Regesten der Landgrafen von Hessen

Erweiterte Suche »
Ergebnismenge »
Treffer 46 von 309

1384 August 23

Bündnis zwische Landgraf Hermann II. und Herzog Albrecht von Sachsen

Regest-Nr. 11036

Überlieferung

Drucke:	Urkundenbuch der Herzöge von Braunschweig 6, S. 106 f. Nr. 100.
Regesten:	Urkundenbuch der Herzöge von Braunschweig 6, S. 106 Nr. 100.

Regest

Herzog Albrecht von Sachsen und Lüneburg und Landgraf Hermann von Hessen errichten auf den Fall, daß sie oder einer von ihnen mit dem Herzoge Otto von Braunschweig in Feindschaft oder Zwietracht geraten, ein beständiges Bündnis, um sich einander mit Land und Leuten getreu behilflich zu sein. Sie geloben, nur gemeinsam Sühne oder Frieden zu schließen, Gewinn im Krieg nach Anzahl gewaffneter Leute zu teilen, eroberte Schlösser des Herzogs Otto gemeinsam zu behalten oder zu brechen und gegen jeden, der ihm zu Hilfe kommt oder sich in die Fehde mengt, wie gegen ihn selbst, verbunden zu sein und zu verfahren.

Originaltext

Wir Albracht von Gots gnadin Herczouge zu^e Saszen und zu^e Lu^eneburg und Wir Herman von den selben Gnadin Lantgrave zu^e Hessen Bekennen uffinlichin indissem brybe daz wir uns miteynandir Eweklichen zu^e samende virbunden und virstricket haben, virstrichen und virbinden vestlichen mit eynandir In dissem brybe in alle der masze als hirnachgeschrebin stet. Weris daz der hochgeborn Otte Herczou^ege zu^e Bru^enswig unser eyns fiend worde adir unser semptliche fiend worde adir mit uns semptlich adir besundirn zu^e czwey^etracht queme adir wir semptlich adir unser eynir sine fiende wordin adir semptlich adir unser eynir mit eme zu^e czwey^etracht quemen, So sal unser eynir dem andirn truwelich und vestlich behulffin sin mit landen und mit luden uff sine eygene koste gewin und schaden und zu^e stund fiend werdin des egenantin Ottin herczougen zu^e Bru^enswig wan he gemanet worde von dem andirn und al unser keyner an den andirn sich Su^enen berichtin fredin Gu^etlichsten adir keynerley andir tedinge nehmen adir tun und soln dijt tu^en als dicke als unser eyme adir uns semptlichen des not were adir ist. Und weris daz wir zu^e kryge quemen mit dem egenantin herczogin Ottin und zu^e hauff In eyn felt quemen adir unser Amptlude von unser wegen und uns god holffe daz wir gewonnen. De ngewin sal man teilin nach anczal der gewapinter lude. Hulffe uns abir god daz wir adir unser Amptlude mit den unsern eyn Slos adir me dem egnantin herczogen Ottin abegewonnen dy^e solden wir semptlich behalden adir nedir brechin wy^e wir des undir eynandir zu^e rade wordin. Ouch wilchir unser eyn dem andirn adir dy^e Amptlude folgeten In sin land der sal dem andern Spise und fudir gebin zu^e vor, So stet unsir iglichir sin gewin und vorlust in alle der masze als vorgeschrebin stet. Ouch weris daz sich ymand he sij adir welchir Condicien he sij der sich In dy^e fehede adir In dy^e czweydracht des egenanten Herczogen Otten mengete adir In sine hulfe queme daz solden wir halden mit dem adir mit den glichirwijs als mit dem egenanten den kry^eg zu. Und weris daz wir su^enetin und ymand sich usz der Su^ene spreche adir bliben wolde mit unser eyme adir mit uns beydin adir unser eynis adir unser beidir fiend worde als von des kryges wegen mit den adir mit den soln und woln wir daz glichirwijs halden als mit Herczogin Ottin egnant. Alle disse vorgeschrebin vorbuntnisse vorstrigkinge inallen ern pu^engtin und artikiln semptlich und besundirn globin wir Albracht und wir Herman egnant miteynandir inguden truwen unser eyn dem andirn stede und feste zu^ehaldin inalle der masze als vorgeschrebin stet. Dijs ztu^e Orkunde han wir Albracht und wir Herman egnant unser Ingesigille an dissen bryff laszen hengken. Der Gegebin ist nach Cristi geburd Dry^eczehin hu^endert Jar darnach Indem vier und achczigstem Jahre uff Sent Bartholomei abint des heilgen apostiln.

Sprache des Originaltextes

deutsch

Nachweise

Textgrundlage

Regest

Stückangaben

UB Herzöge von Braunschweig 6

Original

UB Herzöge von Braunschweig 6

Zitierweise

Landgrafen-Regesten online Nr. 11036 <https://www.lagis-hessen.de/de/subjects/idrec/sn/lgr/id/11036> (Stand: 25.04.2024)