu^e und von und in der stad sie geleite habin sullen ane geverde, und en adir den yren thun und phlegin uff dem tage, waz recht ist, ab sie sich in fruntschaft nicht gerichte ku^ennen. Und were, ab wir also und in sulchir masse ymandis von den unsern nicht mechtig weren noch gesin mu^echten, so sullen und wullin wir den dar noch nicht schuczen, husen noch vorteidingen ane geverde. Were ouch, daz die unsern zcu^e en adir den yren schulde adir zcu^esprache gewunnen, so sullin sie der yren ouch mechtig sin uff tage kegin Molhusen zcu^e ritene und recht zcu^e thunde, und den artikil ouch also hinwedir kegin den unsern halden als wir kegin den yren. Dez zcu bekentnisse und sichirheid allir vorgeschribin rede, habin wir unser ingesigel an desin briff wissintlich lassin hengin, der gegebin ist noch Gotis gebort thusint drihundirt vir und achczig iar an dem mantage allirnest noch sente Francisci.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II.

Weitere Orte

Erfurt · Mühlhausen

Sachbegriffe

Schutz und Schirm · Städte · Bürger · Räte

Textgrundlage

Stückangaben, Regest

UB Erfurt 2

Original

UB Erfurt 2

Zitierweise

Landgrafen-Regesten online Nr. 11041 <https://www.lagis-hessen.de/de/subjects/idrec/sn/lgr/id/11041> (Stand: 20.04.2024)