Landesgeschichtliches Informationssystem Hessen

Regesten der Landgrafen von Hessen

1384 Februar 21

Ordnung für Kassel

Regest-Nr. 11020

Überlieferung | Regest | Originaltext | Nachweise | Textgrundlage | Zitierweise
Überlieferung
Drucke: Sammlung fürstlich-hessischer Landes-Ordnungen 1, S. 5-7 Nr. 4.
Regest
Ordnung Landgraf Hermann II. für die Städte Kassel, wie es mit der Wahl des Rates, der Aufnahme neuer Bürger und in Justiz- und Polizeisachen zu halten sei.
Originaltext
Ordnung von Hermanno docto. Landgrafen zu Hessen.
IV.
Ordnung, wie es in den drey Städten zu Cassel mit Bestellung des Raths, Aufnahme der Bu^erger ingleichen in Justiz- und Policey-Sachen solle gehalten werden.
Vom 21. Februar 1384.
Dys ist die Satzung, die Wir Herman von Gots gnadin Lantgrafe ztu Hessin von Unsir und Unsir Erbin wegin sezen und machin, in unsn Dreu Steden zcu Cassel, und die ztuhaldene by alle irn penen, alse die hirnach geschrebin sten.
1. Czu dem Erstin, daz Wir Herman Lantgrafe ztu Hessin setzen vor Uns und Unsir Erbin eynen Raid in Unsn Steden zcu Cassel, und den widder mogin entsetzen, nach alle Unßme Willen ganz adir eyn teil, und daz tun alse dicke, und ztu wilcher zyt uns daz ebin ist.
2. Ouch so en sal die Gemeynheit keyne Czwene gemeyne Burgirmeistere kiesin noch habin sollin.
3. Ouch so en sal man keynen nu^ewen Burger enphaen her sy wer her sy, ez en sy danne mit Willin Unsir adir Unßs Richters von Unßs geheißis wegin, und der sal swerin Uns getruwe und holt ztu siende.
4. Ouch so sal man richten, Orteil sprechin, und gerichte sitzen nach Keysirs rechte.
Ouch so en sal der Raid, daz sin die Schepfin by sich keyn Orteil lengir behalden, danne von eyme gerichte bis ztu dem andirn, so sollen sie daz Orteil widder inbrengin, und uzsprechin by dem eyde den sy gethan han.
6. Ouch waz Sache vor Gerichte ku^emet die ensollin die Schepfin uff dem Rathuse nicht richten ez en sy mit unßme und unsir Erbin willen.
7. Ouch ist ez, daz ein Orteil gefundin adir gesprochin wirdet, daz man schelden will adir schildet mit Beruffunge, die sal man tun, ztu Uns, und ztu unßme Rade, Und nyrgen andirs, Und wer dan andirs tede, der sulde ez verbußin dem Richter, und darbit des Gerichtis.
8. Ouch die Orteile die da Endunge gebin in den sachin, sie werdin gesprochin von Uns, und unßme Rade, Adir von dem Rade, daz sind die Schepfin der Stede die sal man ztu stunt schreiben in Czwey Bu^echere, daz eyne sal bliben by dem Rade, daz ander by dem Richter.
9. Ouch so sal man zu^egin, und gezu^egniß leiden, Alle Keysirs recht uzwiset.
10. Ouch sal man den Gesten richten von eyner Sommen ztu der andirn, und waz en gerichtit wirt des sal man en helfen des nesten tagis darnach, als ez gerichtet ist.
11. Ouch so sal man phenden und phande gebin und darmydde gebarin nach Keisris rechte.
12. Ouch daz sy Gast adir Burger vy dem man keyne gnu^egliche phande findet, adir von dem man keyne gnu^egliche phande gehabin mag, adir der nicht sicherheit gethun en kann alse recht ist, vor dazdaz gerichtit wirt, den sal man deme cleigere antwu^erten by dem geren, und der cleiger sal den halden und sin pflegin alse Keysers recht uzwist.
Ouch wer da erwonnen wirt von eyme Gaste, der sal deme Gaste mogeliche kerunge entlegin alse recht ist, mit dem irclageten.
14. Ouch alle Pyne, die manden lu^eden anlegit umb mißetad, die sal man richten, und anlegin nach Keysirs rechte.
15. Ouch so sollin alle bru^eche, wette, und busse, die da geschen an dem gerichte, adir wor sy geschen, sten an dem richtere, und alle Gewonhit, die da widder ist, sal abegethan sin.
16. Ouch wer da bruche tut, wettit, adir bußhaftig wirt, den mag der Richter behalden, alse lange bisher buße und wette bezalit, und umb die bruche gnug getut, dem richter, adir yme die buße und wette vorwißit in der maße, daz her der sichir ist.
Ouch alle wilkore und alle vorgift, sal keyne macht han, sy en gesche danne vor Gerichte, adir mit volbort des Gerichtis, Ußgenomen, daz man Gode gibet, und daz sal man gebin und halden nach Keysers rechte, Ez en were danne, daz unser Eldern, adir Wir, ader unsir Erbin daz andirs verbriefet hetten adir nach verbriefetin.
18. Ouch in allen dingin die da geschen in dem Rade, da der Raid, daz sint die Schepfin nicht eintrechtig nynne ist, Daz sal der Schultheiße ufnemen von beiden syten und vor uns brengin, so wollin Wir sie daruz scheiden mit rechte.
19. Ouch wollin wir zu dem Rade, adir zu den Burgern gemeinliche kiesen und sezen eynen Margkmeister, den wir widder entsezen mogin, und eynen andirn in die stede kiesen, und sezen alse dicke uns ebin ist, Der Margkmeister, der also gesazt wirt, der, und unsir Richter, sollin macht haben allen Ratkouff sezin, und entsezen nachdem als sich der Ratkouff sezin, und entsezen nachdem als sich der Ratkouff mynnert und merit an dem Kouffe und derselbe Margkmeister, sal swerin, daz her den Ratkouffe, und Markit wolle bewarn nach alle synen synnen, und wulle daz laßin durch lieb adir durch leit, Und wer darane fundin wurde die des Ratkouffs nicht enhilde, die da gesast wu^erde von dem, daz der andirs verkoufte, die sulde wethaftig, umd bußhaftig werden dem Gerichte, und vom weme die Buße geschee, der ensulde nicht darvor sten mit syme eyde, sundrn man sal dem Margkmeister glouben der darobir gesworn hat.
20. Ouch wer also eyn Margktmeister ist, adir wirt, der sal allir wagen, und allir maße wilchirley die sin, die izunt sin, Adir die wir, Adir unser Erbin nach machetin, adir sesten, macht habin mit dem Richtere, die ztu bewarinde, und ztu besehinde, daz sie gerecht sin, Und wo her die sindet ungerecht, dy sal der verbußin der sie hat, Und in des huse man sie findet mit Buße, adir mit pene, alse Keisers recht uzwiset.
21. Ouch die phortnere vor den Thoren ztu Cassel, die sollin wir setzin und entsezin nach unßme Willen und sollin uns swerin, und nymande andirs, sundern die stede sollen en lonen.
22. Ouch so sollin drye Bu^ermeister sin, die dy Wachte kundigin, die sollen swerin die Wachte getru^ewelich zubestellende, und sollin daz laßin durch lieb adir durch leit dem ztu wachene gehorit, Und wer sine Wachte versumete, und ztu rechtir tzyt nicht queme, adir tzu fru^e abeginge, den sal her brengin mit clage vor den Richter, Und der clage sal man gloubin, und die Buße von yme nehmen, Und die Burmeister sollin Wir und uns Erben sezin und entsezin als dicke und daz ebin ist, adir unsir schultheiß von Unßs geheißis wegin.
23. Ouch so en sal nyman buwen uff die straffe adir in die straße, nach die wege adir straße ztu brechen, an des Richters erloip, wer daz tede, der sulde daz verbu^eßen.
24. Ouc von weme fu^er usqueme, in syme Huß, adir Wonunge, da ein Geschrey von queme, der sulde daz verbußin.
25. Ouch wer da eyn heilalgeschrey tut, der sal syme geschrey folgin von Gerichte. wers, daz her des nicht entede, Kunde dan der Richter, den geschrey irwisen mit zweyn, die da wonten in der Gaßin adir mit andirs zweyn Bidderwenmannen, so sulde her wethaftig und bußhaftig sin.
26. Ouch sollin die Statknechte swerin, daz sie truweliche wullen sagin dem Richtere, die eine, den sy von Gerichte gebodin han, Und der keynen vorswigen und daz tun, alse dicke, alse Gerichte ist.
27 Ouch mag der Richter richten obir mißetat, alleyn daz dar keyn clegir ist. Sundern her sal die mißetat irwisen uff die mißtedigen lude, alse keysers Recht uzwiset.
28. Ouch so en sal nymant her sy Ratsmeister adir schepfe vorspreche sin, Adir Rad gebin, der an Gerichte ztu teydingen hat, in unßn Steden ztu Cassel by dem Eyde, den her getan hat, und by Pyne Keisers rechte, Want sie selbir recht, und orteil an dem Gerichte.
29. Ouch sollin viere gesworn Vorsprechin sin, an unßme Gerichte, ztu Cassel, und nicht mer, die unsir Burger, und andirs der Geste Wort halden sollin, den man in ir eyde gebin sal, daz sie ydermans wort sprechin sollin vor Gerichte, und ir iglicher siner Party vor sin, getruwelich, alse ferre en synne und wiße lerit, und daz durch lieb adir durch leit laßin, und wes wort her sprechit, dersal yme Seß hesche pfennige gebin, und nicht mer, und yme darmidde laßin gnu^egin by dem eyde, den her darobir getan hat, und wes wort sie also sprechin, dem sollin sie die Gericht tage alus wartin, Und Wir und unsir erbin, adir unser Schultheiß, von unßs geheißis wegin, mo^egin sie sezin und ensezin alse dicke uns daz ebin ist.
30. Ouch so sal alle Innunge uffin und abegethan sin, dra Jar, umb des willen, daz die unßseren verstorbin sin in den steden und umb eyns gemeynen nußis willen, daz sich ander lu^ede in die Stade wenden, und mag auch eyn iglicher in syme Huse kouffen und verkouffin, und wan die dry Jar verlouffin sin, so mogin Wi widder Innunge gebin und tun, nach unßm Willen, Und diewile des nicht geschiet, so en sal keyne Innunge sin, adir keyn hantwergksmeister.
31 Dyt ist der eyt, den die Bu^ergermeister, und die Schepfin unsir Stede ztu Cassel sweren sollin, alse dicke, als man sie sezit.
Daz wir Lantgrafen Hermanne und syne rechtin erbin, by syme rechte behalden sollin, und dem Gerichte daz der egenante unser Junkher und dyn Erbin han in den Steden ztu Cassel yme und sinen Erbin da getruwe ztu ztusiende, und die sazunge die her gesazt hat, von siner wegin und siner Erbin, adir nach sezit her adir syn erbin en zcuhaltene und yme und sinen Erbin getruwe und holt ztu siende, und nymand verbundin sin Dann yme und sinen erbin als uns Got helfe und die Heilgin.
31. Ouch so en sal keynerley Gewonheit mer sin in den steden ztu Cassel, die widder daz recht sin, adir widder diße Geseze, die hir vorgeschreben stehen wy lange adir wy korz sie herbracht syn und widder die Geseze, die Wir adir unsir Erbin nicht sezende worden, adir sesten.
Datum anno domini M°CCC°LXXXIIII° Feria sextu ante dominicam Invocavit.

Sprache des Originaltextes

deutsch

Nachweise

Weitere Personen

Hessen, Landgrafen, Hermann II.

Weitere Orte

Kassel

Sachbegriffe

Räte, Wahl der · Bürger, Aufnahme als · Landesordnungen · Polizeiordnungen · Justizordnungen · Gerichtsordnungen · Räte, Absetzungsrecht für · Bürgermeister, Wahl von · Rechte, Setzen von · Schöffen · Rathäuser · Gerichtsorte · Urteile, schelten von · Gerichte, Berufung vor · Pfändungen, gerichtliche · Strafgelder · Brüche · Richter · Strafen, Gefängnis bis zur Geldzahlung · Schultheiße · Marktordnungen · Marktmeister · Maße, Aufbewahren von · Marktmeister, Pflichten von · Torwächter, Einsetzen von · Wächter, schlechte · Bürgerpflichten, Wache · Städte, Bebauung von · Straßen · Stadtknechte · Fürsprecher, gerichtlich bestellte · Währungen, Hessische Pfennige · Pfennige, Hessische · Fürsprecher, Entlohnung für · Handwerksmeister · Handwerkerinnungen, Einrichten von · Diensteide, Wortlaut von

Textgrundlage

Regest

SH

Stückangaben

Hessische Landesordnungen 1

Original

Hessische Landesordnungen 1

Zitierweise
Landgrafen-Regesten online Nr. 11020 <https://www.lagis-hessen.de/de/subjects/idrec/sn/lgr/id/11020> (Stand: 29.03.2024)